( vovworld ) – ເພື່ອເປັນການຕອບສະໜອງ ວັນປຶ້ມ ແລະ ລິຂະສິດໂລກ ຄື ວັນທີ 23/4. ໃນວັນທີ່ 21/4, ຢູ່ທີ່ສູນເຄື່ອນໄຫວວັດທະນະທຳ-ວິທະຍາສາດ ວິຫານວັນນະກຳ ວັນໝ່ຽວ- ກວກຕື້ຢາມ, ຮ່າໂນ້ຍ, ກະຊວງວັດທະນະທຳ-ກິລາ ແລະ ການທ່ອງທ່ຽວຫວຽດນາມ ໄດ້ຈັດພິທີໄຂງານບຸນປຶ້ມ ແລະ ວັດທະນະທຳການອ່ານ ປີ 2012ຂື້ນຢ່າງເປັນທາງການ. ເນື້ອໃນສານຂອງງານບຸນປີນີ້ແມ່ນ ອ່ານປຶ້ມເພື່ອອະນາຄົດ. ແລະ ກໍຢູ່ທີ່ພິທີໄຂ, ບັນດາສຳນັກພິມຈຳໜ່າຍໄດ້ມອບປຶ້ມໃຫ້ແກ່ໂຄງການຮ່ວມແຮງຮ່ວມໃຈກໍ່ສ້າງຊົນນະບົດໃໝ່. ທ່ານນາງ Ng Thi Thanh Mai, ຫົວໜ້າກົມຫໍສະໝຸດ, ກະຊວງວັດທະນະທຳ-ກິລາ ແລະ ການທ່ອງທ່ຽວຫວຽດນາມ ໃຫ້ຮູ່ວ່າ:
“ໂຄງການກໍ່ສ້າງຊົນນະບົດໃໝ່ພວມແມ່ນແຜນນະໂຍບາຍ, ນະໂຍບາຍອັນໃຫຍ່ຫຼວງຂອງພັກ,ລັດພວກເຮົາ. ໃນ 19 ມາດຖານແຫ່ງການກໍ່ສ້າງຊົນນະບົດໃໝ່ນັ້ນມີ 2 ມາດຖານກ່ຽວຂ້ອງເຖິງວັດທະນະທຳ. ໃນນັ້ນປຶ້ມແມ່ນສິ່ງທີ່ຂາດບໍ່ໄດ້. ປະຈຸບັນຢູ່ບັນດາເຂດ, ຕາແສງທີ່ພວມປະຕິບັດການກໍ່ສ້າງຊົນນະບົດໃໝ່ນັ້ນພວມຕ້ອງການປຶ້ມສໍ ແລະ ຢາກໃຫ້ມີການກໍ່ສ້າງແລະເຄື່ອນໄຫວຂອງຫໍສະຫມຸດ. ມາຮອດປະຈຸບັນທາງຄະນະຈັດຕ້ັງ ກໍໄດ້ຮັບການບໍລິຈາກປຶ້ມ 6 ໝື່ນຫົວຈາກບັນດາສຳນັກພິມ30 ແຫ່ງໃນບໍລິເວນຮ່າໂນ້ຍແລະຈາກທ່ົວປະເທດ. ”
ພາຍຫລັງພິທີເປີດງານ ແມ່ນ ການເຄື່ອນໄຫວສະແດງອ່ານກອນ, ວັນນະຄະດີ, ເສັງສິນລະປະການສັບຊອ້ນປຶ້ມເສັງແຕ້ມຕາມປຶ້ມ... ທຸກການເຄື່ອນໄຫວໃນງານແມ່ນເພື່ອມຸ້ງໄປສູ່ການສົ່ງເສີມການອ່ານ, ເຊີດຊູວັດທະນະທຳການອ່ານ, ນັກແຕ່ງ, ນັກຂຽນ, ແລະ ເປັນການເຊີດຊູ ອາຊີບຫໍສະໝຸດອີກດວ້ຍ.