ກ່າວຄໍາເຫັນທີ່ການປະຊຸມຂ່າວ, ທ່ານ Ceilia Piccioni ເອກອັກຄະລັດຖະທູດ ຜູ້ມີອໍານາດເຕັມ ອີຕາລີ ປະຈໍາ ຫວຽດນາມ ໃຫ້ຮູ້ວ່າ ບັນດາການເຄື່ອນໄຫວດັ່ງກ່າວ ໄດ້ປະຕິບັດບົນຈິດໃຈເຊື່ອມຕໍ່ກັບ “ສັບປະດາອາຫານການກິນ ອີຕາລີ ໃນທົ່ວໂລກ ຄັ້ງທີ 3”. ເປີດສາກໃຫ້ແກ່ບັນດາລາຍການການເຄື່ອນໄຫວ ແມ່ນລາຍການຊີມເຫຼົ້າ “Sentiero di Vino – Valpolicella” ເຊິ່ງຖືກຈັດຂຶ້ນໃນວັນທີ 02 ພະຈິກ ຢູ່ ສູນສົ່ງເສີມວັດທະນະທໍາ ແລະ ການຄ້າ ອີຕາລີ ຢູ່ຮ່າໂນ້ຍ, ວັນທີ 6 ພະຈິກ ທີ່ສະຖາບັນການຕ່າງປະເທດຫວຽດນາມ ຈະຈັດກອງປະຊຸມສໍາມະນາ, ວັນທີ 7 ພະຈິກ, ທີ່ສູນສົ່ງເສີມວັດທະນະທໍາ ແລະ ການຄ້າ ອີຕາລີ ຢູ່ຮ່າໂນ້ຍ ກໍຈະດໍາເນີນກອງປະຊຸມສໍາມະນາ ຮ່ວມມືວິທະຍາສາດ ປີ 2018 ເຊິ່ງໄດ້ສຸມໃສ່ເນື້ອໃນການຮ່ວມມືສອງຝ່າຍລະຫວ່າງຫວຽດນາມ ແລະ ອີຕາລີ ໃນຂົງເຂດ ວິທະຍາສາດ - ເຕັກໂນໂລຢີ ແລະ ບັນດາໂຄງການກ່ຽວກັບເຕັກໂນໂລຢີດາວທຽມ. ວັນທີ 8 ພະຈິກ, ທ່ານ Ceilia Piccioni ຈະຈັດງານລ້ຽງ Gala dinner ດ້ວຍອາຫານເຍື່ອງຕ່າງໆ ທີ່ມີລົດຊາດພິເສດຂອງ ອີຕາລີ ແລະ ຈຸດເດັ່ນຂອງລາຍການເຄື່ອນໄຫວຄັ້ງນີ້ ແມ່ນ “ງານຕະຫຼາດນັດວັດທະນະທໍາ ອີຕາລີ” ເຊິ່ງຈະຖືກຈັດຂຶ້ນໃນລະຫວ່າງວັນທີ 10 – 11 ພະຈິກ ຢູ່ ພະລາຊະວັງທັງລອງ (ຮ່າໂນ້ຍ) ດ້ວຍອາຫານການກິນ, ເຫຼົ້າແວງ ແລະ ການເຂົ້າຮ່ວມຂອງບັນດາພໍ່ຄົວແມ່ຄົວ ອີຕາລີ ທີ່ມີຊື່ສຽງຂອງ ອີຕາລີ.