(vovworld) - ໃນວິວັດແຫ່ງການພັດທະນາເສດຖະກິດ - ສັງຄົມ, ມີຫຼາຍຄຸນຄ່າດ້ານວັດທະນະທຳ, ພິທີງານບຸນຢູ່ບັນດາໝູ່ບ້ານໃນເຂດໄຕງວຽນພວມຄ່ອຍໆຖືກສູນຫາຍໄປ, ແຕ່ເມື່ອມາຢ້ຽມຢາມໝູ່ບ້ານ Mo Hra, ຕາແສງ To Tung, ເມືອງ Kbang, ພວກເຮົາຍັງມີຄວາມຮັບຮູ້ຕ່າງກັນ, ເບິ່ງຄືວ່າຄຸນຄ່າດ້ານວັດທະນະທຳຍັງຄົງໄດ້ຮັບການຮັກສາໄວ້ໃນສຽງຄ້ອງຂອງຊາວເຜົ່າ Ba Na ຢູ່ທີ່ນີ້. ບັນດາສິລະປະກອນທີ່ມີອາຍຸສູງ ແຕ່ຍັງຄົງຮັກສາສີສັນວັດທະນະທຳຄ້ອງໄວ້ໃຫ້ແກ່ລຸ້ນໜຸ່ມ.
ສິລະປະກອນ Y Hiu Niê Kđăm ພວມແນະນຳ
ພວກຫຼານວິທີຕີຄ້ອງ
(ພາບ: baomoi.com)
ພວກຂ້າພະເຈົ້າມາຢ້ຽມຢາມເຮືອນຮົງທີ່ເປັນມູນເຊື້ອຂອງບ້ານ Mo Hra, ໃນຕາແສງ o Tung ກົງກັບໂອກາດທີ່ບ້ານພວມຈັດຕັ້ງການດຳເນີນຊີວິດທາງວັດທະນະທຳວົງຄະນະຍາດ, ທຸກຄົນໃສ່ຊຸດອາພອນປະຈຳເຜົ່າໂອ້ລົມກັນຢ່າງຟົດຟື້ນມ່ວນຊື່ນ ໂດຍບໍ່ຫົວຊາຕໍ່ຊີວິດປະຈຳວັນ. ປະສານກັບບັນຍາກາດທີ່ເປັນເອກະລັກສະເພາະນີ້ ແມ່ນທຳນອງເພງພື້ນເມືອງຂອງຊົນເຜົ່າ Ba Na, ຈັ່ງຫວະດົນຕີຂອງ ພິນ Goong, Koni ທີ່ເປັນມູນເຊື້ອ.
ພາຍຫຼັງບັນດາສິລະປະກອນທົບທວນຄືນບັນດາບົດເພງທີ່ເປັນມູນເຊື້ອ, ແມ່ນຊຸດຮຽນຕີຄ້ອງ ຂອງ ກອງຕີຄ້ອງໜຸ່ມ. ເມື່ອສຽງກອງດັງຂຶ້ນປະມານ 10 ນາທີ, ໄດ້ມີຊາວໜຸ່ມ, ເຍົາວະຊົນເກືອບ 40 ຄົນ ນຸ່ງຊຸດອາພອນປະຈຳເຜົ່າ Ba Na ມາເຕົ້າໂຮມກັນຢ່າງພ້ອມພຽງຮຽງໜ້າ. ນ້ອງ Dinh Lo, ອາຍຸ 7 ປີ, ເຊິ່ງແມ່ນສະມາຊິກທີ່ມີອາຍຸຕຳ່ສຸດໃນກອງຕີຄ້ອງ, ໄດ້ເວົ້າດ້ວຍຄວາມພາກພູມໃຈວ່າ:
”ເມື່ອໄດ້ຮຽນຕີຄ້ອງນ້ອງດີໃຈຫຼາຍ, ນ້ອງຈະພະຍາຍາມຕີໃຫ້ມ່ວນ”
