ແຕ່ລະປີ, ໃນໄລຍະແຕ່ເດືອນ 8-11, ນ້ຳຈາກເຂດຍ່ານເໜືອແມ່ນ້ຳຂອງໄຫຼລົງ, ເຮັດໃຫ້ທົ່ວເຂດທົ່ງພຽງແມ່ນ້ຳຂອງຖືກຈົມໃຕ້ນ້ຳ, ນ້ຳຄ່ອຍໆຂຶ້ນສູງ, ສະນັ້ນປະຊາຊົນຢູ່ທີ່ນີ້ບໍ່ເອີ້ນວ່າຍາມນ້ຳຖ້ວມ ຫາກເອີ້ນວ່າຍາມນ້ຳຂຶ້ນສູງ, ຍາມນ້ຳຂຶ້ນສູງສຸດແມ່ນທ້າຍເດືອນ 10 ເຖິງເດືອນ 11, ນີ້ກໍ່ແມ່ນຈຸດເວລາເໝາະສົມກັບການໄປທ່ອງທ່ຽວຊອກຮູ້ກ່ຽວກັບເຂດແມ່ຂອງທີ່ຮົກເຮື້ອວ່າງເປົ່າ ຫລືເຈືອຈານເຂົ້າກັບການດຳລົງຊີວິດແບບທຳມະຊາດ.
(ພາບ:sotaydulich.com)
ເມື່ອໄປທ່ອງທ່ຽວເຂດຊີວະພາບດົງທາບເມື່ອຍ, ແຂກທ່ອງທ່ຽວລ້ວນແຕ່ມີຄວາມຮູ້ສຶກລວມຕໍ່ທຳມະຊາດຢູ່ແຫ່ງນີ້. ບັນດາເຂດທົ່ງນາທີ່ກ້ວາງໃຫ່ຍຈົນສຸດສາຍຕາ, ຕົ້ນຫຍ້າຂຽວອຸ່ມທູ່ມ ຫລືດອກສີບົວ, ສີຂາວ, ຊື່ງແມ່ນສັນຍາລັກຂອງເຂດດົງທາບເມື່ອຍ….ອັນໄດ້ພາໃຫ້ນັກທ່ອງທ່ຽວຮູ້ສຶກມີພະລັງຊີວິດຕື່ມອີກ. ໄປທ່ອງທ່ຽວເຂດດົງທາຍເມືອຍ ຍາມນ້ຳຂຶ້ນສູງ, ເມື່ອລ່ອງເຮືອຕາມລຳແມ່ນ້ຳ, ແຂກທ່ອງທ່ຽວສາມາດຍິນສຽງລົມພັດຜ່ານປ່າຄາມ, ສຽງນົກຮ້ອງ, ສຽງຂອງສັດສາວະສິ່ງ ແລະ ຍັງສາມາດຮູ້ສຶກໄດ້ຊີວິດຂອງສັດນາໆປະເພດຢູ່ທີ່ນີ້. ເມື່ອໄປທ່ອງທ່ຽວເຂດດົງທາບເມື່ອຍ, ແຂກທ່ອງທ່ຽວຮູ້ສຶກວ່າ ໄດ້ກັບຄືນສູ່ເຂດທຳມະຊາດ, ເອື້ອຍເຢືອງທິລານ (Dương Thị Lan) ແຂກທ່ອງທ່ຽວຜູ້ໜຶ່ງຖືວ່າ:
“ນັບແຕ່ກ່ອນມາຮອດປະຈຸບັນ, ຂ້າພະເຈົ້າບໍ່ເຄີຍດຳລົງຊີວິດຢູ່ນີ້, ພຽງແຕ່ຢູ່ເຂດຕົວເມືອງເທົ່ານັ້ນ. ເປັນຄັ້ງທຳອິດມາແຫ່ງນີ້, ຂ້າພະເຈົ້າຮູ້ສຶກມີຄວາມສະຫວາດສະເຫວີຍທີ່ສຸດ. ທີວທັດທຳມະຊາດສວຍງາມຫຼາຍ, ມີທັງຕົ້ນໄມ້, ນ້ຳ. ນີ້ແມ່ນແຫ່ງສ້າງຄວາມປະທັບໃຈທີ່ສຸດໃຫ້ແກ່ຂ້າພະເຈົ້າ“
