(vovworld)- ໂດຍຕັ້ງຢູ່ໃຈກາງນະຄອນ, ໂຮງລະຄອນໃຫຍ່ ຮ່າໂນ້ຍ ບໍ່ພຽງແຕ່ແມ່ນກິດຈະກຳດ້ວຍສະຖາປັດຕະຍະກຳຂອງ ຝລັ່ງ ທີ່ສວຍງາມເທົ່ານັ້ນ ຫາກຍັງແມ່ນສະຖານທີ່ດຶງດູດບັນດາກອງສິລະປະກອນທີ່ມີຊື່ສຽງຢູ່ພາຍໃນ ແລະ ສາກົນ ມາສະແດງເປັນຈຳນວນຫລວງຫລາຍອີກດ້ວຍ. ເລີ່ມແຕ່ລະດູໃບໄມ້ຫລົ່ນປີນີ້, ໂຮງລະຄອນໃຫຍ່ ຮ່າໂນ້ຍ ຈະມີບັນດາລາຍການສະແດງສິລະປະທີ່ໂດດເດັ່ນເພື່ອຕອບສະຫນອງຄວາມຕ້ອງການຂອງຜູ້ຊົມຢູ່ພາຍໃນ ແລະ ສາກົນ.
ໂຮງລະຄອນໃຫຍ່ ຮ່າໂນ້ຍ
|
ໂຮງລະຄອນໃຫຍ່ ຮ່າໂນ້ຍ ແມ່ນກິດຈະກຳສະຖາປັດຕະຍະກຳ ໄດ້ຮັບການກໍ່ສ້າງເມື່ອປີ 1911 ຕາມຮູບແບບຂອງໂຮງລະຄອນ Opera Garnier ຢູ່ ປາຣີ ແລະ ເຄີຍໄດ້ຮັບການຕີລາຄາຈາກບັນດານັກສະຖາປະນິກ ຍີ່ປຸ່ນ ວ່າ ແມ່ນກິດຈະກຳສະຖາປັດຕະຍະກຳສວຍງາມກວ່າໝູ່ຢູ່ ອາຊີຕາເວັນອອກສ່ຽງໃຕ້. ປະຈຸບັນ ໂຮງລະຄອນໃຫຍ່ ຮ່າໂນ້ຍແມ່ນກິດຈະກຳສິລະປະ “ລະດັບສູງ” ຂອງນະຄອນຫລວງ ຮ່າໂນ້ຍ, ແມ່ນສະຖານທີ່ຈັດຕັ້ງບັນດາເຫດການ, ງານໂຮມຊຸມນຸມສຳຄັນຂອງປະເທດຊາດ, ແມ່ນບ່ອນສະແດງບັນດາລາຍການສິລະປະຍອດຍິ່ງຂອງບັນດາກອງສິລະປະກອນຢູ່ພາຍໃນປະເທດ ແລະ ສາກົນ.
