(vovworld)-
ໂດຍໄດ້ຮັບການຜັນຂະຫຍາຍນັບແຕ່ປີ 2007, ມາຮອດປະຈຸບັນ, ໂຄງການພັດທະນາເຕັກໂນໂລຊີຂໍ້ມູນຂ່າວສານ ແລະ ສື່ສານຫວຽດນາມ ໄດ້ສ້າງສະພາບແວດລ້ອມ ແລະ ພື້ນຖານໂຄງລ່າງ ເຕັກໂນໂລຊີຂໍ້ມູນຂ່າວສານຢູ່ອົງການ, ກະຊວງ, ຄະນະ, ຂະແໜງການ ແລະ ແຂວງ, ນະຄອນຈຳນວນໜຶ່ງຢູ່ຫວຽດນາມ. ພ້ອມແລ້ວທີ່ຈະຜັນຂະຫຍາຍລັດຖະບານເອເລກໂຕນິກຕາມຂັ້ນຕອນ. ຫວ່າງແລ້ວນີ້, ກະຊວງການຕ່າງປະເທດຫວຽດນາມ ໄດ້ນຳໃຊ້ລະບົບຄຸ້ມຄອງການອອກວີຊາຜ່ານເຄືອຂ່າຍອິນເຕີແນັດ ແລະ ສູນປະສົມຖານຂໍ້ມູນ. ສິ່ງດັ່ງກ່າວໄດ້ຢັ້ງຢືນຄວາມຕັດສິນໃຈ ປະຕິບັດຈຸດໝາຍລັດຖະບານເອເລກໂຕນິກຢູ່ຫວຽດນາມ ໃຫ້ປະກົດຜົນເປັນຈິງ ດ້ວຍຈຸດສຸມແມ່ນການປະຕິຮູບດ້ານ ບໍລິຫານຂອງລັດ, ຮັບໃຊ້ໃຫ້ແກ່ວິວັດການພັດທະນາເສດຖະກິດຂອງປະເທດຊາດ.
ການປະຊຸມຜ່ານເຄືອຂ່າຍອິນເຕີແນັດຂອງຂະແໜງຖະແຫຼງຂ່າວ-ສື່ສານ
(ພາບ: vietnamplus.vn)
ສຳລັບປະເທດຫວຽດນາມ ຊື່ງແມ່ນປະເທດຫາກໍ່ຫລຸດພົ້ນອອກຈາກທີ່ຕັ້ງແມ່ນປະເທດທຸກຍາກ, ກາຍເປັນປະເທດມີລະດັບລາຍຮັບປານກາງ, ເພື່ອໃຫ້ກົງຈັກລັດຖະບານເຄື່ອນໄຫວຢ່າງມີປະສິດທິຜົນ ແລະ ເສຍເງິນໜ້ອຍທີ່ສຸດນັ້ນ, ການພັດທະນາລັດຖະບານເອເລກໂຕນິກ, ນຳໃຊ້ເຕັກໂນໂລຊີຂໍ້ມູນຂ່າວສານແມ່ນທ່າອ່ຽງທີ່ແນ່ນອນໃນການຄຸ້ມຄອງບໍລິຫານກໍ່ຄືໃນການເຊື່ອມໂຍງເຂົ້າກັບສາກົນ. ນີ້ກໍ່ແມ່ນຄວາມຮຽກຮ້ອງສຳຄັນໃນແຜນຮ່າງການປະຕິຮູບລະບຽບການບໍລິຫານຂອງລັດຖະບານ.
