ໃນພິທີທີ່ດຳເນີນຢູ່ນະຄອນຫຼວງ ນິວເດລີ, ກະຊວງການຕ່າງປະເທດ ອິນເດຍ ໄດ້ແນະນຳປຶ້ມຄຳສູດ ສະບັບພາສາໄທ, ພາສາ ເກົາຫຼີ, ພາສາ ຫວຽດ ແລະ ພາສາ ຈີນ. ອິນເດຍ ກໍເປີດນໍາໃຊ້ຊຸດປຶ້ມເອເລັກໂຕນິກທີ່ພັນລະນາກ່ຽວກັບສາຍສຳພັນຂອງພຸດທະສາສະໜາກັບບັນດາປະເທດ ອາຊຽນ ແລະ ອາຊີຕາເວັນອອກ.

     ອິນເດຍ ໄດ້ຮັບຖືວ່າ ເປັນບ່ອນກຳເນີດຂອງພຸດທະສາສະໜາ ມີອິດທິພົນຢູ່ຫຼາຍປະເທດ ອາຊີຕາເວັນອອກ. ທີ່ພິທີດັ່ງກ່າວ, ຫໍພິພິທະພັນແຫ່ງຊາດ ອິນເດຍ ກໍໄດ້ເປີດງານວາງສະແດງດ້ວຍຫົວຂໍ້: “ໂພທິຈິດ: ການສົມທົບລະຫວ່າງສິລະປະພຸດທະສາສະໜາມູນເຊື້ອມາຈາກ ອິນເດຍ ໄປທົ່ວທະວີບ ອາຊີ”. ພິທີໄດ້ເປີດຕົວຜະລິດຕະພັນທີ່ເປັນມູນເຊື້ອ ໃນລະບົບການເຄື່ອນໄຫວສະເຫຼີມສະຫຼອງວັນເອກະລາດຂອງ ອິນເດຍ ຄົບຮອບ 75ປີ ໃນປີ 2022. ນີ້ແມ່ນໂອກາດເພື່ອໃຫ້ ອິນເດຍ ແນະນຳສູ່ໂລກ ກ່ຽວກັບປະຊາຊົນ, ວັດທະນະທຳ ແລະ ຜົນງານຂອງປະເທດນີ້ໃນປະຫວັດສາດທີ່ສະຫງ່າງາມ.

ນັກຂ່າວ VOV  ປະຈຳ ອິນເດຍ.