ທ່ານ ຫງວຽນດັງຕ໋ຽນຜູ້ອຳນວຍການໃຫຍ່ວິທະຍຸກະຈາຍສຽງຫວຽດນາມ
ຂໍຮຽນທ່ານຜູ້ຟັງຊາວຕ່າງປະເທດ ແລະຊາວ ຫວຽດນາມອາໄສຢູ່ຕ່າງປະເທດ!
ປີ 2015 ຫາກໍ່ສິ້ນຸດລົງດ້ວຍບັນດາຂ່າວດີ, ຂ່າວມ່ວນກ່ຽວກັບເລື່ອງຫວຽດນາມບັນລຸໄດ້ຂີດໝາຍທີ່ພົ້ນເດັ່ນບົນເສັ້ນທາງເຊື່ອມໂຍງເຂົ້າກັບສາກົນ. ຫວຽດນາມໄດ້ຮັບມືກັບບັນດາຄວາມຫຍຸ້ງຍາກ, ການທ້າທາຍຢ່າງທັນການ ແລະ ມີປະສິດທິຜົນ ແລະ ບັນລຸໄດ້ບັນດາໝາກຜົນທີ່ສຳຄັນທາງດ້ານເສດຖະກິດ, ສັງຄົມ. ຫວຽດນາມໄດ້ປະຕິບັດຄາດໝາຍຮັກສາສະຖຽນລະພາບດ້ານເສດຖະກິດມະຫາພາກ, ຄວບຄຸມໄພເງິນເຟີ້ໃຫ້ຢູ່ໃນລະດັບຕຳ່ ແລະ ຮັບປະກັນຊີວິດສັງຄົມ, ປ້ອງກັນຊາດ, ປ້ອງກັນຄວາມສະຫງົບສຳເລັດຜົນ. ປີ 2015, ລະດັບເຕີບໂຕ ຈີດີພີ ຂອງຫວຽດນາມບັນລຸ 6,68%, ສູງກວ່າຄາດໝາຍທີ່ໄດ້ວາງອອກເມື່ອຕົ້ນປີແມ່ນ 6,2%, ນີ້ແມ່ນລະດັບ ຈີດີພີ ສູງສຸດໃນ 8 ປີມໍ່ໆມານີ້. ສິ່ງດັ່ງກ່າວສະແດງໃຫ້ເຫັນທ່າອ່ຽງຟື້ນຕົວຢ່າງໝັ້ນຄົງ ພາຍຫຼັງຊຸມປີທີ່ເສດຖະກິດປະສົບກັບຄວາມຫຍຸ້ງຍາກໃນລະບົບທະນາຄານ, ວິສາຫະກິດ, ຕະຫຼາດອະສັງຫະລິມະຊັບ ແລະ ການເຄື່ອນໄຫວລົງທຶນ. ໃນປີນີ້, ສັນຍາການຄ້າເສລີ ຫວຽດນາມ - ສເກົາຫຼີເລີ່ມມີຜົນສັກສິດຢ່າງເປັນທາງການ; ຫວຽດນາມໄດ້ລົງນາມໃນສັນຍາການຄ້າເສລີຫວຽດນາມ - ສະຫະພາບເອີລົບ. ຫວຽດນາມກໍ່ສຳເລັດການເຈລະຈາສັນຍາຄູ່ຮ່ວມມືຂ້າມ ປາຊີຟິກກັບ ສະມາຊິກທັງໝົດ ພ້ອມກັບບັນດາປະເທດອາຊີຕາເວັນອອກ, ສ້າງປະຊາຄົມເສດຖະກິດ ອາຊຽນສຳເລັດຜົນ. ບັນດາເຫດການນີ້ເປັນຂີດໝາຍທີ່ວ່າ ພື້ນຖານເສດຖະກິດ ຫວຽດນາມເຊື່ອມໂຍງຢ່າງເລິກເຊິ່ງກວ້າງຂວາງກັບພື້ນຖານເສດຖະກິດທົ່ວໂລກ ແລະ ທີ່ຕັ້ງຂອງປະເທດ ຫວຽດນາມໃນປະຊາຄົມສາກົນໄດ້ຮັບການຍົກສູງຂຶ້ນ.
