ເດັກນ້ອຍເຍົາວະຊົນສະແດງສິລະປະໃນພິທີສະເຫຼີມສະຫຼອງ 101 ປີແຫ່ງວັນປະທານໂຮ່ຈີມິນ
ເດີນທາງຊອກຫາເສັ້ນທາງກູ້ຊາດ (ພາບ: http://nld.com.vn)
(vovworld) - ຕອນເຊົ້າວັນທີ 5/6, ຄະນະຈັດຕັ້ງບັນດາງານບຸນໃຫຍ່ນະຄອນ ໂຮ່ຈີມິນ ໄດ້ຈັດຕັ້ງພິທີສະເຫຼີມສະຫຼອງ 101 ປີ ແຫ່ງວັນປະທານ ໂຮ່ຈີມິນ ໄປຊອກຫາເສັ້ນທາງກູ້ຊາດ (5/6/1911-5/6-2012). ນະພິທີ, ຫົວໜ້າພະແນກວັດທະນະທຳ, ກິລາ ແລະ ທ່ອງທ່ຽວນະຄອນ ໂຮ່ຈີມິນ Nguyen Thanh Rum ຊີ້ແຈ້ງວ່າ: ເຫດການປະທານ ໂຮ່ຈີມິນ ໄປຊອກຫາເສັ້ນທາງກູ້ຊາດ ແມ່ນການເປີດສາດຂະບວນການອັນຍິ່ງໃຫຍ່, ລຳບາກ, ອົງອາດກ້າຫານ ແລະ ມີຫົວຄິດປະດິດສ້າງຂອງປະທານໂຮ່ຈີມິນໃນຕະຫຼອດໄລຍະ 30 ປີ ແຫ່ງຊອກຫາເສັ້ນທາງປົດປ່ອຍຊາດ. ນີ້ແມ່ນຂີດໝາຍໄລຍະປະຫວັດສາດອັນສະຫງ່າລາສີ, ເປີດຊ່ອງທາງເພື່ອຍາດເອົາເອກະລາດ, ເສລີພາບ, ທ້ອນໂຮມປະເທດຊາດເປັນເອກະພາບ, ກ້າວຂຶ້ນກໍ່ສ້າງສັງຄົມນິຍົມຢ່າງໝັ້ນຄົງ. ດ້ວຍຄວາມອາໄລຫາ ແລະ ຮູ້ບຸນຄຸນຕໍ່ປະທານໂຮ່ຈີມິນ, ອົງຄະນະພັກ ແລະ ປະຊາຊົນນະຄອນ ໂຮ່ຈີມິນຍາມໃດກໍ່ຫຼໍ່ຫຼອມ, ຮັກສານ້ຳໃຈສັດຊື່ບໍລິສຸດ, ເປັນຈິດໜຶ່ງໃຈດຽວພ້ອມກັບພັກປະກອບສ່ວນເຂົ້າໃນພາລະກິດປົດປ່ອຍຊາດ ແລະ ກໍ່ສ້າງລັດທິສັງຄົມນິຍົມຕາມເສັ້ນທາງເຊິ່ງປະທານ ໂຮ່ຈີມິນ ໄດ້ເລືອກເຝັ້ນ. ໃນວັນດຽວກັນຊາວນະຄອນເປັນຈຳນວນຫຼວງຫຼາຍໄດ້ຖະຫວາຍທູບທຽນ, ໄປທ່ຽວຊົມງານວາງສະແດງບັນດາວັດຖຸພັນ, ຮູບພາບກ່ຽວກັບຊີວິດ, ພາລະກິດ ແລະ ການເຄື່ອນໄຫວປະຕິວັດ, ການຕໍ່ສູ້ປົດປ່ອຍຊາດຂອງປະທານໂຮ່ຈີມິນ.