* 10 ເຫດການພົ້ນເດັ່ນພາຍໃນປະເທດປີ 2014
ເຫດການທີ 1 : ສະພາແຫ່ງຊາດຮັບຮອງເອົາກົດໝາຍ, ມະຕິເພື່ອຫັນລັດຖະທຳມະນູນປີ 2013 ເປັນລະອຽດ.
ປີ 2014 , ສະພາແຫ່ງຊາດຮັບຮອງເອົາກົດໝາຍ 29 ສະບັບແນໃສ່ສືບຕໍ່ສ້າງລະບົບກົດໝາຍໃຫ້ສົມບູນແບບ, ຫັນບັນດາເນື້ອໃນລັດຖະທຳມະນູນປີ 2013 ກ່ຽວກັບການຈັດຕັ້ງກົງຈັກລັດເປັນລະອຽດ; ປົກປ້ອງ ແລະ ປະຕິບັດສິດທິມະນຸດ, ບັນດາສິດ ແລະ ພັນທະໂດຍພື້ນຖານຂອງພົນລະເມືອງ. ສະພາແຫ່ງຊາດຍັງຮັບຮອງເອົາ ມະຕິ 13 ສະບັບທີ່ສຳຄັນ, ໃນນັ້ນ ມີການປັບປຸງເພີ່ມເຕີມມະຕິ 35 ກ່ຽວກັບການລົງຄະແນນສຽງໄວ້ວາງໃຈສຳລັບບັນຜູ້ດຳລົງຕຳແໜ່ງຊຶ່ງສະພາແຫ່ງຊາດ, ສະພາປະຊາຊົນເລືອກຕັ້ງຫຼືໃຫ້ສັດຕະຍາບັນເພື່ອໃຫ້ສອດຄ່ອງກັບພຶດຕິກຳຕົວຈິງ. ນັບແຕ່ກອງປະຊຸມສະໄໝສາມັນເທື່ອ 8, ສະພາແຫ່ງຊາດເລີ່ມຕົ້ນເຮັດວຽກຢູ່ທີ່ສຳນັກງານສະພາແຫ່ງຊາດຕຶກໃໝ່.
ເຫດການທີ 2 . ເງິນເຟີ້ໄດ້ຮັບການຄວບຄຸມ, ສ້າງເສດຖະກິດມະຫາພາກເປັນປົກກະຕິຕິດພັນກັບການສ້າງໂຄງປະກອບເສດຖະກິດຄືນໃໝ່; ປົວແປງສະພາບແວດລ້ອມແຫ່ງການລົງທຶນ, ດຳເນີນທຸລະກິດ ແລະ ປະຕິບັດບັນດາບາດກ້າວບຸກທະລຸຍຸດທະສາດ.
ຍອດຜະລິດຕະພັນພາຍໃນ GDP ເພີ່ມຂຶ້ນເກືອບ 6%. ດັດຊະນີລາຄາໃຊ້ສອຍ CPI ເພີ່ມຂຶ້ນກ່ວາ 4%, ຕ່ຳກວ່າໝູ່ໃນໄລຍະ 10 ປີຜ່ານມາ. ການສ້າງໂຄງປະກອບການລົງທຶນສ່ວນລວມຄືນໃໝ່, ການສ້າງໂຄງປະກອບບັນດາອົງການສິນເຊືອ່ຖະກິດຄືນໃໝ່, ການສ້າງໂຄງປະກອບລັດວິສາຫະກິດຄືນໃໝ່ ແລະ ການສ້າງໂຄງປະກອບກະສິີກຳຄືນໃໝ່ຕິດພັນກັບການສ້າງຊົນນະບົດໃໝ່ໄດ້ຮັບການຍູ້ແຮງ. ຂະແໜງກະສີກຳບັນລຸວົງເງິນສົ່ງອອກໃນລະດັບສະຖີຕິຄື ກວ່າ 30 ຕື້ USD . ບັນດາວິສາຫະກິດມານະພະຍາຍາມຜ່ານຜ່າຄວາມທົດສອບຫຼາຍປະການ ແລະ ໄດ້ປະກອບສ່ວນໃຫ້ແກ່ເສດຖະກິດ. ໃນເງື່ອນໄຂທີ່ຍັງປະສົບກັບຄວາມຫຍຸ້ງຍາກນັ້ນ, ເສດຖະກິດຫວຽດນາມກໍພວມມີບັນດາການຫັນປ່ຽນຢ່າງຕັ້ງໜ້າ.
