ກອງປະຊຸມຄັ້ງທີ 3 ຂອງຄະນະປະຈຳສະພາແຫ່ງຊາດ
|
(vovworld) – ໂດຍສືບຕໍ່ລາຍການເຮັດວຽກຂອງກອງປະຊຸມຄັ້ງທີ 3, ຕອນເຊົ້າວັນທີ 16/9, ຄະນະປະຈຳສະພາແຫ່ງຊາດໄດ້ປະກອບຄຳເຫັນກ່ຽວກັບຮ່າງກົດໝາຍວ່າດ້ວຍການວາງແຜນກຳນົດ. ໃບຍື່ນສະເໜີຂອງລັດຖະບານໄດ້ຊີ້ແຈ້ງບັນດາສິ່ງຍັງຄົງຂ້າງ, ຈຳກັດຂອງວຽກງານວາງແຜນກຳນົດໃນໄລຍະຜ່ານມາ, ກໍ່ຄວາມຫຍຸ້ງຍາກໃນການບໍລິຫານພັດທະນາເສດຖະກິດ - ສັງຄົມຂອງທຸກຂັ້ນ, ທຸກຂະແໜງການ, ເຮັດໃຫ້ແຫຼ່ງກຳລັງຂອງປະເທດຊາດ ຖືກຟຸມເຟືອຍ, ສົ່ງຜົນສະທ້ອນເຖິງສະພາບແວດລ້ອມຊີວະພາບ ແລະ ກີດຂວາງການເຄື່ອນໄຫວລົງທຶນ, ດຳເນີນທຸລະກິດຂອງບັນດາອົງການ, ວິສາຫະກິດ ແລະ ປະຊາຊົນ. ດັ່ງນັ້ນ, ຄະນະປະຈຳສະພາແຫ່ງຊາດໄດ້ເຫັນດີໂດຍພື້ນຖານຕໍ່ຄວາມຈຳເປັນສ້າງກົດໝາຍວ່າດ້ວຍການວາງແຜນກຳນົດ. ທ່ານ ຟານຊວນຢູ້ງ, ຫົວໜ້າກຳມາທິການວິທະຍາສາດ, ເຕັກໂນໂລຢີ, ສິ່ງແວດລ້ອມ, ຖືວ່າ:
“ນີ້ແມ່ນກົດໝາຍໜຶ່ງຄືດັ່ງການປະຕິວັດກ່ຽວກັບການວາງແຜນກຳນົດ ແລະ ກະກຽມຢ່າງລະອຽດ, ເສຍເວລາຫຼາຍ. ຂ້າພະເຈົ້າເວົ້າຄືແນວນັ້ນເພື່ອສະແດງໃຫ້ເຫັນລັກສະນະຮີບດ່ວນ, ຈຳເປັນຂອງກົດໝາຍສະບັບນີ້. ທີ່ສອງ, ຕາມຂ້າພະເຈົ້າແລ້ວ, ກົດໝາຍນີ້ແມ່ນກອບກົດໝາຍມີລັກສະນະກຳນົດທິດເທົ່ານັ້ນ. ດັ່ງນັ້ນ, ໃນຂອບເຂດການປັບປຸງ ພວກເຮົາຕ້ອງສະແດງໃຫ້ເຫັນວ່ານີ້ແມ່ນກົດໝາຍມີລັກສະນະກຳນົດທິດ, ທິດສະດີ.”