ຍືດໝັ້ນແນວທາງການຕ່າງປະເທດເປັນເອກະລາດ, ກຸ້ມຕົນເອງ, ເປີດກວ້າງເພື່ອສັນຕິພາບ, ການຮ່ວມມື ແລະ ພັດທະນາ, ຫັນເປັນຫຼາຍຮູບຫຼາຍແບບ, ເຊື່ອມໂຍງເຂົ້າກັບສາກົນເທື່ອລະກ້າວ, ປີ 2015, ການທູດຫວຽດນາມບັນລຸໄດ້ຜົນງານສຳຄັນຫຼາຍຢ່າງ, ປະກອບສ່ວນຍົກສູງທີ່ຕັ້ງຂອງ ຫວຽດນາມໃນເວທີສາກົນ ແລະ ພາກພື້ນ, ສ້າງສະພາບແວດລ້ອມສາກົນທີ່ສະດວກໃຫ້ແກ່ການຮ່ວມມື, ພັດທະນາ, ປະກອບສ່ວນປົກປັກຮັກສາອະທິປະໄຕ ແລະ ຜືນແຜ່ນດິນອັນຄົບຖ້ວນ. ບັນດາແຜນນະໂຍບາຍ, ນະໂຍບາຍຂອງພັກ, ລັດ, ກໍ່ຄືກະຊວງ, ຂະແໜງການຕ່າງໆແລະຂະແໜງການທູດຂອງ ຫວຽດນາມໄດ້ຜັນຂະຫຍາຍແນວທາງການທູດເປັນເອກະລາດ, ເປັນເຈົ້າຕົນເອງ, ແລະເຊື່ອມໂຍງຢ່າງແຮງ, ກາຍເປັນຂົວເຊື່ອມຕໍ່ຊາວ ຫວຽດນາມຢູ່ຕ່າງປະເທດ 4 ລ້ານກວ່າຄົນໃຫ້ອ່ວາຍເມືອຫາປະເທດຢ່າງແທ້ຈິງ.
ປີ 2015, ວິທະຍຸກະຈາຍສຽງ ຫວຽດນາມ ສືບຕໍ່ຢືນຢັນບົດບາດ, ທີ່ຕັ້ງຂອງຕົນໃນໝູ່ຜູ້ອ່ານ, ຜູ້ຟັງ, ຜູ້ຊົມ ແລະ ປະຊາຊົນພາຍໃນປະເທດ, ໃນພາກພື້ນ ແລະ ໃນໂລກ. ບັນດາຂໍ້ມູນໄດ້ຮັບການໂຄສະນາຢ່າງໄວ, ຊັດເຈນ, ຮອບດ້ານ, ອຸດົມສົມບຸນໃນບັນດາພາຫະນະສື່ມວນຊົນເຊັ່ນ: ວິທະຍຸກະຈາຍສຽງ, ໂທລະພາບ, ສື່ສ່ິງພິມ, ສື່ເອເລັກໂຕນິກຂອງວິທະຍຸກະຈາຍສຽງຫວຽດນາມ. ການເຄື່ອນໄຫວຢ່າງຟົດຟື້ນຂອງປະເທດຊາດ, ຊາວຫວຽດນາມ, ຊີວິດທາງດ້ານການເມືອງ, ເສດຖະກິດ, ວັດທະນະທຳສັງຄົມຂອງ ຫວຽດນາມໄດ້ຮັບການສ່ອງແສງຢ່າງຮອບດ້ານ, ເລິກເຊິ່ງ ແລະ ມີຊີວິດຊີວາໃນບັນດາລາຍການຂອງວິທະຍຸກະຈາຍສຽງ ຫວຽດນາມ. ບັນດາເວັບໄຊ www.vovworld.vn, www.vov.vn, ແລະ www.radiovietnam.vn ແມ່ນເວັບໄຊທີ່ໜ້າໄວ້ເນື້ອເຊື່ອໃຈຂອງຜູ້ຟັງ, ຜູ້ອ່ານພາຍໃນ ແລະ ຕ່າງປະເທດ ເມື່ອຊອກຫາ, ອັບເດັດຂໍ້ມູນທາງການກ່ຽວກັບປະເທດຫວຽດນາມ. ທ່ານຜູ້ຟັງສາມາດຟັງລາຍການກະຈາຍສຽງທັງໝົດຂອງວິທະຍຸກະຈາຍສຽງ ຫວຽດນາມ, ຂອງ 63 ແຂວງ, ນະຄອນໃນທົ່ວປະເທດ, ດ້ວຍ 11 ພາສາຕ່າງປະເທດ, ພາສາຫວຽດນາມ ແລະ 12 ພາສາຊົນເຜົ່າ. ໃນເວັບໄຊຂອງວິທະຍຸກະຈາຍສຽງ ຫວຽດນາມ, ຜູ້ອ່ານ, ຜູ້ຟັງສາມາດຊົມລາຍການໂທລະພາບ, ອານຂ່າວທາງອິນເຕີແນດ, ທັງຟັງຄືນບັນດາລາຍການທີ່ຕົນນິຍົມ ແລະ ຊອກຫາບັນດາຂໍ້ມູນທີ່ມີປະໂຫຍດໄດ້. ພິເສດ, ປີ 2015, ວິທະຍຸກະຈາຍສຽງ ຫວຽດນາມໄດ້ເປີດສະຫຼອງຊ່ອງພາສາອັງກິດ 24/7, ເຊິ່ງອອກອາກາດຕະຫຼອດເວລາ 24 ຊົ່ວໂມງ/ວັນຢູ່ຫວຽດນາມ, ເພື່ອຮັບໃຊ້ໃຫ້ຜູ້ຟັງຊາວຕ່າງປະເທດຢູ່ທະວີບຕ່າງໆ, ຊາວ ຫວຽດນາມຢູ່ຕ່າງປະເທດ ແລະ ຊາວ ຫວຽດນາມຮູ້ພາສາອັງກິດ ກໍ່ຄືຊາວຕ່າງປະເທດທີ່ພວມດຳລົງຊີວິດ, ເຮັດວຽກ ແລະ ທ່ອງທ່ຽວຢູ່ ຫວຽດນາມ. ຫວັງວ່າ ຊ່ອງພາສາອັງກິດ 24/7 ຈະໂຄສະນາກ່ຽວກັບປະເທດຊາດ ແລະ ຊາວ ຫວຽດນາມຂອງຫວຽດນາມເຖິງຜູ້ຟັງທັງຢູ່ພາຍໃນ ແລະ ຕ່າງປະເທດຂອງຫວຽດນາມ.
ປີ 2016, ວິທະຍຸກະຈາຍສຽງ ຫວຽດນາມຈະສືບຕໍ່ປ່ຽນໃໝ່ຢ່າງຮອບດ້ານ ແລະ ມີຊີວິດຊີວານັບທັງລັກສະນະຫຼາຍຮູບຫຼາຍແບບຂອງຂໍ້ມູນຂ່າວ, ຄຸນນະພາບເນື້ອໃນອຸດົມສົມບຸນ, ເລິກເຊິ່ງ, ຮູບການສະແດງ, ພາຫະນະສື່ສານ, ບໍລິເວນສົ່ງສັນຍາ, ດ້ວຍຄວາມປາຖະໜາວ່າ, ວິທະຍຸກະຈາຍສຽງ ຫວຽດນາມຈະສົ່ງສັນຍານເຖິງເພື່ອມິດສາກົນ ແລະ ຊາວຫວຽດນາມທີ່ອາໄສຢູ່ທັງ 5 ທະວີບໄດ້.
ເນື່ອງໃນໂອກາດນີ້, ໃນນາມພະນັກງານ, ນັກຂ່າວ, ບັນນາທິການ, ນັກເຕັກນິກ ແລະ ນັກສິລະປິນຂອງວິທະຍຸກະຈາຍສຽງ ຫວຽດນາມ, ຂໍອວຍພອນໃຫ້ຜູ້ຟັງ, ຜູ້ອ່ານຊາວຕ່າງປະເທດ ແລະ ຊາວ ຫວຽດນາມອາໄສຢູ່ຕ່າງປະເທດ, ຈົ່ງມີສຸຂະພາບເຂັ້ມແຂງ,ມີຄວາມວັດທະນາຖາວອນ ແລະ ມີຄວາມຜາສຸກໃນປີ 2016 ນີ້.