ເຫດການທີ 3 : ເດັດດຽວປົກປັກຮັກສາເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນຂອງປະເທດຊາດ.
ໃນກ່ວາ 2 ເດືອນຄືແຕ່ວັນທີ 1 ຫາວັນທີ 15/7/2014, ຈີນໄດ້ຕັ້ງໃຈຕັ້ງຮ້ານເຈາະນ້ຳມັນໄຮຢາງ 981 ຢ່າງຜິດກົດໝາຍຢູ່ເຂດນ່ານທະເລຫວຽດນາມ, ອັນໄດ້ລະເມີດສັນທິສັນຍາ ສ.ປ.ຊ ກ່ຽວກັບກົດໝາຍທະເລປີ 1982. ທີ່ບໍລິເວນຕົວຈິງ ກໍຄືດ້ວຍເສັ້ນທາງຕໍ່ສູ້ທາງການທູດ, ຕໍ່ສູ້ທາງຫາງສຽງ ແລະ ຕໍ່ສູ້ນິຕິທຳ, ຫວຽດນາມຮຽກຮ້ອງຈີນຕ້ອງຖອນຮ້ານເຈາະນ້ຳມັນໄຮຢາງ 981 ອອກຈາກເຂດນ່ານທະເລຫວຽດນາມ, ເດັດດຽວປົກປັກຮັກສາເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນຂອງປະເທດຊາດ. ຫວຽດນາມມີພະຍານຫຼັກຖານດ້ານກົດໝາຍຢ່າງພຽງພໍເພື່ອຢັ້ງຢືນອະທິປະໄຕຂອງຕົນທີ່ມີຕໍ່ 2 ໝູ່ເກາະເຈືອງຊາ ແລະ ຮ່ວາງຊາ.
ເຫດການທີ 4 : ສະເຫຼີມສະຫຼອງ 70 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ ແລະ 60 ປີແຫ່ງວັນໄຊຊະນະດ້ຽນບຽນຝູ
ໃນຂອບເຂດທົ່ວປະເທດ, ພວມດຳເນີນບັນດາການເຄື່ອນໄຫວ ສະເຫຼີມສະຫຼອງ 70 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ ແລະ 60 ປີແຫ່ງວັນໄຊຊະນະດ້ຽນບຽນຝູ, ໃນນັ້ນມີພິທີຊຸມນຸມມິດຕິງລະດັບຊາດຖືກຈັດຂຶ້ນຢູ່ຮ່າໂນ້ຍ ແລະ ນະຄອນດ້ຽນບຽນ. ຜ່ານນີ້ ກໍເພີ່ມທະວີຄວາມເອກອ້າງທະນົງໃຈຂອງປະເທດຊາດ, ປັບປຸງຄວາມເຊື່ອໝັ້ນ ແລະ ກຳລັງແຮງຂອງທັງຊາດເພື່ອສືບຕໍ່ປະຕິບັດພາລະກິດປ່ຽນແປງໃໝ່, ກໍ່ສ້າງ ແລະ ປົກປັກຮັກສາປະເທດຊາດໂດຍພາຍໃຕ້ການນຳພາຂອງພັກ.
