ກອງປະຊຸມອອນລາຍກ່ຽວກັບສະພາບການເຂດບັນດາໜອງໃຫຍ່ຢູ່ ອາຟຼິກກາ

ທີ່ກອງປະຊຸມ, ທ່ານ Dian Triansyah Diani – ຫົວໜ້າຄະນະຜູ້ຕາງໜ້າ ອິນໂດເນເຊຍປະຈຳສປຊ ໄດ້ ກ່າວບົດ ຄຳເຫັນລວມຂອງ ຫວຽດນາມ ແລະ ອິນໂດເນເຊຍ, ໃນນັ້ນໄດ້ແບ່ງປັນທັດສະນະຂອງບັນດາປະເທດກຳມະການສະພາຄວາມໝັ້ນຄົງ ສປຊ ໃນການຮັບຮູ້ບັນດາຄວາມມານະພະຍາຍາມຮ່ວມມືຂອງ ສາທາລະຍະລັດປະຊາທິປະໄຕ ກົງໂກ ແລະ ບັນດາປະເທດໃນພາກພື້ນ, ເນັ້ນໜັກເຖິງຄວາມສຳຄັນຂອງການຜັນຂະຫຍາຍຂໍ້ຕົກລົງສ້າງສັນຕິພາບ, ຄວາມໝັ້ນຄົງ ແລະ ການຮ່ວມມືເພື່ອແນໃສ່ແກ້ໄຂບັນດາສິ່ງທ້າທາຍທີ່ຍັງຄົງຄ້າງ. ບົດຄຳເຫັນກໍ່ຖືວ່າ ຈຳເປັນຕ້ອງແກ້ໄຂສາຍເຫດຕົ້ນຕໍຂອງການຂາດສະຖຽນລະພາບຢູ່ພາກພື້ນ ຜ່ານການເພີ່ມທະວີການໄກ່ເກ່ຍ, ສົມທົບກັນແກ້ໄຂການເຄື່ອນໄຫວທີ່ຜິດກົດໝາຍຂອງ ບັນດາກຸ່ມປະກອບອາວຸດ, ແກ້ໄຂບັນຫາຄຸ້ມຄອງຊັບພະຍາກອນທຳມະຊາດ ແລະ ເພີ່ມທະວີການຮ່ວມມືພັດທະນາ.

ປັດຈຸບັນ, ສອງປະເທດ ອາຊຽນ ແມ່ນອິນໂດເນເຊຍ ແລະ ຫວຽດນາມ ພ້ອມກັນແມ່ນສະມາຊິດບໍ່ປະຈຳການຂອງສະພາຄວາມໝັ້ນຄົງ ສປຊ ປີ 2020. ສອງປະເທໄດ້ມີບົດກ່າວຄຳເຫັນລວມຈຳນວນໜຶ່ງເພື່ອແນໃສ່ເພີ່ມທະວີສຽງເວົ້າ ແລະ ພາບພົດຂອງອາຊຽນ ນັບແຕ່ເດືອນພຶດສະພາ ປີນີ້. ໃນເດືອນນີ້, ສອງປະເທດໄດ້ມີບົດກ່າວຄຳເຫັນລວມກ່ຽວກັບສະພາບການຢູ່ມາລີໃນວັນທີ 8 ຕຸລາ.