ສັນຍາການຄ້າເສລີຫວຽດນາມ-EU:ສິ່ງທ້າທາຍແລະມາດຕະການແກ້ໄຂ
(ພາບປະກອບ)
(vovworld) – ການໂອ້ລົມສົນທະນາດ້ວຍຫົວຂໍ້ວ່າ “ບັນດາສິ່ງທ້າທາຍ ແລະ ມາດຕະການແກ້ໄຂໃນວິວັດທະນາການປະຕິບັດສັນຍາການຄ້າເສລີຫວຽດນາມ - ສະຫະພາບເອີລົບ”, ດຳເນີນໄປໃນຕອນເຊົ້າວັນທີ 05/12, ຢູ່ຮ່າໂນ້ຍ. ການໂອ້ລົມສົນທະນາເພື່ອແນໃສ່ແລກປ່ຽນບັນດາມາດຕະການເພີ່ມທະວີການຮ່ວມມືລະຫວ່າງຫວຽດນາມ - EU ໃນໄລຍະຈະມາເຖິງ, ພິເສດແມ່ນສັນຍາການຄ້າເສລີ ຫວຽດນາມ - EU ພວມຢູ່ໃນໄລຍະປັບປຸງ, ຄາດວ່າຈະສຳເລັດໃນຕົ້ນປີ 2015. ບັນດາຜູ້ແທນຖືວ່າ, ບັນດາສິ່ງທ້າທາຍທີ່ພວມວາງອອກໃນວິວັດທະນາການເຊັນສັນຍາແມ່ນໃຫຍ່ຫຼວງທີ່ສຸດ. ທ່ານ ຫວໍຈິແທ່ງ, ຮອງຫົວໜ້າສະຖາບັນຄົ້ນຄວ້າການຄຸ້ມຄອງເສດຖະກິດສູນກາງ, ກະຊວງແຜນການ ແລະ ການລົງທຶນໃຫ້ຮູ້ວ່າ.
“ສຳລັບລັດຖະບານ, ບໍ່ພຽງແຕ່ເຜີຍແຜ່ຂໍ້ມູນຂ່າວສານເທົ່ານັ້ນ ຫາກຍຸດທະສາດພັດທະນາຂອງຫວຽດນາມ ຕ້ອງຕິດພັນກັບບັນດາຄູ່ຮ່ວມມື, ຕະຫຼາດໃຫຍ່ຂອງຫວຽດນາມ ບັນລຸຜົນປະໂຫຍດສູງສຸດອີກ. ສຳລັບວິສາຫະກິດ, ຕ້ອງຄິດໄລ່ຄວາມະສດວກ, ຄວາມສ່ຽງ, ກຳລັງແກ່ງແຍ່ງ, ຈາກນັ້ນຍົກສູງມູນຄ່າເພີມ. ລະຫວ່າງຫວຽດນາມ ແລະ EU ໄດ້ມີສັນຍາຄູ່ຮ່ວມມືຮອບດ້ານ (PCA). ວິສາຫະກິດບໍ່ພຽງແຕ່ຄິດເຖິງການຊອກຫາຕະຫຼາດ, ຫາກຳໄລເທົ່ານັ້ນ ຫາກຕ້ອງມຸ່ງໄປເຖິງການຍົກສູງກຳລັງຄວາມສາມາດອີກດ້ວຍ, ໂດຍສະເພາະແມ່ນບັນດາວິສາຫະກິດຂະໜາດກາງ ແລະ ນ້ອຍ”.