ໂປໂລຍເພີ່ມທະວີການປ້ອງກັນຄວາມສະຫງົບໃຫ້ແກ່ກອງປະຊຸມສຸດຍອດNATO
ນັກຮົບ ໂປໂລຍ ເຂົ້າຮ່ວມການຝຶກຊ້ອມ
(ພາບ: AFP/ສຳນັກຂ່າວສານຫວຽດນາມ)
(vovworld) – ໂປໂລຍ ໄດ້ນຳໃຊ້ລະດັບການຄວບຄຸມຊົ່ວຄາວຢູ່ເຂດຊາຍແດນຕິດກັບບັນດາປະເທດໃນພາກພື້ນ Schengen ກໍ່ຄືໂຈະການນຳໃຊ້ບັນດາຂໍ້ກຳນົດດ້ານການຄົມມະນາຄົມຊົ່ວຄາວໃນເຂດຊາຍແດນຕິດກັບແຂວງ Kaliningrad ຂອງລັດເຊຍ ແລະ ເຂດຊາຍແດນຕິດກັບຢູແກຼນ. ບັນດາມາດຕະການນີ້ໄດ້ຮັບການປະຕິບັດເພື່ອແນໃສ່ຮັບປະກັນຄວາມສະຫງົບປອດໄພໃຫ້ແກ່ກອງປະຊຸມສຸດຍອດຂອງອົງການນາໂຕ ເຊິ່ງຈະດຳເນີນໄປໃນລະຫວ່າງວັນທີ 8 – 9/7 ຢູ່ນະຄອນຫຼວງ Vacsava ກໍ່ຄືເຫດການງານບຸນຂອງສາສະໜາກາໂຕລິກ ເຊິ່ງຈະຈັດຕັ້ງໃນວັນທີ 26 – 31/7 ຢູ່ນະຄອນ Krakow. ບັນດາມາດຕະການຄວບຄຸມຢູ່ເຂດຊາຍແດນຕິດກັບບັນດາປະເທດ ເຢຍລະມັນ, ສ. ເຊັກໂກ, Slovakia ຈະໄດ້ຮັບການປະຕິບັດໂດຍມີການເລືອກເຟັ້ນສຳລັບບັນດາເປົ້າໝາຍສະເພາະບົນພື້ນຖານການໄຈ້ແຍກບັນດາຄວາມສ່ຽງ ແລະ ຂໍ້ມູນຂ່າວສານໂດຍບັນດາອົງການປ້ອງກັນຄວາມສະຫງົບຂອງປະເທດອື່ນໆສະໜອງໃຫ້.