ຄັດສະເໜີບາງຄຳເຫັນແລະຕອບຈົດໝາຍ ອີແມວເຊິ່ງທ່ານຜູ້ຟັງໄດ້ຝາກມາລາຍການ
Minh Duc -
ໃນອາທິດຜ່ານມາ, ພາກພາສາລາວ ວິທະຍຸກະຈາຍສຽງ ຫວຽດນາມ ໄດ້ຮັບຈົດໝາຍ, ອີແມວ, ໂທລະສັບ ຈາກທ່ານຜູ້ຟັງລາວ ຫຼາຍທ່ານ. ໃນລາຍການໂອ້ລົມກັບເພື່ອນລາວພາກນີ້, ພວກຂ້າພະເຈົ້າຂໍຄັດສະເໜີບາງຄຳເຫັນ ແລະ ຕອບຈົດໝາຍ, ອີແມວເຊິ່ງທ່ານຜູ້ຟັງໄດ້ຝາກມາລາຍການ.
ເພື່ອນ ຈັນທິດາ ຢູ່ແຂວງ ຈຳປະສັກ ໃຫ້ຮູ້ວ່າ, ຂ້າພະເຈົ້າມັກອ່ານລາຍການ ຊົນນະບົດໃໝ່, ຜ່ານບັນດາບົດຂຽນ, ຂ້າພະເຈົ້າເຫັນວ່າ ປະຊາຊົນຫວຽດນາມ ມີຫົວຄິດປະດິດສ້າງໃນການນຳໃຊ້ວິທະຍາສາດ, ເຕັກໂນໂລຊີເຮັດການຜະລິດໄດ້ຮັບຜົນດີ.
ເພື່ອນ ດາລາວັນ ສີຫາລາດ, ແຂວງຫົວພັນ ໃຫ້ຮູ້ວ່າ: ຜ່ານລາຍການຂ່າວ ແລະ ບົດຂຽນຕ່າງໆຂອງວິທະຍຸກະຈາຍສຽງຫວຽດນາມ ຂ້າພະເຈົ້າເຫັນວ່າ ນ້ຳໃຈສາມັກຄີລະຫວ່າງ ຫວຽດນາມ - ລາວ ນັບມືນັບໄດ້ຮັບການຮັດແໜ້ນ, ຂໍອວຍພອນໃຫ້ຄວາມສາມັກຄີມິດຕະພາບລະຫວ່າງ 2 ປະເທດ ນັບມືນັບພັດທະນາຢ່າງຈົບງາມ.
ສ່ວນເພື່ອນ ສູນທອນ (ອີແມວ sunthonnetwa@gmail.com) ກໍ່ໃຫ້ຮູ້ວ່າ: ຜ່ານບົດສະຫຼຸບການພົວພັນຮ່ວມມືລະຫວ່າງຫວຽດນາມ - ລາວ ໃນເດືອນ 06/2014, ທາງເວັບໄຊພາກພາສາລາວ, ວິທະຍຸກະຈາຍສຽງຫວຽດນາມ, ຂ້າພະເຈົ້າຮູ້ສຶກພາກພູມໃຈຫຼາຍເມື່ອເຫັນວ່າ ພັກ, ລັດ, ຂະແໜງການທຸກຂັ້ນໄດ້ມານະພະຍາຍາມເພີ່ມພູນຄູນສ້າງຄວາມສາມັກຄີລະຫວ່າງ 2 ປະເທດລາວ ແລະ ຫວຽດນາມ.
ຂໍຂອບໃຈເພື່ອນ ສູນທອນ ທີ່ໄດ້ເອົາໃຈໃສ່ ແລະ ແບ່ງປັນຄວາມຮູ້ສຶກຂອງຕົນກ່ຽວກັບນ້ຳໃຈສາມັກຄີແບບພິເສດລະຫວ່າງ 2 ປະເທດຫວຽດນາມ - ລາວ ໃນໄລຍະຜ່ານມາ. ຫວັງວ່າ ໃນໄລຍະຈະມາເຖິງ ເພື່ອນຈະສືບຕໍ່ປະກອບຄຳເຫັນໃຫ້ລາຍການຫຼາຍກວ່າອີກ.
