ຫວຽດນາມເປັນຜູ້ປະສານງານຮ່ວມໃນວິວັດການຈັດຕັ້ງກອງປະຊຸມຂັ້ນສູງຂອງ ສປຊ ກ່ຽວກັບການກຽມພ້ອມ, ການຮັບມື ແລະ ການປ້ອງກັນ, ຕ້ານໂລກລະບາດໃນປີ 2026 (ພາບ: VOV)

ວັນທີ 27 ມັງກອນ, ທ່ານ Philemon Yang ປະທານສະມັດຊາໃຫຍ່ ສປຊ ຊຸດທີ 79 ໄດ້ແຕ່ງຕັ້ງທ່ານດັ້ງຮ່ວາງຢ່າງ ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ ແລະ ທ່ານ Maurizio Massari  ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າອີຕາລີ ປະຈຳ ສປຊ ເປັນຜູ້ປະສານງານຮ່ວມເພື່ອກະກຽມຈັດຕັ້ງກອງປະຊຸມຂັ້ນສູງຂອງ ສປຊກ່ຽວກັບການ ກຽມພ້ອມ, ການຮັບມື ແລະ ການປ້ອງກັນ, ຕ້ານໂລກລະບາດໃນປີ 2026.

ທ່ານປະທານສະມັດຊາໃຫຍ່ ສປຊ ເຊື່ອໝັ້ນວ່າ ເອກອັກຄະລັດຖະທູດສອງທ່ານຈະສົມທົບກັນຢ່າງມີປະສິດທິຜົນກັບບັນດາປະເທດສະມາຊິກສປຊ ແລະ ຊຸກຍູ້ເພື່ອບັນລຸໄດ້ຄວາມເຫັນດີເຫັນພ້ອມໃນການຈັດຕັ້ງກອງປະຊຸມຂັ້ນສູງນີ້ກໍ່ຄືການຊຸກຍູ້ການປະຕິບັດບັນດາຄຳໝັ້ນສັນຍາສາກົນດ້ານສາທາລະນະສຸກ ແລະ ສຸຂະພາບ, ໃນນັ້ນມີເອກະສານກ່ຽວກັບລຸ້ນຄົນໃນອະນາຄົດ.

ນີ້ແມ່ນຄັ້ງທຳອິດ ຫວຽດນາມໄດ້ຮັບການແຕ່ງຕັ້ງດຳລົງຕຳແໜ່ງເປັນຜູ້ປະສານງານກະກຽມໃຫ້ແກ່ກອງປະຊຸມໃຫຍ່ຂອງ ສປຊ, ເປັນການສະແດງໃຫ້ເຫັນທ່ານປະທານສະມັດຊາໃຫຍ່ ແລະ ປະຊາຄົມສາກົນ ຖືເປັນສຳຄັນອິດທິພົນຊື່ສຽງ, ບົດບາດ ແລະ ບັນດາການປະກອບສ່ວນຢ່າງຕັ້ງໜ້າຂອງ ຫວຽດນາມໃນວຽກງານລວມຂອງອົງການຫຼາຍຝ່າຍໃຫຍ່ທີ່ສຸດໃນໜ່ວຍໂລກນີ້ ເພື່ອແກ້ໄຂບັນດາບັນຫາທົ່ວໂລກ, ໃນນັ້ນມີບັນຫາປ້ອງກັນ, ຕ້ານໂລກລະບາດ.