(vovworld) – ໃນອີແມວ, ໂທລະສັບ ແລະ ຈົດໝາຍສະບັບຕ່າງໆທີ່ທ່ານຜູ້ຟັງຝາກມາລາຍການກະຈາຍສຽງພາກພາສາລາວ, ວິທະຍຸກະຈາຍສຽງຫວຽດນາມ ສັບປະດາຜ່ານມາ, ທ່ານຜູ້ຟັງໄດ້ເອົາໃຈໃສ່ເຖິງຫຼາຍບັນຫາ, ໃນນັ້ນມີຫຼາຍຂ່າວ ແລະ ບົດຂອງພວກເຮົາ. ໃນລາຍການ “ໂອ້ລົມກັບເພື່ອນລາວມື້ນີ້” ພວກເຮົາຂໍແນະນຳເນື້ອໃນຈົດໝາຍ ແລະ ຄຳເຫັນຂອງຜູ້ຟັງບາງທ່ານທີ່ຝາກມາໃນສັບປະດາຜ່ານມາ.
 |
ທ່ານຜູ້ຟັງຜູ້ອ່ານທີ່ເຄົາລົບ, ຍັງມີເວລາພຽງ 10 ກ່ວາມື້ອີກເທົ່ານັ້ນ ແມ່ນຈະຮອດກຳນົດເວລາສຸດທ້າຍ (30/6) ເພື່ອສົ່ງຄຳຕອບກ່ຽວກັບການເສັງ “ເພື່ອນຮູ້ຫຍັງແດ່ກ່ຽວກັບ ຫວຽດນາມ”. ຖ້າຫາກຜູ້ຟັງທ່ານໃດຢາກເຂົ້າຮ່ວມການເສັງ, ຂໍສົ່ງຄຳຕອບໃຫ້ລາຍການໂດຍໄວໃຫ້ທັນກັບເວລາ. ທ່ານຜູ້ຟັງສາມາດຝາກຄຳຕອບໃຫ້ພວກຂ້າພະເຈົ້າທາງໄປສະນີໂດຍຈ່າໜ້າຊ່ອງວ່າ: ວິທະຍຸກະຈາຍສຽງຫວຽດນາມ, ພາກພາສາລາວ, ເຮືອນເລກທີ 45 ຖະໜົນ ບ່າຈ້ຽວ, ຮ່າໂນ້ຍ, ຫວຽດນາມ, ຫຼືທາງອີແມວຜ່ານອີແມວ laovov5@gmail.com ຫຼື laovov@yahoo.com. ເພື່ອໃຫ້ການຕອບຄຳຖາມຊັດເຈນ, ທ່ານສາມາດຊອກຫາບັນດາຂໍ້ມູນກ່ຽວຂ້ອງເຖິງການເສັງໃນລາຍການ “ຕິດຕໍ່ພົວພັນກັບຜູ້ຟັງ” ດ້ວຍແວບໄຊ vovworld.vn ຂອງພວກເຮົາ.
***
ທ່ານ ວັນໄຊ, ແຂວງ ຊຽງຂວາງ ຝາກອີແມວມາຍັງລາຍການໂດຍແບ່ງປັນວ່າ “ໃນອາທິດ, ຂ້າພະເຈົ້າໄດ້ຮັບຟັງບົດຂຽນກ່ຽວກັບຕຶກ Bitexco ຢູ່ນະຄອນ ໂຮ່ຈີມິນ. ຂ້າພະເຈົ້າມີຄວາມປະທັບໃຈເມື່ອຮັບຟັງບົດຂຽນຍ້ອນຕຶກອາຄານນີ້ມີສະຖາປັດຕະຍາກຳພິເສດ.” ເພື່ອນວັນໄຊ ທີ່ເຄົາລົບ, ພວກຂ້າພະເຈົ້າມີຄວາມເບີກບານມ່ວນຊື່ນທີ່ສຸດ ຍ້ອນທ່ານໄດ້ຕິດຕາມຮັບຟັງລາຍການຂອງພວກເຮົາ. ຖ້າຜູ້ຟັງທ່ານໃດມີຄວາມສົນໃຈເຖິງບົດຂຽນ ແລະ ສະຖາປັດຕະຍາກຳສວຍງາມນີ້ຢູ່ນະຄອນ ໂຮ່ຈີມິນ, ສາມາດອ່ານຄືນໃນແວບໄຊ vovworld.vn ຫຼື vov5.vn. ຖ້າຫາກມີໂອກາດມາຢ້ຽມຢາມນະຄອນ ໂຮ່ຈີມິນ ທ່ານຢ່າລື່ມມາຢາມກິດຈະກຳພິເສດນີ້ແດ່ເດີ.