(ພາບປະກອບ)
ເພື່ອນ ສີສະມຸດ ແຂວງ ຈຳປະສັກ ສົ່ງອີແມວ ມາຍັງລາຍການໂດຍຖາມວ່າ: ຂ້າພະເຈົ້າໄດ້ຍິນຂ່າວວ່າ ປະຈຸບັນມີຄະນະຊາວໜຸ່ມອາສາສະໝັກຂອງຫວຽດນາມ ໄປຍັງລາວ ເພື່ອໜູນຊ່ວຍປະຊາຊົນລາວ. ແຕ່ຂ້າພະເຈົ້າຢາກຮູ້ຄະນະຊາວໜຸ່ມອາສາສະໝັກຫວຽດນາມ ຈະຊ່ວຍເຫຼືອປະຊາຊົນລາວ ໃນຂົງເຂດໃດ ແລະ ຢູ່ແຂວງໃດ?
ເພື່ອນ ສີສະມຸດ ທີ່ຮັກແພງ, ຄະນະຊາວໜຸ່ມນະຄອນໂຮ່ຈິມິນ ໄດ້ຈັດພິທີອອກເດີນທາງໄປປະຕິບັດວຽກງານອາສາສະໝັກສາກົນຢູ່ປະເທດລາວ. ລາຍການຖືກດຳເນີນໄປແຕ່ວັນທີ 29/07 – 09/08 ຢູ່ 2 ແຂວງແມ່ນ ອັດຕະປື ແລະ ຈຳປາສັກ, ໂດຍມີການເຂົ້າຮ່ວມຂອງຊາວໜຸ່ມ ແລະ ນັກສຶກສາກວ່າ 82 ຄົນ. ການເຄື່ອນໄຫວຕົ້ນຕໍຂອງຊາວໜຸ່ມອາສາສະໝັກໃນຄັ້ງນີ້ແມ່ນ: ຈັດການກວດ, ປິ່ນປົວພະຍາດ, ແຈກຢາຍຢຸກຢາໂດຍບໍ່ເສຍຄ່າ ໃຫ້ປະຊາຊົນ 3.500 ຄົນ; ມອບປື້ມ 7.000 ຫົວ, ກອມພິວເຕີ 5 ໜ່ວຍ, ທຶນສຶກສາໃຫ້ນັກຮຽນທຸກຍາກ 15 ຄົນ; ປຸກສ້າງເຮືອນມິດຕະພາບໄວໜຸ່ມຫວຽດນາມ - ລາວ 2 ຫຼັງ ແລະ ມອບຂອງຂວັນໃຫ້ຄອບຄົວທຸກຍາກ 160 ພູດ. ນອກຈາກນັ້ນ, ຄະນະຊາວໜຸ່ມຍັງຈັດຕັ້ງການຝຶກອົບຮົມຄວາມຮູ້ທາງດ້ານການລ້ຽງສັດ, ການປູກຝັງ; ການນຳໃຊ້ໄຟຟ້າຢ່າງປອດໄພ, ຈັດງານພົບປະແລກປ່ຽນວັດທະນະທຳ, ສິລະປະໃຫ້ຊາວໜຸ່ມ ແລະ ປະຊາຊົນຢູ່ທີ່ນີ້.
(ບ້ານເດັກ SOS ຫວຽດນາມ)
ເພື່ອນ ວົງຄຳ, ແຂວງຫົວພັນ ໄດ້ສົ່ງອີແມວມາຍັງລາຍການໂດຍໃຫ້ຮູ້ວ່າ: ຂ້າພະເຈົ້າໄດ້ຮູ້ວ່າຢູ່ຫວຽດນາມ ມີບ້ານເດັກ SOS ຢູ່ນະຄອນຮ່າໂນ້ຍ. ຂ້າພະເຈົ້າຢາກຮູ້ວ່າ, ບ້ານເດັກ SOS ໄດ້ສ້າງຕັ້ງແຕ່ປີໃດ? ປະຈຸບັນຢູ່ຫວຽດນາມມີບ້ານເດັກ SOS ຈັກແຫ່ງ? ແລະ ຂໍໃຫ້ທາງລາຍການແນະນຳໂດຍຫຍໍ້ກ່ຽວກັບບ້ານເດັກ SOS ດັ່ງກ່າວ.