ເຂດດົງທາບເມື່ອຍຍາມນ້ຳຂຶ້ນສູງ
(ພາບ:ອິນເຕີແນັດ)
ເມື່ອໄປທ່ອງທ່ຽວ ເມືອງກາວແລງ (Cao Lãnh), ຕາມນົງ (Tam Nông) ໃນຍາມນ້ຳຂຶ້ນສູງ, ແຂກທ່ອງທ່ຽວຍັງຈະໄດ້ລ່ອງເຮືອຕາມລຳ ແມ່ນ້ຳທີ່ມີລວງຍາວເກືອບ 2 ກມ ໃນລາຍການທ່ອງທ່ຽວ “ຜ່ານປ່າຄາມເຂດດົງທາບເມື່ອຍ ຍາມນ້ຳຂຶ້ນສູງ“ ເພື່ອຊົມເບິ່ງທິວທັດທຳມະຊາດທີ່ສວຍສົດງົດງາມດ້ວຍຕົ້ນຄາມ, ດອກບົວ, ພວມເບັ່ງບານສີສັນ. ນັກຖ່າຍຮູບເຢືອງກວາງດາດ (Dương Quang Đạt), ໃຫ້ຮູ້ວ່າ:
“ຂ້າພະເຈົ້າຮູ້ສຶກວ່າ: ຢູ່ທີ່ນີ້ມີຄວາມງາມແບບທຳມະຊາດດ້ວຍລຳແມ່ນ້ຳ ທີ່ສວຍງາມທີ່ສຸດ. ລູກຄ້າຈຳນວນໜຶ່ງຢູ່ນະຄອນມັກຖ່າຍຮູບແມ່ນ້ຳ. ໃນຍາມນ້ຳຂຶ້ນສູງ, ທີວທັດທຳມະຊາດຢູ່ນີ້ງາມກ່ວາຢູ່ບ່ອນອື່ນໆ“
ຍ້ອນມີທ່າໄດ້ປຽບໂດຍທຳມະຊາດດົນບັນດານໃຫ້ ແລະ ມີຄວາມດຶງດູດແຂກທ່ອງທ່ຽວນັ້ນ, ຫວ່າງແລ້ວນີ້, ບໍລິສັດຫຸ້ນສ່ວນທ່ອງທ່ຽວດົງທາບ ແລະ ບໍລິສັດທ່ອງທ່ຽວ Saigontourist ໄດ້ສົມທົບກັນຈັດລາຍການທ່ອງທ່ຽວ “ເຂດດົງທາບເມືອຍ ຍາມນ້ຳຂຶ້ນສູງ“. ເມື່ອເຂົ້າຮ່ວມລາຍການທ່ອງທ່ຽວຍາມນ້ຳຂຶ້ນສູງ, ແຂກທ່ອງທ່ຽວຈະໄດ້ໄປທ່ຽວຊົມບັນດາສະຖານທີ່ທີ່ມີຊື່ສຽງຄື: ເຮືອນບູຮານຂອງທ່ານ ຮິງຖູຍເລ (Huỳnh Thủy Lê), ໝູ່ບ້ານດອກໄມ້ປະດັບຊາແດກ (Sa Đéc), ເຂດປູສະນີຍະສະຖານຫງວຽນຊິງສັກ (Nguyễn Sinh Sắc) ເຊິ່ງແມ່ນບີດາປະທານໂຮ່ຈິມິນ…ພິເສດ, ແຂກທ່ອງທ່ຽວຍັງຂີ່ເຮືອໄປທ່ຽວຊົມທັດສະນີຍະພາບທີ່ສວຍງາມແບບທຳມະຊາດຢູ່ເຂດທ່ອງທ່ຽວກາວຢົງ (Gáo Giồng) ແລະ ປ່າສະຫງວນແຫ່ງຊາດຈ່າມຈິມ (Tràm Chim) ທີ່ເມືອງຕາມນົງ (Tam Nông), ເຂດ Ramsar (ເຂດນ້ຳຖ້ວມທີ່ມີຄວາມສຳຄັນລະດັບໂລກ) ແຫ່ງທີ 2000 ຂອງໂລກ ຢູ່ດົງທາຍເມື່ອຍ. ທ່ານນາງເລຫງອກກຽວແອງ (Lê Ngọc Kiều Oanh) ຮອງຜູ້ອຳນວຍການບໍລິສັດທ່ອງທ່ຽວກາວຢົງ ໃຫ້ຮູ້ວ່າ:
