ທີ່ກອງປະຊຸມ, ບັນດາປະເທດໄດ້ແບ່ງປັນບັນດາຄວາມມານະພະຍາຍາມຂອງຊາດເຂົ້າໃນວຽກງານຮັບປະກັນສິດທິຂອງຜູ້ອາຍຸສູງຜ່ານວຽກງານກໍ່ສ້າງ ແລະ ຜັນຂະຫຍາຍກົດໝາຍ, ນະໂຍບາຍ, ໂຄງການດຳເນີນງານລະດັບຊາດກ່ຽວກັບຜູ້ອາຍຸສູງ. ຕາງໜ້າຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມ, ທ່ານ ນາງ ຟ້າມທິກີມແອັງ, ເອກອັກຄະລັດຖະທູດ, ຮອງຫົວໜ້າຜູ້ປະຈຳການຄະນະຜູ້ຕາງໜ້າຂອງ ຫວຽດນາມ ປະຈຳສະຫະປະຊາຊາດ, ມີບົດກ່າວປາໄສ ຍົກໃຫ້ເຫັນເຖິງຜົນງານຂອງ ຫວຽດນາມ ໃນວຽກງານເບິ່ງແຍງດູແລ ແລະ ເພີ່ມທະວີບົດບາດຂອງຜູ້ອາຍຸສູງ, ໃນນັ້ນມີວຽກງານສະເຫຼີມສະຫຼອງ ວັນແຫ່ງຜູ້ອາຍຸສູງ ໃນວັນທີ 06 ມິຖຸນາ ຂອງທຸກປີ, ຖືເອົາເດືອນ ຕຸລາ ຂອງທຸກປີເປັນເດືອນປະຕິບັດງານ ເພື່ອຜູ້ອາຍຸສູງກັບດ້ວຍຫຼາຍການເຄື່ອນໄຫວຫຼາຍຢ່າງແທດຈິງຄື: ການກວດສຸຂະພາບ, ໃຫ້ຄຳປຶກສາກ່ຽວກັບສຸຂະພາບ ແລະ ສະໜອງຢາປົວພະຍາດຟີຼ, ແຈກຢາຍຂອງຂວັນ, ກໍ່ສ້າງເຮືອນແຫ່ງສາຍຈິດມິດໃຈ.