ພິທີຕັດແຖບພ້າເປີດສະຫຼອງລະບົບຄຸ້ມຄອງການອອກວີຊາຜ່ານເຄືອຂ່າຍອິນເຕີແນັດ
(ພາບ: http://baodientu.chinhphu.vn)
ປະສິດທິຜົນຈາກໂຄງການ
ພາຍຫຼັງໄດ້ຜັນຂະຫຍາຍມາເປັນເວລາ 7 ປີ, ໂຄງການພັດທະນາເຕັກໂນໂລຊີຂໍ້ມູນຂ່າວສານ ແລະ ສື່ສານຫວຽດນາມ ໄດ້ບັນລຸຄວາມຄຶບໜ້າຫຼາຍພໍສົມຄວນ. ບໍ່ພຽງແຕ່ໄດ້ສ້າງສະພາບແວດລ້ອມ ແລະ ໂຄງລ່າງເຕັກໂນໂລຊີຂໍ້ມູນຂ່າວສານ, ທີ່ກຽມພ້ອມໃຫ້ແກ່ການຂະຫຍາຍລັດຖະບານເອເລກໂຕນິກຕາມຂັ້ນຕອນເທົ່ານັ້ນ, ແຕ່ກ່ອນອື່ນໝົດ, ຍັງໄດ້ປັບປຸງບັນດາການບໍລິການບໍລິຫານຂອງລັດຢູ່ບັນດາກະຊວງ, ຂະແໜງການ, ແຂວງ, ນະຄອນຈຳນວນໜຶ່ງບາດກ້າວໜຶ່ງ, ອັນໄດ້ສ້າງເງື່ອນໄຂອຳນວຍຄວາມສະດວກໃຫ້ແກ່ບັນດາການພົວພັນແລກປ່ຽນຂອງວິສາຫະກິດ ແລະ ປຊຊ.
ຕາມການຕີລາຄາຂອງທະນາຄານໂລກ, ໂຄງການພັດທະນາເຕັກໂນໂລຊີຂໍ້ມູນຂ່າວສານ ແລະ ສື່ສານຢູ່ຫວຽດນາມ ແມ່ນໜຶ່ງໃນຈຳນວນໜ້ອຍໂຄງການກ່ຽວກັບເຕັກໂນໂລຊີຂໍ້ມູນຂ່າວສານ ໂດຍທະນາຄານໂລກອຸປະ ຖຳໃນທົ່ວໂລກ ໄດ້ຮັບການຜັນລະຫຍາຍສຳເລັດຜົນ, ນຳໃຊ້ເຕັກໂນໂລຊີຂໍ້ມູນຂ່າວສານເຂົ້າໃນບັນດາການເຄືອ່ນໄຫວບໍລິຫານຂອງລັດຢູ່ຫວຽດນາມ. ທ່ານນາງ Victoria Kwakwa ຜູ້ອຳນວຍການທະນາຄານໂລກປະຈຳຫວຽດນາມ ຖືວ່າ:
“ບົດຮຽນທີ່ສຳຄັນທີ່ສຸດທີ່ຂ້າພະເຈົ້າຖອດຖອນມາໄດ້ຈາກໂຄງການນີ້ ນັ້ນແມ່ນບັນດາຄຳໝັ້ນສັນຍາຈາກການນຳສູງສຸດຫວຽດນາມ, ຊື່ງໄດ້ສະແດງອອກຜ່ານຍຸດທະສາດບຸລິມະສິດໃຫ້ແກ່ການພັດທະນາ ແລະ ນຳໃຊ້ເຕັກໂນໂລຊີຂໍ້ມູນຂ່າວສານ ກໍ່ຄືການລົງທຶນຢ່າງຕັ້ງໜ້າເຂົ້າໃນແຫຼ່ງຊັບພະຍາ ກອນມະນຸດ. ນີ້ແມ່ນຜົນງານສຳຄັນທີ່ສຸດຂອງຫວຽດນາມ ເມື່ອທຽບ ກັບປະເທດອື່ນໆໃນໂລກ“
ສຳລັບກະຊວງການຕ່າງປະເທດຫວຽດນາມ ແລ້ວ, ການນຳໃຊ້, ຍົກລະດັບເຕັກໂນໂລຊີຂໍ້ມູນຂ່າວສານແມ່ນການພິສູດຢ່າງຈະແຈ້ງໃນວິວັດການເຊື່ອມໂຍງເຂົ້າກັບສາກົນ. ໃນໄຕມາດທີ 1 ປີ 2014, ເປັນຄັ້ງທຳອິດທີ່ກະຊວງການຕ່າງປະເທດ ໄດ້ຜັນຂະຫຍາຍລະບົບຄຸ້ມການອອກວີຊາຜ່ານເຄືອຂ່າຍອິນເຕີແນັດຢູ່ພາຍໃນປະເທດ ແລະ ອົງການຜູ້ຕາງໜ້າການທູດຢູ່ຕ່າງປະເທດ 95 ແຫ່ງ, ປະກອບສ່ວນຫລຸດຜ່ອນເວລາຮັບສຳເນົາເອກະ ສານ, ປັບປຸງຂັ້ນຕອນຄຸ້ມຄອງການເຂົ້າອອກເມືອງກໍ່ຄືເພີ່ມທະວີວຽກງານຄຸ້ມຄອງຂະແໜງຢ່າງມີວິທະຍາສາດ, ປະຢັດ. ທ່ານຫງວຽນຍືຈຸງ, ຮອງຜູ້ອຳນວຍການສູນຖະແຫຼງຂ່າວ, ກະຊວງການຕ່າງປະເທດຫວຽດນາມ ຢືນຢັນວ່າ:
“ໂຄງການພັດທະນາເຕັກໂນໂລຊີຂໍ້ມູນຂ່າວສານ ແລະ ສື່ສານຢຸູ່ ຫວຽດນາມ ແມ່ນໂຄງການໄດ້ຮັບຜົນສຳເລັດ ຊື່ງໄດ້ຊ່ວຍສ້າງພື້ນຖານດ້ານນະໂຍບາຍ, ແຫຼ່ງຊັບພະຍາກອນມະນຸດ ກໍ່ຄືພື້ນຖານໂຄງລ່າງດ້ານເຕັກນິກ ເພື່ອຊ່ວຍຫວຽດນາມ ສາມາດຊຸກຍູ້ການນຳໃຊ້ລັດຖະບານເອເລກໂຕນິກຢູ່ຫວຽດນາມ “.