ທ່ານ Ka Khen (ຜູ້ທີ 2 ແຕ່ຊ້າຍມາ) ແນະນຳວິທີຕີຄ້ອງໃຫ້ລຸ້ນໜຸ່ມ
(ພາບ: baolamdong.vn)
|
ສິລະປະກອນ Dinh Tran, ຫົວໜ້າກອງຕີຄ້ອງບ້ານ Mo Hra ພວມແນະນຳວິທີຕີຄ້ອງຢ່າງລະອຽດໃຫ້ແກ່ເດັກນ້ອຍແຕ່ລະຄົນ, ໃຫ້ຮູ້ວ່າ, ທ່ານໄດ້ຕິດພັນກັບວຽກງານນີ້ເປັນເວລາ 5 ກວ່າປີແລ້ວ. ເຖິງວ່າບໍ່ມີເງິນເດືອນ, ບໍ່ມີຄ່າອຸດໜູນ ແຕ່ທ່ານ ແລະ ຖັນແຖວສິລະປະກອນໃນບ້ານຍັງດີໃຈຢູ່, ເພາະວ່າມັນຈະຊ່ວຍໃຫ້ລູກຫຼານໃນບ້ານຮັກສາບັນດາຈຸດວັດທະນະທຳທີ່ເປັນມູນເຊື້ອຂອງເຜົ່າ Ba Naໄວ້ໄດ້. ຊາວໜຸ່ມ, ເຍົາວະຊົນໃນໝູ່ບ້ານກໍ່ມີສະຕິຮ່ຳຮຽນເພື່ອອະນຸລັກຮັກສາວັດທະນະທຳທີ່ເປັນມູນເຊື້ອເອົາໄວ້.
”ພວກລູກຫຼານຮຽນໄດ້ດີຫຼາຍ. ສາມາດຕີຄ້ອງໄດ້ບາງບົດຄືບົດ ຄວາຍຊົນກັນ, ບົດບຸນເຂົ້າໃໝ່… ພວກຫຼານມີສະຕິອະນຸລັກຮັກສາວັດທະນະທຳຄ້ອງຄືແນວນັ້ນ ພວກເຮົາດີໃຈຫຼາຍ. ຫວັງວ່າພວກຫຼານຈະເສີມຂະຫຍາຍກວ່າອີກ ເພື່ອໃຫ້ວັດທະນະທຳຂອງເຜົ່າ Ba Na ບໍ່ຖືກສູນຫາຍໄປ.”
ເຖິງວ່າບໍ່ເຂົ້າໃຈໄດ້ຄວາມໝາຍຂອງ ບົດດົນຕີຄ້ອງ, ແຕ່ເມື່ອເຫັນບັນດາສິລະປະກອນ ສອນພວກຫຼານຕີຄ້ອງຢ່າງສຸດຈິດສຸດໃຈນັ້ນ, ພວກຂ້າພະເຈົ້າກໍ່ຮູ້ສຶກໄດ້ວ່າ, ນັ້ນແມ່ນພະລັງແຮງກ້າຂອງວັດທະນະທຳທີ່ເປັນມູນເຊື້ອຂອງເຜົ່າ Ba Na . ການກະທຳຂອງບັນດາສິລະປະກອນ ໄດ້ເປັນການປະກອບສ່ວນບໍ່ໜ້ອຍເຂົ້າໃນການເຄື່ອນໄຫວອະນຸລັກຮັກສາ ແລະ ເສີມຂະຫຍາຍຄຸນຄ່າວັດທະນະທຳຄ້ອງຢູ່ແຂວງ ຢາລາຍ, ເຊິ່ງໄດ້ຮັບການຜັນຂະຫຍາຍ, ນັບແຕ່ UNESCO ຮັບຮອງວັດທະນະທຳຄ້ອງ ໄຕງວຽນແມ່ນມໍລະດົກວັດທະນະທຳທີ່ບໍ່ມີຮູບຮ່າງ ແລະ ສືບທອດຂອງມວນມະນຸດ.