(vovworld) – ງານພົບປະແລກປ່ຽນສິລະປະເນື່ອງໃນໂອກາດສະເຫຼີມສະຫຼອງ 68 ປີແຫ່ງວັນທະຫານເສຍອົງຄະ, ນັກຮົບເສຍສະຫຼະຊີວິດເພື່ອຊາດ ດ້ວຍຫົວຂໍ້ວ່າ “ຄວາມຫວັງເຕົ້າໂຮມ”, ຖືກດຳເນີນໄປໃນຕອນຄໍ່າວັນທີ 27/07, ຢູ່ຮ່າໂນ້ຍ. ກ່າວຄຳເຫັນຢູ່ທີນີ້, ທ່ານປະທານປະເທດ ເຈືອງເຕີນຊາງ ຢືນຢັນວ່າ: ພັກ, ລັດ ໄດ້ມີແຜນນະໂຍບາຍ, ນະໂຍບາຍໃຫ້ບຸລິມະສິດຫຼາຍຢ່າງສຳລັບຜູ້ມີຄຸນງານຄວາມດີຕໍ່ປະເທດຊາດ ແລະ ຖືວັນທີ 27/07 ແຕ່ລະປີແມ່ນວັນ ທະຫານເສຍອົງຄະ, ນັກຮົບເສຍສະຫຼະຊີວີດເພື່ອຊາດ ເພື່ອຈົດຈຳ, ເຊີດຊູບຸນຄຸນບັນດາວິລະຊົນນັກຮົບທີ່ເສຍສະຫຼະຊີວິດເພື່ອຊາດ, ທະຫານເສຍອົງຄະ, ທະຫານເຈັບປ່ວຍ ແລະ ຜູ້ມີຄຸນງານຄວາມດີຕໍ່ປະເທດຊາດ. ທ່ານປະທານປະເທດ ເຈືອງເຕີນຊາງ ສະເໜີວ່າ, ໃນໄລຍະຈະມາເຖິງ, ບັນດາຂັ້ນ, ຂະແໜງການ, ທ້ອງຖິ່ນ ຕ້ອງປະຕິບັດວຽກງານທະຫານເສຍອົງຄະ, ນັກຮົບເສຍສະຫຼະຊີວິດເພື່ອຊາດ ແລະ ຜູ້ມີຄຸນງານຄວາມດີຕໍ່ປະເທດຊາດກວ່າອີກ, ລະດົມກຳລັງໃຈ, ເບິ່ງແຍດູແລ, ມີການໜູນຊ່ວຍ, ຊ່ວຍເຫຼືອຢ່າງແທດຈິງ ແລະ ມີປະສິດທິຜົນໃຫ້ບັນດາຄອບຄົວນະໂຍບາຍ ທັງທາງດ້ານວັດຖຸ ແລະ ຈິດໃຈ… ພ້ອມທັງ, ເອົາໃຈໃສ່ເບິ່ງແຍງດູແລ, ສ້າງເງື່ອນໄຂເພື່ອໃຫ້ບັນດາທະຫານເສຍອົງຄະ, ທະຫານເຈັບປ່ວຍ, ຄອບຄົວຜູ້ມີຄຸນງາມຄວາມດີສືບຕໍ່ເຂົ້າຮ່ວມການພັດທະນາການຜະລິດ, ປັບປຸງຊີວິດການເປັນຢູ່ ແລະ ເຂົ້າຮ່ວມບັນດາການເຄື່ອນໄຫວສັງຄົມ, ປະກອບສ່ວນເຂົ້າໃນກິດຈະກຳສ້າງສາບ້ານເກີດເມືອງນອນ, ປະເທດຊາດຢ່າງຕັ້ງໜ້າ. ທ່ານປະທານປະເທດ ເຈືອງເຕີນຊາງ ເນັ້ນໜັກວ່າ.
“ພວກເຮົາຕ້ອງມານະພະຍາຍາມກວ່າອີກໃນວຽກງານຊອກຫາ, ທ້ອນໂຮມ, ກຳນົດຊື່ອັດຖິທະຫານເສຍສະຫຼິຊີວິດເພື່ອຊາດ, ບູລະນະສ້ອມແປງບັນດາສຸສານນັກຮົບເສຍສະຫຼະຊີວິດເພື່ອຊາດ; ປະຕິບັດວຽກງານໂຄສະນາເປັນຢ່າງດີ ເພື່ອໃຫ້ທຸກຄົນ, ໂດຍສະເພາະແມ່ນລຸ້ນໜຸ່ມມີຄວາມຮັບຮູ້ຢ່າງເລິກເຊິ່ງ ແລະ ເຄົາລົບ, ຮູ້ບຸນຄຸນອັນໃຫຍ່ຫຼວງຂອງບັນດາວິລະຊົນ, ນັກຮົບທີ່ເສຍສະຫຼະຊີວິດເພື່ອຊາດ, ບັນດາຜູ້ມີຄຸນງາມຄວາມດີຕໍ່ປະເທດຊາດ; ຫັນບັນດາຄວາມຮັບຮູ້ ແລະ ນ້ຳໃຈອັນດີງາມນັ້ນ ໃຫ້ກາຍເປັນການເຄື່ອນໄຫວແທດຈິງໃນການປະຕິບັດນະໂຍບາຍ, ໜູນຊ່ວຍຜູ້ມີຄຸນງາມຄວາມດີ ແລະ ໃນພາລະກິດສ້າງສາ ແລະ ປົກປັກຮັກສາປະເທດຊາດ”.