ເຫດການທີ 5 : ກອງປະຊຸມໃຫຍ່ຜູ້ແທນທົ່ວປະເທດແນວໂຮມປະເທດຊາດຫວຽດນາມຄັ້ງທີ 8
ກອງປະຊຸມໃຫຍ່ໄດ້ວາງອອກຈຸດໝາຍດຳເນີນງານໃນອະຍຸການ 2014-2019 ແມ່ນເລັ່ງໃສ່ການປ່ຽນແປງໃໝ່ທາງດ້ານເນື້ອໃນ ແລະ ຮູບການເຄື່ອນໄຫວ, ເສີມຂະຫຍາຍກຳລັງແຮງມະຫາສາມັກຄີທົ່ວປວງຊົນທັງຊາດ, ປະຕິບັດພາລະໜ້າທີ່ເປັນຜູ້ຕາງໜ້າ, ປົກປ້ອງສິດ ແລະ ຜົນປະໂຫຍດອັນຊອບທຳຂອງປະຊາຊົນ, ເພີ່ມທະວີຄວາມເປັນຈິດໜຶ່ງໃຈດຽວທາງສັງຄົມ, ເສີມຂະຫຍາຍປະຊາທິປະໄຕ, ຕັ້ງໜ້າເຂົ້າຮ່ວມການກໍ່ສ້າງພັກ, ອຳນາດການປົກຄອງໃຫ້ໝັ້ນຄົງເຂັ້ມແຂງ, ປະກອບສ່ວນພັດທະນາເສດຖະກິດສັງຄົມ.
ເຫດການທີ 6 : ຫວຽດນາມມີຕື່ມອີກ 2 ມໍລະດົກວັດທະນະທຳໂລກ
ວັນທີ 23/6, ກຸ່ມທັດສະນີຍະພາບ ຈາງອານ ໃນແຂວງນິງບີງ ໄດ້ຖືກອົງການ UNESCO ຈັດເຂົາບັນຊີລາຍຊື່ “ມໍລະດົກໂລກ”. ກຸ່ມທັດສະນີຍະພາບ ຈາງອານ ແມ່ນ ເຂດມໍລະດົກປະສົມໂລກເຂດທຳອິດຂອງຫວຽດນາມໄດ້ຮັບການຮັບຮອງນັບທັງມາດຖານວັດທະນະທຳ ແລະ ທຳມະຊາດ. ຖັດຈາກນັ້ນ, ແມ່ນຮອດວັນທີ 27/11, ອົງການ UNESCO ໄດ້ເຊີດຊູຂັບຫວິ, ຢ້ຳຂອງຫວຽດນາມແມ່ນ ມໍລະດົກວັດທະນະທຳບໍ່ມີຮູບຮ່າງເປັນຕົວແທນຂອງມ່ວນມະນຸດ.
ເຫດການທີ 7 : ຂົງເຂດການສຶກສາ ແລະ ກໍ່ສ້າງມີການຫັນປ່ຽນແຂງແຮງ.
ໂດຍຫັນມະຕິກອງປະຊຸມສູນກາງພັກຄັ້ງທີ 8 ກ່ຽວກັບການປ່ຽນໃໝ່ການສຶກສາ ແລະ ກໍ່ສ້າງໂດຍພື້ນຖານ ແລະ ຮອບດ້ານ, ຂະແໜງສຶກສາ ແລະ ກໍ່ສ້າງໄດ້ສະເໜີຜັນຂະຫຍາຍຫຼາຍແຜນແມ່ບົດ, ໂຄງການປ່ຽນແປງໃໝ່ໃຫຍ່, ໃນນັ້ນມີແຜນແມ່ບົດ : ຈັດຕັ້ງການເສັງຈົບຊັ້ນມັດທະຍົມຕອນປາຍຄັ້ງດຽວ ທັງເປັນການຢັ້ງຢືນຮຽນ ຈົບຊັ້ນມັດທະຍົມຕອນປາຍ, ທັງເປັນຫຼັກຖານເພື່ອຄັດເລືອກເຂົ້າຮຽນຂັ້ນມະຫາວິທະຍາໄລ, ວິທະຍາໄລ; ປ່ຽນໃໝ່ຫຼັກສູດປື້ມແບບຮຽນ ແລະ ປ່ຽນໃໝ່ວິທີຕີລາຄານັກຮຽນຊັ້ນປະຖົມ.
ເຫດການທີ 8: ປະກາດ ແລະ ເປັນຄັ້ງທຳອິດຈັດຕັ້ງວັນ “ວິທະຍາສາດ ແລະ ເຕັກໂນໂລຊີຫວຽດນາມ” 18/5.