ສ້າງພື້ນຖານບໍລິຫານຂອງລັດທີ່ທັນສະໄໝ, ສອດຄ່ອງກັບທ່າອ່ຽງເຊື່ອມໂຍງ
ໃນຊຸມປີຜ່ານມາ, ເຕັກໂນໂລຊີຂໍ້ມູນຂ່າວສານ ແລະ ສື່ສານຫວຽດນາມ ໄດ້ກາຍເປັນໜຶ່ງໃນບັນດາຂະແໜງທີ່ມີລະດັບພັດທະນາຢ່າງໄວວາ, ນັບມື້ນັບສວມບົດບາດສຳຄັນໃນການພັດທະນາເສດຖະກິດ-ສັງຄົມຂອງປະເທດຊາດ, ປະກອບສ່ວນປະຕິຮູບການບໍລິຫານ, ປະກອບສ່ວນຢ່າງຕັ້ງໜ້າໃນການສະໜອງຂໍ້ມູນຂ່າວສານຮັບໃຊ້ໃຫ້ແກ່ ປຊຊ.
ປະຈຸບັນ, ຫວຽດນາມ ວາງຈຸດໝາຍກາຍເປັນໜຶ່ງໃນຈຳນວນ 70 ປະເທດທີ່ມີພື້ນຖານເຕັກໂນໂລຊີຂໍ້ມູນຂ່າວສານໂທລະຄົມອັນດັບໜຶ່ງຂອງໂລກໃນປີ 2020 ໂດຍແມ່ນໜື່ງໃນບັນດາປະເທດມີຈຳນວນຜູ້ນຳໃຊ້ອິນເຕີແນັດເພິ່ມຂຶ້ນຢ່າງໄວວາໃນແຕ່ລະປີ, ກວມເອົາອັດຕາສ່ວນປະຊາ ກອນກວ່າ 40%, ເລື່ອງຜັນຂະຫຍາຍໂຄງການພັດທະນາເຕັກໂນໂລຊີຂໍ້ມູນຂ່າວສານ ແລະ ສື່ສານຢຸູ່ ຫວຽດນາມ ປະສົບຜົນສຳ ເລັດ ໃນເບື້ອງຕົ້ນ ໄດ້ເຮັດໃຫ້ຈຸດໝາຍສ້າງລັດຖະບານເອເລກໂຕນິກຢູ່ຫວຽດນາມ ປະກົດຜັນເປັນຈິງເທື່ອລະກ້າວ. ບໍ່ພຽງແຕ່ໄດ້ສ້າງພື້ນຖານບໍລິຫານຂອງລັດທີ່ທັນສະໄໝ, ສອດຄ່ອງກັບທ່ານອ່ຽງເຊື່ອມໂຍງເຂົ້າກັບໂລກເທົ່ານັ້ນ, ຫາກຍັງໄດ້ປະກອບສ່ວນເພິ່ມລັກສະນະປະຊາທິປະໄຕ ດ້ວຍວິທີເຮັດໃຫ້ລັດຖະບານຍັບມໍ່ໃກ້ກັບ ປຊຊ ກ່ວາອີກ./.