ກ່າວຄຳເຫັນໄຂງານບຸນ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ຍົກອອກບາງທັດສະນະຍຸດທະສາດໃນການອະນຸລັກຮັກສາ, ພັດທະນາວັດທະນະທຳແຜ່ນແພພື້ນເມືອງຢູ່ຫວຽດນາມ.

        “ບັນດາກະຊວງ, ຂະແໜງການ, ພິເສດແມ່ນກະຊວງວັດທະນະທຳ, ກິລາ ແລະ ທ່ອງທ່ຽວ ຄວນສົມທົບແງ່ມູມວັດທະນະທຳໃນບັນດາຜະລິດຕະພັນແຜ່ນແພພື້ນເມືອງ, ຕິດພັນກັບແຕ່ລະເຂດພາກ, ແຕ່ລະປະຊາຄົມເຂົ້າໃນຍຸດທະສາດພັດທະນາການທ່ອງທ່ຽວ. ຈົ່ງເຮັດໃຫ້ແຜ່ນແພພື້ນເມືອງແຕ່ລະແຜ່ນລ້ວນແຕ່ມີບັນດາເລື່ອງລາວທີ່ເປັນເອກະລັກສະເພາະກ່ຽວກັບປະຫວັດສາດ, ກ່ຽວກັບສີສັນວັດທະນະທຳ, ກ່ຽວກັບຄວາມໄວ້ເນື້ອເຊື່ອໃຈ ແລະ ບັນດາຄຸນຄ່າຄວາມງາມ ທີ່ໄດ້ສ້າງເປັນຄວາມຫຼາຍຮູບຫຼາຍແບບກ່ຽວກັບວັດທະນະທຳ 54 ຊົນເຜົ່າອ້າຍນ້ອງ”.

        ທ່ານນາຍົກລັດຖະມົນຕີ ຊີ້ແຈ້ງວ່າ, ລັດຖະບານ ຈະຄົ້ນຄວ້າບັນດາກົນໄກ, ນະໂຍບາຍເພື່ອແນໃສ່ຍົກສູງບັນດາຄຸນຄ່າອະນຸລັກຮັກສາ, ເສີມຂະຫຍາຍບັນດາຄຸນຄ່າທີ່ເປັນມູນເຊື້ອຢ່າງແທດຈິງຂອງແຜ່ນແພພື້ນເມືອງ.