ວັນ “ ວິທະຍາສາດ ແລະ ເຕັກໂນໂລຊີຫວຽດນາມ” ໄດ້ກຳນົດໃນກົດໝາຍວ່າດ້ວຍວິທະຍາສາດ ແລະ ເຕັກໂນໂລຊີ, ໄດ້ຈັດຕັ້ງຂຶ້ນເປັນປະຈຳປີ ເພື່ອແນໃສ່ເຊີດຊູບັນດານັກວິທະຍາສາດ ແລະ ຜົນງານດ້ານວິທະຍາສາດ ແລະ ເຕັກໂນໂລຊີ, ໂຄສະນາ, ເຜີຍແຜ່ຄວາມຮູ້ດ້ານວິທະຍາສາດ; ຍົກສູງຄວາມຮັບຮູ້ ແລະ ປຸກລຸກຄວາມເອກອ້າງທະນົງໃຈກ່ຽກັບພູມປັນຍາຫວຽດນາມ, ນ້ຳໃຈຫ້າວຫັນໃນການອອກແຮງງານທີ່ມີຫົວຄິດປະດິດສ້າງໃນບັນດາຊັ້ນຄົນ, ພິເສດແມ່ນລຸ້ນໜຸ່ມຫວຽດນາມ. ໃນປີ ຜະລິດຕະພັນເກມທີ່ມີຊື່ວ່າ : “ Flappy Bird ‘’ ຂອງນັກປະດິດສ້າງ ຫງວຽນຮ່າດົງ ໄດ້ສ້າງສິ່ງທີ່ໂດດເດັ່ນໃນວົງການເຄືອຂ່າຍອິນເຕີແນັດທົ່ວໂລກ.
ເຫດການທີ 9: ຂະແໜງສາທາລະນະສຸກຫວຽດນາມບັນລຸບາດກ້າວໃນ ການຜ່າຕັດປ່ຽນອະໄວຍະວະ
ພາຍຫຼັງກວ່າ 20 ປີ ທຳການຜ່າຕັດປ່ຽນອະໄວຍະວະ, ປີ 2015 ເປັນຄັ້ງທຳອິດ,ໂຮງໝໍ 103 ( ວິທະຍາຄານເສນາຮັກ ) ປະຕິບັດສຳເລັດການຜ່າຕັດໝາກໄຂ່ຫຼັງ ແລະ ຕັບອ່ອນພ້ອມດຽວກັນ. ໂຮງໝໍສູນກາງ ເຮ້ວ ໄດ້ຜ່າຕັດປ່ຽນຫົວໃຈທຽມເປັນຄັ້ງທຳອິດໃຫ້ຄົນເຈັບຢູ່ຫວຽດນາມ. ຜົນສຳເລັດນີ້ສືບຕໍ່ເປັນການຢັ້ງຢືນລະດັບການແພດຂອງຫວຽດນາມນັບມື້ນັບສູງ, ເປີດບັນດາກາລະໂອກາດກອບກູ້ເອົາຊີວິດຂອງຄົນເຈັບທີ່ຕິດພະຍາດຮຸນແຮງ.
ເຫດການທີ 10 : ພັກ ແລະ ລັດສືບຕໍ່ຍູ້ແຮງຕໍ່ສູ້ການປ້ອງກັນ, ຕ້ານການສໍ້ຫຼາດບັງຫຼວງ; ເພີ່ມທະວີຂໍ້ກຳນົດກົດລະບຽບ, ຂໍ້ບັງຄັບ
ມີຫຼາຍບຸກຄົນໄດ້ຖືກສານຕັດສິນລົງໂທດໃນບັນດາຄະດີສໍ້ຫຼາດບັງຫຼວງລາຍໃຫຍ່, ເປັນຕົ້ນແມ່ນໃນຂົງເຂດການເງິນ, ທະນາຄານ. ຫງວຽນດຶກກຽນ, ຮິງທິຮວ່ຽນຍື ແລະ ມີຈຳເລີຍອື່ນໆໄດ້ຮັບການຕັດສິນລົງໂທດຕາມລະບຽບກົດໝາຍ. ຄວາມເດັດດຽວຂອງພັກ ແລະ ລັດມີມີຄຸນປະໂຫຍດທີ່ຕັ້ງໜ້າເພື່ອຍູ້ໄພສໍ້ຫຼາດບັງຫຼວງຖອຍໄປ, ອັນໄດ້ນຳຄວາມເຊື່ອໝັ້ນມາສູ່ປະຊາຊົນ./.