ທ່ານ ຫງວຽນວັນເຢົາ ໄດ້ຕີລາຄາສູງການພົວພັນມິດຕະພາບທີ່ເປັນມູນເຊື້ອລະຫວ່າງຫວຽດນາມ ແລະ ອີຣານ, ສະແດງຄວາມປິຕິຊົມຊື່ນຕໍ່ໜ້າບັນດາບາດກ້າວພັດທະນາທີ່ດີງາມໃນການພົວພັນລະຫວ່າງສອງປະເທດ ແລະສອງສະພາແຫ່ງຊາດ.  ພ້ອມທັງສະແດງຄວາມຂອບອົບຂອບໃຈທ່ານເອກອັກຄະລັດຖະທູດທີ່ຍາມໃດກໍຕັ້ງໜ້າສົມທົບກັບຄະນະກຳມາທິການການຕ່າງປະເທດຂອງສະພາແຫ່ງຊາດຫວຽດນາມ ແລະ ສະຖານທູດຫວຽດນາມ ປະຈຳອີຣານ ຈັດຕັ້ງແຜນການເຮັດວຽກ, ພົບປະແລກປ່ຽນຄະນະຜູ້ແທນເຊິ່ງກັນ ແລະ ກັນ. ພິເສດ, ແມ່ນກ່ອນການຢ້ຽມຢາມຫວຽດນາມທີ່ຈະມາເຖິງຂອງທ່ານປະທານສະພາແຫ່ງຊາດ ອີຣານ Ali Ardeshir Larijanni , ທ່ານ ຫງວຽນວັນເຢົາ ປາດຖະໜາວ່າ ຈະໄດ້ຮັບຂໍ້ມູນຂ່າວສານກ່ຽວກັບລາຍການ, ແຜນການ, ເນື້ອໃນລາຍການເຮັດວຽກຂອງທ່ານປະທານສະພາແຫ່ງຊາດ ອີຣານ ພ້ອມດ້ວຍຄະນະ ໃນເວລາໄວທີ່ສຸດ ເພື່ອສາມາດໃຫ້ການຮັບຕ້ອນຢ່າງສົມກຽດ ແລະ ມີປະສິດທິຜົນ.