ກອງປະຊຸມຄົບຄະນະຄັ້ງທີ 2
(ພາບ: TTXVN)
(vovworld) - ຕອນເຊົ້າວັນທີ 7/10, ຢູ່ ຮ່າໂນ້ຍ, ກຳມາທິການເສດຖະກິດຂອງສະພາແຫ່ງຊາດ ໄດ້ຈັດວາລະປະຊຸມຄົບຄະນະ, ກວດກາບົດລາຍງານຕີລາຄາໝາກຜົນແຫ່ງການປະຕິບັດແຜນພັດທະນາເສດຖະກິດ-ສັງຄົມປີ 2016 ແລະ ທິດທາງ, ໜ້າທີ່ ແຜນພັດທະນາເສດຖະກິດ-ສັງຄົມປີ 2017; ໃຫ້ຄວາມເຫັນກ່ຽວກັບແຜນການສ້າງໂຄງປະກອບພື້ນຖານເສດຖະກິດ ໄລຍະ 2016-2020. ບັນດາຜູ້ແທນໄດ້ເຫັນດີເປັນເອກະພາບກັບບົດລາຍງານຂອງລັດຖະບານກ່ຽວກັບຜົນແຫ່ງການປະຕິບັດ ແຜນພັດທະນາເສດຖະກິດ-ສັງຄົມປີ 2016 ແລະ ທິດທາງ, ໜ້າທີ່ ແຜນພັດທະນາເສດຖະກິດ-ສັງຄົມປີ 2017. . ກ່ຽວກັບມາດຕະການພັດທະນາເສດຖະກິດ - ສັງຄົມປີ 2017, ບັນດາຜູ້ແທນສະເໜີຍູ້ແຮງວິວັດການຫັນເປັນຕະຫຼາດສິນຄ້າປະເພດຕ່າງໆ, ການບໍລິການຂອງລັດ. ຢຸດຕິການນຳໃຊ້ມາດຕະການຄວບຄຸມທີ່ມີລັກສະນະບໍລິຫານ, ພາໄປເຖິງສະພາບຂາດດຸນງົບປະມານເພີ່ມຂຶ້ນ ແລະ ຫຼຸດຜ່ອນປະສິດທິຜົນການບໍລິຫານຂອງນະໂຍບາຍເງິນຕາ ແລະ ປີການເງິນ.
ແລະກໍ່ໃນຕອນເຊົ້າວັນທີ 7/10, ກຳມາທິການກ່ຽວກັບບັນດາບັນຫາສັງຄົມຂອງສະພາແຫ່ງຊາດກໍ່ຈັດຕັ້ງກອງປະຊຸມຄົບຄະນະຄັ້ງທີ 2, ດ້ວຍເນື້ອໃນຈຸດສຸມແມ່ນພິຈາລະນາ, ປຶກສາຫາລືບົດລາຍງານກ່ຽວກັບສະພາບການປະຕິບັດແຜນການພັດທະນາເສດຖະກິດສັງຄົມ, ງົບປະມານແຫ່ງລັດປີ 2016; ແຜນການປີ 2017ທີ່ຂຶ້ນກັບຂົງເຂດຄຸ້ມຄອງຂອງກະຊວງແຮງງານ - ທະຫານເສຍອົງຄະ ແລະ ສັງຄົມ, ກະຊວງສາທາລະນະສຸກ. ລາຍງານທີ່ວາລະປະຊຸມ, ຜູ້ຕາງໜ້າກະຊວງແຮງງານ - ທະຫານເສຍອົງຄະ ແລະ ສັງຄົມ, ໃຫ້ຮູ້ວ່າ: ໃນ 9 ເດືອນຜ່ານມາ, ບັນດາໜ້າທີ່ພັດທະນາຕະຫຼາດແຮງງານ, ສ້າງວຽກເຮັດງານທຳ, ກໍ່ສ້າງວິຊາຊີບ, ຍົກສູງຄຸນນະພາບຊັບພະຍາກອນມະນຸດ ກໍ່ຄືການລົບລ້າງຄວາມອຶດຫີວ ຫຼຸດຜ່ອນຄວາມທຸກຍາກ, ການຮັບປະກັນຊີວິດສັງຄົມໄດ້ຮັບການຜັນຂະຫຍາຍຢ່າງຄົບຊຸດ, ມີປະສິດທິຜົນ, ປະກອບສ່ວນປະຕິບັດສຳເລັດບັນດາໜ້າທີ່ພັດທະນາເສດຖະກິດສັງຄົມປີ 2016. ເພື່ອຫຼຸດຜ່ອນອັດຕາສ່ວນຫວ່າງງານ, ສະມາຊິກສະພາແຫ່ງຊາດ ຫງວຽນກວາງຕ໋ວນ, ສະເໜີວ່າ:
“ຄຸນນະພາບການບຳລຸງສ້າງໃນປະຈຸບັນຕົ້ນຕໍແມ່ນຕາມຈຳນວນ, ມັນກ່ຽວຂ້ອງເຖິງລາຍຮັບຂອງບັນດາຫົວໜ່ວຍບຳລຸງສ້າງ, ດັ່ງນັ້ນຜູ້ທີ່ຮຽນຈົບບໍ່ສາມາດຕອບສະໜອງໄດ້ຄວາມຕ້ອງການຂອງຜູ້ເລືອກເຟັ້ນ. ນີ້ແມ່ນບັນຫາທີ່ພວກເຮົາຈຳເປັນຕ້ອງພິຈາລະນາຄືນໃໝ່“.