ເມື່ອຕອບສຳພາດຕໍ່ວົງການນັກຂ່າວ, ທ່ານນາງ Sarah Sanders ໃຫ້ຮູ້ວ່າ: ພວກຂ້າພະເຈົ້າຍາມໃດກໍ່ກຽມພ້ອມ ແລະ ຖ້າຫາກກອງປະຊຸມຈະດຳເນີນໃນວັນທີ 12 ມິຖຸນາ ກໍ່ຕາມ ພວກຂ້າພະເຈົ້າກໍ່ພ້ອມແລ້ວທີ່ຈະເຂົ້າຮ່ວມ. ກ່ອນໜ້ານັ້ນ, ທ່ານປະທານາທິບໍດີ ອາເມລິກາ Donald Trump ຖະແຫຼງວ່າ ການພົບປະຂັ້ນສຸດຍອດລະຫວ່າງທ່ານ ກັບ ການນຳ ສປປ.ເກົາຫຼີ Kim Jong-un ຍັງອາດຈະດຳເນີນ ໃນວັນທີ 12 ມິຖຸນາຈະມາເຖິງ ຕາມແຜນການທຳອິດ, ເຖິງວ່າວັນທີ 24 ພຶດສະພາ, ທ່ານ Donald Trump ໄດ້ສົ່ງຈົດໝາຍເຖິງການນຳ ສປປ.ເກົາຫຼີ ແຈ້ງໃຫ້ຍົກເລີກກອງປະຊຸມສຸດຍອດນີ້ກໍ່ຕາມ.

        ແລະກໍ່ໃນວັນດຽວກັນ, ທ່ານລັດຖະມົນຕີກະຊວງປ້ອງກັນປະເທດ ອາເມລິກາ James Mattis ກໍ່ກ່າວວ່າ: ກອງປະຊຸມສຸດຍອດທີ່ຖືກຍົກເລີກລະຫວ່າງ ອາເມລິກາ ແລະ ສປປ.ເກົາຫຼີ ອາດຈະຍັງຄົງໄດ້ຈັດຕັ້ງຂຶ້ນ ຖ້າຫາກ 2 ຝ່າຍບັນລຸໄດ້ຂໍ້ຕົກລົງສະບັບໜຶ່ງ.