(vovworld) – ໂດຍໄດ້ຮັບຄຳເຊີນຂອງລັດຖະບານ ອົດສຕາລີ, ແຕ່ວັນທີ 13/4 – 16/4/2014, ທ່ານລັດຖະມົນຕີກະຊວງຍຸດຕິທຳ ຮ່າຮຸ່ງເກື່ອງ ນຳໜ້າຄະນະປະຕິບັດງານຂອງກະຊວງຍຸດຕິທຳ ຫວຽດນາມ ຢ້ຽມຢາມ ແລະ ເຮັດວຽກຢູ່ ອົດສຕາລີ. ການຢ້ຽມຢາມຂອງທ່ານລັດຖະມົນຕີ ຮ່າຮຸ່ງເກື່ອງ ແນໃສ່ຜັນຂະຫຍາຍການປະຕິບັດບົດບັນທຶກຮ່ວມມືລະຫວ່າງກະຊວງຍຸດຕິທຳ ຫວຽດນາມ ແລະ ກະຊວງຍຸດຕິທຳ ອົດສຕາລີ ເຊິ່ງໄດ້ລົງນາມເມື່ອວັນທີ 10/4/2012, ດ້ວຍຈຸດປະສົງຮັດແໜ້ນສາຍພົວພັນຮ່ວມມືລະຫວ່າງບັນດາອົງການກົດໝາຍ ແລະ ຍຸດຕິທຳຂອງສອງປະເທດກວ່າອີກ. ສອງຝ່າຍກໍ່ຢືນຢັນເປີດກວ້າງການຮ່ວມມືໃນຂົງເຂດໜຸນຊ່ວຍດ້ານຍຸດຕິທຳກ່ຽວກັບພົນລະເຮືອນ ແລະ ການຄ້າ, ເພີ່ມທະວີການຮ່ວມມືດ້ານບຳລຸງສ້າງດ້ານກົດໝາຍ, ບຳລຸງສ້າງບັນດານາມຕຳແໜ່ງຍຸດຕິທຳຮັບໃຊ້ການເຊື່ອມໂຍງກັບສາກົນ. ເນື່ອງໃນການເຮັດວຽກຄັ້ງນີ້, ຄະນະຜູ້ແທນ ຫວຽດນາມ ກໍ່ແລກປ່ຽນຢ່າງເລີກເຊີ່ງກ່ຽວກັບບົດຮຽນໃນການສ້າງກົດໝາຍອາຍາຕາມທິດຫັນບັນດາສົນທິສັນຍາສາກົນເຊີ່ງ ຫວຽດນາມ ເປັນສະມາຊິກ ໃຫ້ເປັນກົດໝາຍພາຍໃນປະເທດ, ແນໃສ່ປະຕິບັດບັດນດາພັນທະສາກົນທີ່ໄດ້ໃຫ້ຄຳໝັ້ນສັນຍາແລ້ວ, ຮັບປະກັນສິດທິມະນຸດໃຫ້ດີກວ່າ, ປະກອບສ່ວນເພີ່ມທະວີການຮ່ວມມືສາກົນໃນການຕໍ່ສູ້ຕ້ານອາດຊະຍາກຳ, ຮັບໃຊ້ການປັບປຸງກົດໝາຍອາຍາຕາມໂຄງການສ້າງກົດໝາຍຂອງສະພາແຫ່ງຊາດ.
ໃນຂອບເຂດການຢ້ຽມຢາມ, ຄາດວ່າຄະນະຜູ້ແທນ ຫວຽດນາມ ຈະລົງນາມບັນດາເອກະສານກ່ຽວກັບການຮ່ວມມືໃນຂົງເຂດກົດໝາຍ ແລະ ຍຸດຕິທຳ ກັບຝ່າຍ ອົດສຕາລີ.