ເຖິງວ່າໄດ້ຮັບຖືແມ່ນ ກິດຈະກຳສິລະປະກອນຂອງປະເທດຊາດ ກໍຕາມ, ແຕ່ໃນໄລຍະຜ່ານມາ ໂຮງລະຄອນໃຫຍ່ ຮ່າໂນ້ຍ ເຄີຍດຳເນີນບັນດາ ລາຍການສິລະປະ, ລາຍການສະເຫລີມສະຫລອງ, ການປະຊຸມ, ລາຍການສິລະປະມະຫາຊົນ… ຂອງບັນດາອົງການ, ວິສາຫະກິດ ຫາກບັນດາຮູບການສິລະປະພື້ນເມືອງຄື: ຂັບຕ່ວງ, ຂັບແຈ່ວ, ຂັບກ໋າຍເລືອງ..ຂອງບັນດາໂຮງລະຄອນ ສັງກັດກະຊວງວັດທະນະທຳກິລາ ແລະ ທ່ອງທ່ຽວ ບໍ່ມີໂອກາດສະແດງ. ເບິ່ງຄືວ່າ ໂຮງລະຄອນໃຫຍ່ ຮ່າໂນ້ຍ ກາຍເປັນ “ຫໍຈັດເຫດການ” ດ້ວຍທີ່ຕັ້ງສະດວກ, ບໍ່ເໝາະສົມ, ບໍ່ສົມກັບຄຸນລັກສະນະຂອງກິດຈະກຳສະຖາປັດຕະຍະກຳວັດທະນະທຳທີ່ມີຄຸນຄ່າຂອງນະຄອນຫລວງ ຮ່າໂນ້ຍ. ຄວາມຈິງ, ແຕ່ດົນນານມາແລ້ວ ເວທີສະແດງ ຂອງໂຮງລະຄອນໃຫຍ່ ຮ່າໂນ້ຍ ບໍ່ພົບເຫັນບັນດາລາຍການສະແດງສິລະປະຂອງບັນດາກອງສິລະປະກອນລະດັບສູງ ແລະ ສິລະປະພື້ນເມືອງຢູ່ພາຍໃນປະເທດ. ສະນັ້ນ ມີບາງຄຳເຫັນຖືວ່າ ຄວນຟື້ນຟູບົດບາດທີ່ຕັ້ງຂອງ ໂຮງລະຄອນໃຫຍ່ ຮ່າໂນ້ຍ ເພື່ອເປັນບ່ອນສະແດງບັນດາລາຍການສິລະປະທີ່ໂດດເດັ່ນ ແລະ ມີຄຸນນະພາບ, ປະກອບສ່ວນໂຄສະນາສິລະປະພື້ນເມືອງຂອງປະເທດຊາດ. ນັກປະຫວັດສາດ ເຢືອງຈູງກວກ ຖືວ່າ:
“ຕ້ອງວາງຈຸດໝາຍສຳຄັນ ນັ້ນແມ່ນ ອະນຸລັກຮັກສາບັນດາຄຸນຄ່າມີຮູບຮ່າງ ແລະ ບໍ່ມີຮູບຮ່າງຂອງໂຮງລະຄອນໃຫຍ່ ຮ່າໂນ້ຍ. ສະນັ້ນ ບໍ່ຄວນເອົາບັນດາລາຍການທີ່ບໍ່ເໝາະສົມເຂົ້າມາສະແດງຢູ່ໂຮງລະຄອນນີ້.”
ລາຍການດົນຕີປະສານສຽງຢູ່ໂຮງລະຄອນໃຫຍ່ຮ່າໂນ້ຍ
ພາບ:kinhtedothi
ດ້ວຍແຜນນະໂຍບາຍສ້າງກົນໄກບຸລິມະສິດນຳໃຊ້ ໂຮງລະຄອນໃຫຍ່ ຮ່າໂນ້ຍ ເປັນບ່ອນສະແດງບັນດາລາຍການສິລະປະມີຄຸນນະພາບສູງ. ກະຊວງວັດທະນະທຳກິລາ ແລະ ທ່ອງທ່ຽວ ໄດ້ມອບໃຫ້ກົມສິລະປະການສະແດງ ແລະ ໂຮງລະຄອນໃຫຍ່ ຮ່າໂນ້ຍ ສົມທົບກັບບັນດາຫົວຫນ່ວຍສ້າງບັນດາລາຍການສິລະປະມີຄຸນນະພາບສູງ ເພື່ອນຳມາສະແດງນັບແຕ່ນີ້ຮອດທ້າຍປີ. ໃນໂອກາດສະເຫລີມສະຫລອງ 71 ປີ ແຫ່ງວັນການປະຕິວັດເດືອນສິງຫາ ແລະ ວັນຊາດທີ 2/9 ຈະມາເຖິງ, 3 ຫົວຫນ່ວຍເລີ່ມຕົ້ນປະຕິບັດລາຍການ ນັ້ນແມ່ນ ວົງດົນຕີປະສານສຽງ, ໂຮງລະຄອນເວທີ ແລະໂຮງລະຄອນແຈ່ວຫວຽດນາມ. ມີບົດລະຄອນຫລາຍບົດທີ່ຍາດໄດ້ຫລຽນຄຳ, ຫລຽນເງິນ ທີ່ບັນດາງານມະໂຫລານເວທີການສະແດງອາຊີບ ຈະມີໂອກາດໄດ້ສະເຫນີຕົວຢູ່ ໂຮງລະຄອນໃຫຍ່ ຮ່າໂນ້ຍ. ແລະກໍເລີ່ມແຕ່ລະດູໃບໄມ້ຫລົ່ນປີນີ້, ກະຊວງວັດທະນະທຳ ກິລາ ແລະ ທ່ອງທ່ຽວ ມີແຜນນະໂຍບາຍຫນູນຊ່ວຍ ນຳເອົາບັນດາຮູບການສິລປະຍອດຍິ່ງ ມາສະແດງເປັນປະຈຳຢູ່ໂຮງລະຄອນໃຫຍ່ ຮ່າໂນ້ຍ ດ້ວຍບັນດາລາຍການເປັນຕົວແທນໃຫ້ບັນດາຮູບການສິລະປະຄື: ຂັບແຈ່ວ, ລະຄອນເວົ້າ ແລະ ລາຍການດົນຕີປະສານສຽງ.. ດ້ວຍແຜນນະໂຍບາຍນີ້, ບັນດານັກສິລະປິນ ແລະ ສາທາລະນະຊົນ ຈະມີເງື່ອນໄຂສຳພັດກັບບັນດາຮູບການສິລະປະຍອດຍິ່ງ, ສິລະປະພື້ນເມືອງຫລາຍກວ່າ ແລະ ກິດຈະກຳສະຖາປັດຕະຍະກຳ ໂຮງລະຄອນໃຫຍ່ ຮ່າໂນ້ຍ ທີ່ມີມານັບຮ້ອຍປີນີ້ ຈະແມ່ນກິດຈະກຳເໝາະສົມ. ທ່ານນາງ ກຽວເງິນ, ຮອງຜູ້ອຳນວຍການໂຮງລະຄອນເວທີ ຫວຽດນາມ ໃຫ້ຮູ້ວ່າ:
“ຢູ່ບັນດາປະເທດ, ໂຮງລະຄອນໃຫຍ່ແມ່ນຈຸດນັດພົບ ຊື່ງຜູ້ຊົມເກືອບທັງໝົດຢູ່ພາຍໃນປະເທດ ແລະ ສາກົນ ເຄີຍມາ ເພື່ອຊອກຮູ້, ຮັບຊົມບັນດາລາຍການສິລະປະທີ່ຍອດຍິ່ງ. ຜ່ານບັນດາລາຍການສິລະປະນີ້ ເຂົາເຈົ້າຈຶ່ງມີໂອກາດໄດ້ຊອກຮູ້ກ່ຽວກັບວັດທະນະທຳ ແລະ ມີຄວາມເຂົ້າໃຈຕື່ມອີກກ່ຽວກັບຄຸນຄ່າວັດທະນະທຳກໍຄືຄຸນຄ່າສິລະປະຂອງປະເທດນັ້ນ. ໂຮງລະຄອນໃຫຍ່ ຮ່າໂນ້ຍ ຕ້ອງແມ່ນຈຸດນັດພົບຄືແນວນີ້.”
ໄລຍະຈະມາເຖິງ ໂຮງລະຄອນໃຫຍ່ ຮ່າໂນ້ຍ ຈະມີບັນດາລາຍການສິລະປະພື້ນເມືອງ ແລະ ບັນດາລາຍການສິລະປະລະດັບສູງ ຂອງກອງສິລະປະລະດັບສາກົນ ມາສະແດງ. ການເຄື່ອນໄຫວສິລະປະຢູ່ ໂຮງລະຄອນໃຫຍ່ ຮ່າໂນ້ຍ ຈະເປັນການແນະນຳພື້ນຖານວັດທະນະທຳ, ຊາວຫວຽດນາມ ແລະ ພື້ນຖານວັດທະນະທຳມວນມະນຸດ ມາໃຫ້ສາທາລະນະຊົນນະຄອນຫລວງ ແລະ ເພື່ອນມິດສາກົນ.