***
ທ່ານ ວຽງຄຳ, ແຂວງ ວຽງຈັນ ໄດ້ໂທລະສັບຫາລາຍການໂດຍຖາມວ່າ “ສັນຍາການຄ້າເສລີລະຫວ່າງ ຫວຽດນາມ ກັບສຳພັນທະມິດເສດຖະກິດ ອາຊີ - ເອີລົບ” ເຊິ່ງ ຫວຽດນາມ ຫາກໍ່ລົງນາມຈະນຳມາເຊິ່ງບັນດາຜົນປະໂຫຍດຄືແນວໃດສຳລັບບັນດາວິສາຫະກິດ ຫວຽດນາມ?
ພວກຂ້າພະເຈົ້າຂໍຂອບໃຈເຖິງຄຳຖາມທີ່ມ່ວນໆຂອງທ່ານ ວຽງຄຳ, ຜ່ານຄຳຖາມນີ້ພວກຂ້າພະເຈົ້າຮູ້ວ່າທ່ານໄດ້ເອົາໃຈໃສ່ເຖິງສະພາບເສດຖະກິດ ຫວຽດນາມ ເວົ້າສະເພາະ ແລະ ເສດຖະກິດໂລກເວົ້າລວມ. ພັນທະມິດເສດຖະກິດ ອາຊີ - ເອີລົບ, ໃນນັ້ນ ລວມມີບັນດາປະເທດຄື: ລັດເຊຍ, ອາກເມນີອາ, ເບລາຣຸດ, ກາຊັກສະຖານ ແມ່ນອົງການເສດຖະກິດທີ່ຫາກໍ່ໄດ້ຮັບການສ້າງຕັ້ງ ແຕ່ມີບົດບາດສຳຄັນສຳລັບການພັດທະນາມຸ່ງໄປເຖິງເຂດເສດຖະກິດເປັນເອກະພາບ. ສັນຍາສະບັບນີ້ ຈະຊ່ວຍໃຫ້ບັນດາວິສາຫະກິດ ຫວຽດນາມ ມີກາລະໂອກາດສຳພັດກັບຕະຫລາດຈຳຫນ່າຍທີ່ກວ້າງໃຫຍ່, ໄດ້ຊົມໃຊ້ຫລາຍເງື່ອນໄຂບຸລິມະສິດ, ຫັນດ້ານພາສີເປັນງ່າຍດາຍ, ຊ່ວຍຍູ້ແຮງການສົ່ງອອກສິນຄ້າ, ບໍລິການ ແລະ ການລົງທຶນຂອງຫວຽດນາມ. ຫວຽດນາມ ແລະ ບັນດາປະເທດສະມາຊິກ ພັນທະມິດເສດຖະກິດ ອາຊີ - ເອີລົບ ຈະສະຫງວນໃຫ້ກັນໃນການເປີດປະຕູຕະຫລາດສິນຄ້າດ້ວຍປະມານ 90% ວົງເງິນການຄ້າສອງຝ່າຍ.
ສຳລັບຫວຽດນາມ, ເລື່ອງລົງນາມໃນສັນຍາການຄ້ານີ້ ສືບຕໍ່ຢືນຢັນບົດບາດເປັນເຈົ້າການ, ຕັ້ງຫນ້າຂອງຫວຽດນາມ ໃນການພົວພັນຮ່ວມມືຮອບດ້ານກັບບັນດາປະເທດສະມາຊິກ ພັນທະມິດເສດຖະກິດ ອາຊີ - ເອີລົບ. ກ່ຽວກັບດ້ານເສດຖະກິດ, ຈຸດໝາຍຕົ້ນຕໍຂອງຫວຽດນາມ ໃນການລົງນາມສັນຍາດັ່ງກ່າວແມ່ນແນໃສ່ບັນລຸຜົນປະໂຫຍດພື້ນຖານດ້ານເສດຖະກິດ ຜ່ານການຍົກສູງກຳລັງແກ້ງແຍ້ງຂອງການຜະລິດພາຍໃນປະເທດ, ສ້າງກາລະໂອກາດໃຫ້ແກ່ການຊຸກຍູ້ດ້ານການຄ້າ, ການບໍລິການ, ການລົງທຶນ, ຫັນບັນດາຕະຫລາດນຳເຂົ້າສົ່ງອອກເປັນຫລາຍຮູບຫລາຍແບບ, ຫລີກລ້ຽງການຂຶ້ນກັບຕະຫລາດຫນຶ່ງ.
