ຕາມບົດລາຍງານຂອງ Amazon Global Selling ແລ້ວ, ໃນປີ 2022, ຈຳນວນວິສາຫະກິດ ຫວຽດນາມ ເຂົ້າຮ່ວມການຂາຍເຄື່ອງໃນພື້ນຖານການແລກປ່ຽນທາງອອນໄລ Amazon ໄດ້ເພີ່ມຂຶ້ນ 80% ເມື່ອທຽບກັບໄລຍະດຽວກັນ; ມີຜະລິດຕະພັນເກືອບ 10 ລ້ານຢ່າງມີເຄື່ອງໝາຍການຄ້າ ຫວຽດນາມ ໄດ້ຂາຍໃນ ພື້ນຖານ Amazon.

  ທ່ານນາງ ລ້າຍຫວຽດແອັງ ຮອງຫົວໜ້າກົມການຄ້າເອເລກໂຕນິກ ແລະ ເສດຖະກິດດີຈີຕອນ, ກະຊວງອຸດສາຫະກຳ ການຄ້າ ຫວຽດນາມ ໃຫ້ຮູ້ວ່າ:

    ກົມການຄ້າເອເລກໂຕນິກ ແລະ ເສດຖະກິດດີຈີຕອນ ໄດ້ມີຫຼາຍໂຄງການສົມທົບກັບບັນດາພື້ນຖານການຄ້າເອເລກໂຕນິກຂ້າມຊາຍແດນ ເພື່ອແນໃສ່ໜູນຊ່ວຍວິສາຫະກິດ ຫວຽດນາມ ຍົກສູງກຳລັງຄວາມສາມາດ ໝູນໃຊ້ການຄ້າເອເລກໂຕນິກຂ້າມຊາຍແດນ, ປະກອບທັກສະຂາຍເຄື່ອງທີ່ບັນລຸປະສິດທິຜົນ ໃນພື້ນຖານການຄ້າເອເລກໂຕນິກທົ່ວໂລກ ແລະ ຜ່ານນັ້ນ ນຳຜະລິດຕະພັນຂອງຕົນ ສຳຜັດກັບບັນດາຕະຫຼາດທີ່ມີຄວາມສາມາດບົ່ມຊ້ອນ.