(vovworld)- ວັນທີ 13/4, ປະຊາຊົນ ຊີຣີ ໄດ້ໄປປ່ອນບັດເລືອກຕັ້ງສະພາແຫ່ງຊາດ. ນີ້ແມ່ນການເລືອກຕັ້ງສະພາແຫ່ງຊາດຄັ້ງທີ 2 ນັບແຕ່ເມື່ອສົງຄາມ ກາງເມືອງເກີດຂຶ້ນຢູ່ຊີຣີ ນັບແຕ່ປີ 2011 ມາຮອດປະຈຸບັນ. ໃນສະພາບ ສົງຄາມກາງເມືອງຢູ່ປະເທດຕາເວັນອອກກາງນີ້ໄດ້ກ້າວເຂົ້າສູ່ປີທີ 5 ແລະ ສະພາບການປະຈຸບັນຍັງສັບສົນວຸ້ນວາຍ, ການເລືອກຕັ້ງໄດ້ເຮັດໃຫ້ເກີດຄວາມລະແວງສົງໃສກ່ຽວກັບການກະທົບຢ່າງຕັ້ງຫນ້າຕໍ່ຄວາມສະຫງົບປອດໄພ,ຂອງພື້ນຖານເສດຖະກິດຊີຣີ.
ຊີຣີ ຈັດຕັ້ງການເລືອກຕັ້ງສະພາແຫ່ງຊາດໃນວັນທີ 13/4
ພາບ: Middleeasteye
|
ການເລືອກຕັ້ງໄດ້ເລີ່ມຕົ້ນເວລາ 7 ໂມງເຊົ້າ ຕາມເວລາທ້ອງຖິ່ນ ແລະ ສິ້ນສຸດລົງໃນເວລາ 19 ໂມງຂອງວັນດຽວກັນ. ຍອດຈຳນວນຜູ້ອອກສະໝັກຮັບເລືອກຕັ້ງແມ່ນກວ່າ 3.000 ຄົນ, ເພື່ອຍາດແຍ່ງ 250 ທີ່ນັ່ງສະມາຊິກສະພາແຫ່ງຊາດ. ຄະນະກຳມະການເລືອກຕັ້ງສູງສຸດ ຊີຣີ ໄດ້ຢືນຢັນ: ສະຖານທີ່ປ່ອນບັດ 7000 ແຫ່ງໃນທົ່ວປະເທດໄດ້ຮັບການກຽມພ້ອມແລ້ວ.
ຄວາມສະຫງົບ ແລະ ເສດຖະກິດ: 2 ຫົວຂໍ້ໄດ້ດຶງດູດຄວາມສົນໃຈຂອງຜູ້ມີສິດເລືອກຕັ້ງ
ເມ່ື່ອຕົ້ນອາທິດ, ທ່ານ Hisham Al Shaar, ປະທານກຳມາທິການເລືອກຕັ້ງສູງສຸດຂອງ ຊີຣີ ໃຫ້ຮູ້ວ່າ: ປະຊາຊົນ ຊີຣີ ຢູ່ແຂວງຕ່າງໆຄື: Idlid, Raqqa, Aleppo ແລະ Deir al – Zour ແລະ ບັນດາແຂວງອື່ນໆສາມາດໄປປ່ອນບັດເລືອກຕັ້ງຢູ່ບັນດາສູນເລືອກຕັ້ງຢູ່ບັນດາເຂດບໍລິຫານຂອງ ຊີຣີ. ໃນຖະໜົນຫົນທາງສາຍຕົ້ນຕໍຢູ່ນະຄອນຫຼວງ Damascus ຂອງ ຊີຣີ ໄດ້ປະດັບປະດາດ້ວຍປ້າຍຄຳຂວັນໂຄສະນາກ່ຽວກັບການເລືອກຕັ້ງສະພາແຫ່ງຊາດເຊ່ິງອຳນາດການປົກຄອງຂອງທ່ານປະທານາທິບໍດີຄົນປະຈຸບັນ Bashar al – Assad ຕັດສິນໃຈຈັດຕັ້ງ. ໃນຂະນະນັ້ນ, ຜູ້້ມີສິດເລືອກຕັ້ງຫຼາຍຄົນຫວັງວ່າ: ການສ້າງສະພາບຄວາມສະຫງົບພາຍໃນປະເທດໃນຂະນະທີ່ການປະທະກັນຢູ່ ຊີຣີ ແກ່ຍາວເປັນເວລາ 5 ປີໄດ້ເຮັດໃຫ້ມີຜູ້ເສຍຊີວິດ 250.000 ຄົນ, ພ້ອມທັງສ້າງວິກິດການຊາວອົບພະຍົບທີ່ຮ້າຍແຮງທ່ີສຸດນັບແຕ່ກ່ອນມາຮອດປະຈຸບັນ. ດັ່ງນັ້ນ, ມາດຕະການໃຫ້ແກ່ສົງຄາມກາງເມືອງລະຫວ່າງບັນດາຝ່າຍຢູ່ ຊີຣີ ແລະ ຕ້ານລັດອິດສະລາມ IS ອ້າງຊື່ເອງ ແມ່ນເນື້ອໃນໂດຍຜູ້ສະໝັກຮັບເລືອກຕັ້ງເຕຶ້ື້ອງເຖິງຫຼາຍທີ່ສຸດໃນລາຍການຂົນຂວາຍຫາສຽງເລືອກຕັ້ງ