ທ່ານແສງພະຈັນ, ຢູ່ແຂວງຫຼວງພະບາງ ໄດ້ໂທລະສັບຫາລາຍການໂດຍຖາມວ່າ: ຂ້າພະເຈົ້າແມ່ນຜູ້ມັກກິລາ, ແຕ່ຄາວຽກຫຼາຍດັ່ງນັ້ນບໍ່ຕິດຕາມງານມະຫາກຳກິລາຊີເກັມ 28 ເຊິ່ງຈັດຈຶ້ນຢູ່ສິງຄະໂປ ເປັນປະຈຳໄດ້. ດັ່ງນັ້ນຜ່ານລາຍການ, ຂ້າພະເຈົ້າຢາກຮູ້ຜົນແຫ່ງການແຂ່ງຂັນກິລາຄັ້ງນີ້ຂອງບັນດາປະເທດເຂົ້າຮ່ວມ. ພິເສດແມ່ນຜົນງານຂອງຫວຽດນາມ
ພິທີອັດງານມະຫາກຳກິລາ ຊີເກມ 28 ໄດ້ດຳເນີນໄປໃນວັນທີ 16/6 ດ້ວຍຜົນການແຂ່ງຂັນຖືກຈັດອັນດັບດັ່ງຕໍ່ໄປນີ້: ຄະນະກິລາໄທໄດ້ຈັດອັນດັບ 1 ດ້ວຍຫຼຽນຄຳ 92 ຫຼຽນ, ຈາກນັ້ນແມ່ນສິງກາໂປ ດ້ວຍຫຼຽນຄຳ 83 ຫຼຽນ. ສະເພາະ ຫວຽດນາມ ແມ່ນຍືນຢູ່ອັນດັບທີ 3 ດ້ວຍຫຼຽນຄຳ 73 ຫຼຽນ, ຫຼຽນເງິນ 52 ຫຼຽນ ແລະ ຫຼຽນທອງ 60 ຫຼຽນ. ຢືນອັນດັບທີ 4 ແມ່ນ ມາເລເຊຍ, ດ້ວຍຫຼຽນຄຳ 60 ຫຼຽນ, ອິນໂດເນເຊຍ ຖືກຈັດອັນດັບ 5 ດ້ວຍຫຼຽນຄຳ 45 ຫຼຽນ, ຟີລິບປິນຖືກຈັດອັນດັບທີ 6, ດ້ວຍຫຼຽນຄຳ 28 ຫຼຽນ, ມຽນມາ ຢືນອັນດັບທີ 7 ດ້ວຍຫຼຽນຄຳ 12, ກຳປູເຈຍ ຢືນອັນດັບທີ 8, ດ້ວຍຫຼຽນຄຳ 1 ຫຼຽນ. ສ່ວນ ລາວ ແລະ ບຣູໄນ ບໍ່ຄວ້າໄດ້ຫຼຽນຄຳ.
ລາຍການໂອ້ລົມກັບເພື່ອນລາວຂອງພວກເຮົາຂໍ້ສິ້ນສຸດລົງພຽງເທົ່ານີ້. ຖ້າຫາກຜູ້ໃດມີຄວາມສົນໃຈ ແລະ ຢາກປະກອບຄຳເຫັນໃຫ້ລາຍການກະລຸນາສົ່ງຈົດໝາຍມາຍັງລາຍການໂດຍຈ່າໜ້າຊອງວ່າ: ວິທະຍຸກະຈາຍສຽງຫວຽດນາມ-ພາກພາສາລາວ-ເຮືອນເລກທີ 45 ຖະໜົນບາຈ້ຽວ-ຮ່າໂນ້ຍ ຫຼືໂທລະສັບມາໂດຍກົງຕາມເບີໂທ: 0084.43.8256631, ອີແມວ: Laovov@yahoo.com ຫຼື laovov5@gmail.com. ພວກເຮົາຍິນດີຕ້ອນຮັບ ແລະ ພ້ອມແລ້ວຈະຕອບຄຳຖາມຂອງທ່ານທຸກປະການ. ຂໍຂອບໃຈທ່ານທີ່ໄດ້ຕິດຕາມຮັບຟັງ ແລະ ຊົມລາຍການຂອງພວກເຮົາ