“ໃນລາຍການທ່ອງທ່ຽວຍາມນ້ຳຂຶ້ນສູງປີນີ້, ບໍລິສັດທ່ອງທ່ຽວກາວຢົງ ໄດ້ເປີດລາຍການທ່ອງທ່ຽວດ້ວຍເຮືອ. ເມື່ອທ່ອງທ່ຽວໃນລາຍການນີ້, ແຂກທ່ອງທ່ຽວຈະໄດ້ຂີ່ເຮືອຜ່ານປ່າຄາມ, ຜ່ານເຂດດອກບົວ. ທາງບໍລິສັດທ່ອງທ່ຽວກາວຢົງ ຍັງສົມທົບກັບຊາວທ້ອງຖິ່ນຈັດລາຍການຕຶກມອງຫາປາຮັບໃຊ້ນັກທ່ອງທ່ຽວອີກດ້ວຍ“.
ແຂກທ່ອງທ່ຽວຢູ່ກາວຢົງ
(ພາບ: nld.com.vn)
ການທ່ອງທ່ຽວຍິ່ງມີຄວາມໝາຍພິເສດກ່ວາອີກ ເມື່ອແຂກທ່ອງທ່ຽວໄດ້ເຈືອຈານເຂົ້າກັບຊີວິດການເປັນຢູ່ຂອງປະຊາຊົນຢູ່ທີ່ນີ້, ໄດ້ຮັບປະທານອາຫານແບບທຳມະຊາດທີ່ແຊບນົວໃນເຂດແມ່ນ້ຳໂດຍຕົນເອງຫາມາໄດ້. ແມ່ນ້ຳລຳເຊທີ່ກ້ວາງໃຫ່ຍຢູ່ແຫ່ງນີ້ ບໍ່ພຽງແຕ່ມີຄວາມສວຍງາມເທົ່ານັ້ນ, ຫາກຍັງແຫຼ່ງອາຫານພິເສດຫຼາຍເຍື່ອງຂອງເຂດນ້ຳຖ້ວມອີກດ້ວຍຄື: ປາຄໍ, ປາດຸກເຫຼືອງ, ງູປິ້ງເຟືອງ, ຫອຍລວກ…ທັງໝົດເຫຼົ່ານັ້ນຈະສ້າງຄວາມປະທັບໃຈທີ່ສຸດໃຫ້ແກ່ແຂກທ່ອງທ່ຽວ.
ປະຈຸບັນ, ປະຊາຊົນເຂດທົ່ງພຽງແມ່ນ້ຳຂອງພວມກຽມພ້ອມ, ເປັນເຈົ້າການຮັບມືກັບນ້ຳນອງ, ເພື່ອທັງຫລຸດຜ່ອນຜົນເສຍຫາຍໂດຍນ້ຳຖ້ວມກໍ່ຂຶ້ນ, ທັງສ້າງບັນດາຮູບແບບພັດທະນາເສດຖະກິດໃນຍາມນ້ຳຂຶ້ນສູງ. ສຳລັບຮູບແບບທ່ອງທ່ຽວໃນຍາມນ້ຳຂຶ້ນສູງແລ້ວ, ນີ້ແມ່ນຈຸດພິເສດສະເພາະຊື່ງເຂດທາງທິດຕາເວັນຕົກພາກໃຕ້ຫວຽດນາມ ໄດ້ ແລະ ພວມສືບຕໍ່ເສີມຂະຫຍາຍ ເພື່ອສ້າງຄວາມຮັ່ງມີໃນຍາມນ້ຳຂຶ້ນສູງ.