ເພື່ອນ ວົງຄຳ ທີ່ຮັກແພງ, ບ້ານເດັກ SOS ຫວຽດນາມ ໄດ້ຮັບການສ້າງຕັ້ງຂຶ້ນແຕ່ປີ 1987 ເພື່ອແນໃສ່ຊ່ວຍເຫຼືອບັນດາເດັກກ່ຳພ້າ, ເດັກບໍ່ມີບ່ອນເພິ່ງພາອາໄສ, ເດັກປະສົບກັບຄວາມຫຍຸ້ງຍາກເປັນພິເສດ ເພື່ອຊ່ວຍພວກນ້ອງໄດ້ດຳລົງຊີວິດໃນຄອບຄົວທີ່ເຕັມໄປດ້ວຍຄວາມອົບອຸ່ນ. ແຕ່ລະຄອບຄົວໃນບ້ານເດັກ SOS ມີເດັກປະມານ 8 – 10 ຄົນ ໃນເກນອາຍຸແຕກຕ່າງກັນ ພວກນ້ອງຮ່ວມດຳລົງຊີວິດຄືດັ່ງອ້າຍເອື້ອຍນ້ອງຄີງ ແລະ ໄດ້ຮັບການເບິ່ງແຍງດູແລຈາກແມ່ຄົນໜຶ່ງໃນບ້ານເດັກ SOS. ປະຈຸບັນ, ຢູ່ຫວຽດນາມ ມີບ້ານເດັກ SOS 14 ແຫ່ງດ້ວຍເດັກກວ່າ 3.500 ຄົນ ທີ່ພວມໄດ້ຮັບການລ້ຽງດູ. ຢູ່ທີ່ນີ້, ພວກນ້ອງຈະໄດ້ຮັບວັດຖຸເຄື່ອງນຳໃຊ້ປະຈຳວັນຢ່າງພຽງພໍ, ກໍ່ຄືໄດ້ຮໍ່າຮຽນເພື່ອສາມາດຫາເງິນລ້ຽງຊີບ, ກຸ້ມຕົນເອງໃນພາຍພາກໜ້າ. ຫ້ອງການຂອງບ້ານເດັກ SOS ຫວຽດນາມ ຢູ່ ຮ່ອມບ້ານ 1, ຖະໜົນ ຟ້າມວັນດົ່ງ, ຕາແສງ ມາຍຢີກ, ເມືອງເກົ່າໄຢ, ນະຄອນຮ່າໂນ້ຍ. ໂທລະສັບ 0084.4.37644019/ 0084.4.37641229; Fax : +84.4.37644020.
ດັ່ງທີ່ກ່າວມາຂ້າງເຖິງແມ່ນເນື້ອໃນຄຳຖາມຂອງຜູ້ຟັງບາງທ່ານທີ່ຝາກມາລາຍການໃນອາທິດຜ່ານມາ. ພວກເພື່ອນສາມາດຝາກຈົດໝາຍມາຍັງລາຍການໂດຍຈ່າໜ້າຊອງວ່າ: ພາກພາສາລາວ, ວິທະຍຸກະຈາຍສຽງຫວຽດນາມ, ເຮືອນເລກທີ 45 ຖະໜົນ ບ່າຈ້ຽວ, ຮ່າໂນ້ຍ. ຫຼືໂທລະສັບໂດຍກົງກໍ່ໄດ້ຕາມເບີໂທ 0084.43.8256631 ຫຼື ສົ່ງອີແມວດ້ວຍລະຫັດ laovov@yahoo.com, laovov5@gmail.com.
Minh Duc