ຫວຽດນາມແມ່ນສະມາຊິກຕັ້ງໜ້າໃນປະຊາຄົມບັນດາປະເທດໃຊ້ພາສາຝລັ່ງ
ທ່ານນາງຮອງປະທານປະເທດ ຫງວຽນທິຢວານ ໄດ້ໃຫ້ການຕ້ອນຮັບຄະນະສະມາຊິກລັດຖະສະພາ ບັນດາປະເທດໃຊ້ພາສາ ຝລັ່ງ
(ພາບ:An Đăng/TTXVN)
(vovworld) – ຕອນບ່າຍວັນທີ 28/4, ທີ່ຮ່າໂນ້ຍ, ທ່ານນາງຮອງປະທານປະເທດ ຫງວຽນທິຢວານ ໄດ້ໃຫ້ການຕ້ອນຮັບຄະນະສະມາຊິກລັດຖະສະພາ ບັນດາປະເທດໃຊ້ພາສາ ຝລັ່ງ ທີ່ເຂົ້າຮ່ວມກອງປະຊຸມກຳມາທິການບັນດາບັນຫາລັດຖະສະພາລະຫວ່າງບັນດາປະເທດໃຊ້ພາສາຝລັ່ງ(APF) ໂດຍທ່ານ Robert Aubin, ສະມາຊິກລັດຖະສະພາ ການາດາ, ປະທານກຳມາທິການບັນດາຫາລັດຖະສະພາ APF ເປັນຫົວໜ້າຄະນະ. ທ່ານນາງຮອງປະທານປະເທດ ຫງວຽນທິຢວານ ຕີລາຄາສູງບົດບາດຂອງອົງການພາສາ ຝລັ່ງ ສາກົນ(OIF) ໃນການໜຸນຊ່ວຍບັນດາປະເທດໃຂ້ພາສາ ຝລັ່ງ ປັບປຸງລັດແຫ່ງອຳນາດນິຕິບັນຍັດ, ເສີມຂະຫຍາຍປະຊາທິປະໄຕ, ແກ້ໄຂວິກິດການ ແລະ ການປະທະກັນໃນໄລຍະຜ່ານມາ. ທ່ານນາງຮອງປະທານປະເທດ ຫງວຽນທິຢວານ ຢືນຢັນວ່າ ຫວຽດນາມ ຍາມໃດກໍ່ຖືເປັນສຳຄັນການພົວພັນກັບປະຊາຄົມບັນດາປະເທດໃຊ້ພາສາ ຝລັ່ງ ດ້ວຍນະໂຍບາຍພົວພັນກັບຕ່າງປະເທດຂອງຕົນ; ສະແດງຄວາມໄວ້ເນື້ອເຊື່ອໃຈວ່າ APF ຈະສືບຕໍ່ບົດບາດເປັນອົງການທາບທາບຄວາມເຫັນຂອງອົງການພາສາ ຝລັ່ງ ສາກົນ, ຍົກອອກບັນດາຂໍ້ສະເໜີທີ່ແທດຈິງຍ້ອນຄວາມຄິດຄວາມເຫັນຂອງບັນດາສະມາຊິກລັດຖະສາພາກໍ່ແມ່ນຄວາມປາດຖະໜາຂອງປະຊາຊົນບັນດາປະເທດໃຊ້ພາສາ ຝລັ່ງ ອີກດ້ວຍ.
ສ່ວນທ່ານ Robert Aubin ກໍ່ຕີລາຄາສູງການປະກອບສ່ວນຂອງ ຫວຽດນາມ ໃນກອງປະຊຸມຄັ້ງນີ້ກໍ່ຄືບັນດາການປະກອບສ່ວນໃຫ້ແກ່ການພັດທະນາລວມຂອງປະຊາຄົມບັນດາປະເທດໃຊ້ພາສາ ຝລັ່ງ ໃນໄລຍະຜ່ນມາ; ເຫັນດີເປັນເອກະສັນກັບທ່ານນາງຮອງປະທານປະເທດ ຫງວຽນທິຢວານ ກ່ຽວກັບເລື່ອງຄວນຊຸກຍູ້ການພັດທະນາພາສາ ຝລັ່ງ ກວ່າອີກ, ເພີ່ມທະວີບັນດາມາດຕະການທີ່ມີປະສິດທິຜົນເພື່ອຊ່ວຍໃຫ້ພາສາ ຝລັ່ງ ນັບມື້ນັບໄດ້ນຳໃຊ້ຢ່າງກວ້າງຂວາງກວ່າອີກໃນໂລກ.