ນອກຈາກພື້ນຖານເສດຖະກິດ ຊີຣີ ຖືກທຳລາຍຢ່າງໜັກໜ່ວງໃນສົງຄາມກາງເມືອງກໍ່ໄດ້ຮັບຄວາມສົນໃຈຫຼາຍຈາກຜູ້ມີສິດເລືອກຕັ້ງ. ຕາມທ່ານປະທານາທິບໍດີ ຊີຣີ Bashar al – Assad ແລ້ວ, ການປະທະກັນທີ່ແກ່ຍາວເປັນເວລາ 5 ປີຜ່ານມາໄດ້ເຮັດໃຫ້ເສດຖະກິດ ຊີຣີ ຖືກເສຍຫາຍຈຳນວນເງິນກ່ວາ 200 ຕື້ USD. ຕົວເລກດັ່ງກ່າວແມ່ນເໝາະສົມກັບການຄາດຄະເນຂອງ ສປຊ ຊຶ່ງຖືວ່າ: ຄວາມເສຍຫາຍດ້ານວັດຖຸປະມານ 90 ຕື້ USD ແລະ 169 ຕື້ USD ແມ່ນຄວາມເສຍຫາຍຈາກເລື່ອງ GDP ຫລຸດລົງເຫຼືອພຽງບໍ່ເທົ່າກັບເຄິ່ງໜຶ່ງເມື່ອທຽບໃສ່ປີ 2011.
ອີກບັນຫາໜຶ່ງກໍ່ໄດ້ຮັບຄວາມສົນໃຈຈາກຜູ້ມີສິດເລືອກຕັ້ງແມ່ນຍູ້ແຮງບັ້ນຮົບຕ້ານການສໍ້ລາດບັງຫຼວງ ເພື່ອແນໃສ່ສຸມໃສ່ແຫຼ່ງກຳລັງສ້າງຕັ້ງປະເທດ ຊີຣີ ຄືນໃໝ່. ກ່ຽວຂ້ອງເຖິງບັນຫານີ້, ບັນດາຜູ້ສະໝັກຮັບເລືອກຕັ້ງໄດ້ຍົກອອກຄຳຂວັນທີ່ວ່າ: “ພ້ອມກັນ, ຮ່ວມແຮງຮ່ວມໃຈ, ພວກເຮົາສ້າງຕັ້ງປະເທດ ຊີຣີ ຄືນໃໝ່” ຫຼື “ຄວາມສະຫງ່າລາສີແມ່ນຂຶ້ນກັບບັດເລືອກຕັ້ງ”
ການເລືອກຕັ້ງອາດຈະນຳມາເຊິ່ງສັນຕິພາບຊີຣີຫລືບໍ່
ການຈັດຕັ້ງການປ່ອນບັດເລືອກຕັ້ງສະພາແຫ່ງຊາດຊີຣີ ເຄີຍຖືກຄັດຄ້ານຢ່າງແຮງຈາກຝ່າຍຕາເວັນຕົກ ແລະ ຝ່າຍຄ້ານຢູ່ຊີຣີ. ຜູ້ຕາງຫນ້າ ຄະນະກຳມະການສູງສຸດກ່ຽວກັບການເຈລະຈາຂອງຝ່າຍຄ້ານ ຖືວ່າ ປະທານາທິບໍດີ Bashar al Assad ຢາກຈັດຕັ້ງການເລືອກຕັ້ງ ເພື່ອແກ່ຍາວວິວັດການເຈລະຈາຢູ່ ເຊີແນວ. ຄະນະກຳມະການເຈລະຈາຂັ້ນສູງ, ຕາງຫນ້າໃຫ້ພັນທະມິດຊື່ງລວມມີຫລາຍກຸ່ມຝ່າຍຄ້ານຢູ່ຊີຣີ ກໍໄດ້ຖືເຫດການນີ້ ແມ່ນ “ລະເມີດລັດຖະທຳມະນູນ”. ເມື່ອຕີລາຄາກ່ຽວກັບຜົນສະທ້ອນຂອງການເລືອກຕັ້ງ, ທ່ານ Aleksey Arbatov, ຜູ້ອຳນວຍການສູນປ້ອງກັນຄວາມສະຫງົບ ຂຶ້ນກັບສະພາມະຫາບັນດິດ ວິທະຍາສາດລັດເຊຍ ຖືວ່າ: ການເລືອກຕັ້ງສະພາແຫ່ງຊາດຊີຣີ ອາດຈະສົ່ງຜົນກະທົບຢ່າງຫຍໍ້ທໍ້ເຖິງຂໍ້ກຳນົດກ່ຽວກັບການຢຸດຍິງຢູ່ ຊີຣີ. ຝ່າຍຄ້ານອາດຈະກ່າວຫາ al Assad ວ່າສວຍໃຊ້ການເລືອກຕັ້ງເພື່ອປັບປຸງສິດອຳນາດ. ສາດສະດາຈານ Zeev Khanin ສັງກັດມະຫາວິທະຍາໄລສັງລວມ Bar Ilan, ອິດສະຣາແອນ ໄດ້ໃຫ້ຂໍ້ສັງເກດວ່າ: ການເລືອກຕັ້ງອາດຈະດຳເນີນຕາມສອງແຜນການຄື: ຖ້າຫາກການເລືອກຕັ້ງດຳເນີນໄປຢ່າງເປີດເຜີຍ, ກົງໄປກົງມາ, ອຳນາດການປົກຄອງປະທານາທິບໍດີ al Assad ຈະບໍ່ໄດ້ຮັບບັດເລືອກຕັ້ງພຽງພໍ. ສ່ວນການເລືອກຕັ້ງຍັງຄົງໄດ້ຈັດຕັ້ງຕາມຫລັກການເກົ່າ, ພັກ Baas ຈະສືບຕໍ່ຍາດໄດ້ບັດສະຫນັບສະຫນູນສ່ວນຫລາຍ. ຍິ່ງກວ່ານັ້ນ, ຕາມທ່ານ Zeev Khamin ແລ້ວ, ເມື່ອເພີ່ມທະວີວຽກງານຮັບປະກັນຄວາມສະຫງົບປອດໄພໃຫ້ແກ່ການເລືອກຕັ້ງຢູ່ ຊີຣີ, ເຫດບຸກໂຈມຕີກໍ່ການຮ້າຍໃສ່ບັນດາສະຖານທີ່ປ່ອນບັດໂດຍ IS ປະຕິບັດອາດຈະເກີດຂຶ້ນ. ສຳລັບ ປະຊາຊົນ ຊີຣີ ແລ້ວ, ຄຽງຄູ່ກັບບັນດາຄຳເຫັນສະຫນັບສະຫນູນຕໍ່ເຫດການນີ້, ຍັງມີຜູ້ມີສິດເລືອກຕັ້ງບໍ່ຫນ້ອຍມີຄວາມສົນໃຈ. ຜູ້ມີສິດເລືອກຕັ້ງຫລາຍຄົນໄດ້ຢືນຢັນຈະບໍ່ໄປປ່ອນບັດ ຍ້ອນບໍ່ມີຜູ້ອອກສະໝັກຮັບເລືອກຕັ້ງໃດມີເງື່ອນໄຂຄົບຖ້ວນ.ນັບທັງຜູ້ເຄີຍເປັນສະມາຊິກສະພາແຫ່ງຊາດ, ເຂົາເຈົ້າບໍ່ຊ່ວຍຫຍັງໃຫ້ປະຊາຊົນເມື່ອພຽງແຕ່ມີຄຳໝັ້ນໝາຍເທົ່ານັ້ນ.
ໃນຂະນະນັ້ນ, ປະທານາທິບໍດີ ລັດເຊຍ Vladimir Putin ຖະແຫລງວ່າ ການເລືອກຕັ້ງນີ້ມີລັກສະນະເອກະລາດ, ບໍ່ແຊກແຊງເຂົ້າວິວັດການສ້າງສັນຕິພາບທີ່ໂຕະເຈລະຈາໂດຍ ສປຊ ຫນູນຊ່ວຍ, ຢູ່ ເຊີແນວ ປະເທດ ສະວິດ. ສ່ວນ ອົງການຫລາຍຝ່າຍໃຫຍ່ກວ່າໝູ່ໃນໂລກ ກໍໄດ້ຮຽກຮ້ອງ ຊີຣີ ດຳເນີນການເລືອກຕັ້ງປະທານາທິບໍດີ ແລະ ການເລືອກຕັ້ງທົ່ວປະເທດໃນ 18 ເດືອນຈະມາເຖິງ ແລະ ຖືວ່າ ີ້ແມ່ນສ່ວນຫນຶ່ງຂາດບໍ່ໄດ້ໃນວິວັດການສັນຕິພາບ.
ສົງຄາມກາງເມືອງຢູ່ ຊີຣີ ແກ່ຍາວໃນໄລຍະ 5 ປີ ແຕ່ບໍ່ທັນມີສັນຍານສິ້ນສຸດ. ພ້ອມກັບການເຈລະຈາໂດຍ ສປຊ ຫນູນຊ່ວຍ, ການເລືອກຕັ້ງສະພາແຫ່ງຊາດຄັ້ງນີ້ ໄດ້ຮັບຄວາມຫວັງວ່າຈະນຳມາເຊິ່ງສັນຍານຕັ້ງຫນ້າໃຫ້ແກ່ສັນຕິພາບຢູ່ ຊີຣີ. ເຖິງຢ່າງໃດກໍຕາມ ສິ່ງດັ່ງກ່າວບໍ່ແມ່ນເລື່ອງງ່າຍດາຍ.