ອິນໂດເນເຊຍຊອກເຫັນຫີບດຳຂອງເຮືອບິນຕົກ
(VOVWORLD) -ວິວັດການສືບສວນສອບສວນສາຍເຫດກໍ່ໃຫ້ເກີດອຸບັດຕິເຫດ ເຮືອບິນ Boeing 737 MAX 8 ຂອງບໍລິສັດການບິນ Lion Air ຂອງອິນໂດເນເຊຍ ຈະຖືກຍູ້ໄວ ພາຍຫລັງຊອກເຫັນຫີບດຳຂອງເຮືອບິນລຳນີ້ຢູ່ພື້ນທ້ອງທະເລ ໃນວັນທີ 1 ພະຈິກ ພາຍຫລັງເກີດເຫດມາໄດ້ 3 ວັນ .
ຫີບດຳດັ່ງກ່າວຈະຖືກສົ່ງເຖິງຄະນະກຳມະການຄວາມປອດໄພຄົມມະນາຄົມ ອິນໂດເນເຊຍ. ຫົວຫນ້າຄະນະກຳມະການນີ້ໃຫ້ຮູ້ວ່າ ຕ້ອງເສຍເວລາ 3 ອາທິດ ຈຶ່ງຮູ້ແຈ້ງຂໍ້ມູນໃນຫີບດຳໄດ້ ແລະ ວິວັດການວິເຄາະຂໍ້ມູນຈະຕ້ອງໃຊ້ເວລາ 6 ເດືອນ. ເລື່ອງຊອກເຫັນຫີບດຳຂອງເຮືອບິນ ເປີດຄວາມຫວັງເຮັດແຈ້ງສາຍເຫດການເກີດອຸບັດຕິເຫດທີ່ຮ້າຍແຮງ ເຮັດໃຫ້ 189 ຄົນຖືກເສຍຊີວິດ. ປະຈຸບັນ ຫີບດຳອັດສຽງຂອງນັກບິນຢູ່ຫ້ອງຂັບຍັງບໍ່ທັນຊອກເຫັນໄດ້ເທື່ອ.