ຫວຽດນາມແລະອົດສະຕາລີຊຸກຍູ້ການຮ່ວມມືຕໍ່ສູ້ຕ້ານອາດຊະຍາກຳຂ້າມຊາດ
ທ່ານພົນເອກ ເຈີ່ນດ້າຍກວາງ ແລະ ທ່ານນາງລັດຖະມົນຕີກະຊວງການຕ່າງປະເທດ ອົດສະຕາລີ Julie Bishop
(ພາບ: TTXVN)
(vovworld) – ຕອນບ່າຍວັນທີ 19/2, ຢູ່ ຮ່າໂນ້ຍ, ທ່ານພົນເອກ ເຈີ່ນດ້າຍກວາງ, ລັດຖະມົນຕີກະຊວງຕຳຫຼວດ ຫວຽດນາມ ໄດ້ໃຫ້ການຕ້ອນຮັບທ່ານນາງ Julie Bishop, ລັດຖະມົນຕີກະຊວງການຕ່າງປະເທດ ອົດສະຕາລີ, ທີ່ພວມຢ້ຽມຢາມ ຫວຽດນາມ.
ທ່ານລັດຖະມົນຕີ ເຈີ່ນດ້າຍກວາງ ເນັ້ນໜັກວ່າ: ລັດຖະບານ ຫວຽດນາມ ເວົ້າລວມ ແລະ ກະຊວງຕຳຫຼວດ ຫວຽດນາມ ເວົ້າສະເພາະຍາມໃດກໍ່ຖືເປັນສຳຄັນ ແລະ ປາດຖະໜາຢາກພັດທະນາການພົວພັນຮ່ວມມີກັບບັນດາອົງການທີ່ກ່ຽວຂ້ອງ ປະຕິບັດກົດໝາຍຂອງ ອົດສະຕາລີ. ທ່ານລັດຖະມົນຕີ ເຈີ່ນດ້າຍກວາງ ປາດຖາໜາວ່າ: ໃນໄລຍະຈະມາເຖິງ, ກະຊວງຕຳຫຼວດ ຫວຽດນາມ ແລະ ບັນດາອົງການປະຕິບັດກົດໝາຍ ອົດສະຕາລີ ສືບຕໍ່ຮ່ວມມືຢ່າງແໜ້ນແຟ້ນເພື່ອແນໃສ່ປ້ອງກັນ, ສະກັດກັ້ນ, ຕໍ່ສູ້ກັບອາດຊະຍາກຳປະເພດຕ່າງໆຢ່າງມີປະສິດທິຜົນ, ປະກອບສ່ວນຮັກສາສັນຕິພາບ, ສະຖຽນລະພາບໃນພາກພື້ນ ແລະ ຢູ່ໃນໂລກ.
ທ່ານນາງ ລັດຖະມົນຕີກະຊວງການຕ່າງປະເທດ ອົດສະຕາລີ Julie Bishop ຢືນຢັນວ່າ: ຈະມານະພະຍາຍາມຈົນສຸດຄວາມສາມາດຂອງຕົນ ເພື່ອຊຸກຍູ້ການຮ່ວມມືລະຫວ່າງກະຊວງຕຳຫຼວດ ຫວຽດນາມ ແລະ ອົດສະຕາລີ ໃນການຕໍ່ສູ້ຕ້ານອາດຊະຍາກຳຂ້າມຊາດ, ຮັບປະກັນຄວາມເປັນລະບຽບຮຽບຮ້ອຍ, ປະກອບສ່ວນຢ່າງຕັ້ງໜ້າເຂົ້າໃນການພົວພັນຮ່ວມມືລະຫວ່າງ 2 ປະເທດ.