ຕາມທຳນຽມແລ້ວ, ຮອດເວລາ 9 ໂມງເຊົ້າຂອງທຸກໆວັນອາທິດ, ບໍ່ວ່າດິນຟ້າອາກາດຈະເປັນຄືແນວໃດກໍຕາມ, ຢູ່ຕໍ່ໜ້າເຮືອນເລກທີ 160 ຖະໜົນຈ້ຽວຫວຽດເວືອງ ກໍໄດ້ຈັດໃຫ້ມີຕະຫຼາດນັດຂະໜາດນ້ອຍ, ນັ້ນແມ່ນຕະຫຼາດສະແຕມຮ່າໂນ້ຍ. ບັນດາຜູ້ນິຍົມສະແຕມບໍ່ພຽງແຕ່ມາແຫ່ງນີ້ເພື່ອຊື້ຂາຍສະແຕມເທົ່ານັ້ນ, ຫາກເຂົາເຈົ້າມາເພື່ອແລກປ່ຽນ, ໂອ້ລົມ, ຊົມເບິ່ງບັນດາສະແຕມອີກດ້ວຍ.
ຕະຫຼາດສະແຕມຮ່າໂນ້ຍຄຶກຄຶ້ນໃນທຸກວັນອາທິດ
ພາບ: http//:laodong.com.vn
ຕະຫຼາດສະແຕມແມ່ນສະຖານທີ່ອັນຄັບແຄບຕໍ່ໜ້າບ້ານຂອງທ່ານ ຟ້າມຮ່າວ ຊື່ງແມ່ນຜູ້ນິຍົມ ແລະ ສະສົມສະແຕມທີ່ມີຊື່ສຽງຢູ່ຮ່າໂນ້ຍ. ນີ້ແມ່ນຈຸດນັດພົບຂອງບັນດາຜູ້ນິຍົມສະແຕມ ມາເຕົ້າໂຮມກັນແລະໂອ້ລົມກ່ຽວກັບບັນດາສະແຕມທີ່ຕົນນິຍົມ. ບໍ່ພຽງແຕ່ເປັນບ່ອນເຕົ້າໂຮມຂອງຜູ້ນິຍົມສະແຕມຢູ່ຮ່າໂນ້ຍເທົ່ານັ້ນ, ບັນດາຜູ້ນິຍົມສະແຕມຢູ່ທຸກແຫ່ງກໍມາເຕົ້າໂຮມກັນຢູ່ແຫ່ງນີ້ອີກດ້ວຍ ແລະ ປະຈຸບັນ, ຕະຫຼາດສະແຕມແຫ່ງນີ້ ຍັງໄດ້ດຶງດູດບັນດາແຂກສາກົນເຂົ້າມາຮັບຊົມ ແລະ ແລກປ່ຽນ. ຕາມລຸງກ່າວດຶກລອງ ນັກສະສົມສະແຕມທີ່ມີຊື່ສຽງຢູ່ຮ່າໂນ້ຍແລ້ວ, ເມື່ອມັກແລ້ວ ກໍຍາກທີ່ຈະຫ້າມໃຈໄດ້
“ເມື່ອຫຼີ້ນສະແຕມກໍຕ້ອງມີຄວາມຮູ້ທີ່ອຸດົມສົມບູນ, ມີລັກສະນະສັງລວມທັງດ້ານປະຫວັດສາດ, ພູມສາດ, ວິທະຍາສາດ ແລະ ບັນຫາທຳມະຊາດອື່ນໆອີກ, ສະນັ້ນ ຜູ້ຫຼີ້ນສະແຕມຕ້ອງຊອກຮູ້ຢູ່ຕາມໜັງສືພິມ, ປື້ມ, ເອກະສານຕ່າງໆທີ່ກ່ຽວຂ້ອງເຖິງສະແຕມທີ່ຕົນເອງຫຼີ້ນ”
ຕາມອ້າຍຮ່ວາງແອງຕວນ, ນັກສຶກສາຊາວຮ່າໂນ້ຍຜູ້ໜື່ງແລ້ວ, ການຫຼີ້ນສະແຕມບໍ່ພຽງແຕ່ຮຽກຮ້ອງໃຫ້ຜູ້ຫຼີ້ນມີລະດັບຄວາມຮູ້ເທົ່ານັ້ນ ຫາກຍັງຕ້ອງມີຄວາມເອົາໃຈໃສ່ ແລະ ອົດທົນອີກດ້ວຍ. ແລະສິ່ງທີ່ດີທີ່ສຸດ ນັ້ນແມ່ນ, ໂດຍຜ່ານສະແຕມແຕ່ລະອັນ, ຜູ້ຫຼີ້ນຍັງສາມາດໄດ້ຮັບບັນດາຄວາມຮູ້ດ້ານວັດທະນະທຳ, ປະຫວັດສາດ, ສິລະປະທີ່ເປັນເອກະລັກສະເພາະ:
“ໃນການສະສົມສະແຕມ, ສິ່ງທຳອິດແມ່ນຮຽກຮ້ອງໃຫ້ມີຄວາມມານະອົດທົນ ແລະ ເມື່ອສະສົມສະແຕມ ເຮົາຈະສາມາດມີໂອກາດຊອກຮູ້ບັນດາຄວາມຮູ້ດ້ານປະຫວັດສາດ ຍ້ອນວ່າ ຜ່ານສະແຕມແຕ່ລະອັນ ເຮົາຈະສາມາດເຫັນໄດ້ທາງດ້ານປະຫວັດສາດ, ຊີວິດການເປັນຢູ່, ເສດຖະກິດສັງຄົມຂອງຫວຽດນາມຜ່ານແຕ່ລະໄລຍະ”
ຫຼາຍຄົນໄດ້ສະສົມຊຸດສະແຕມປະທານໂຮ່ຈິມິນ
ພາບ:http//:nhovehanoi.com
ບັນດາຊຸດແຕມມີຫລາຍຫົວເລື່ອງ ແຕ່ຫລາຍທີ່ສຸດແມ່ນບັນດາຫົວເລື່ອງກ່ຽວກັບດອກກ້ວຍໄມ້, ກ່ຽວກັບບັນດາບຸກຄົນສຳຄັນແຫ່ງ ປະ ຫວັດສາດ, ກ່ຽວກັບລຸງໂຮ່, ກອງທັບ, ນັກທຸລະກິດ ຫລືວ່າຫົວເລື່ອງກ່ຽວກັບທີວທັດທຳມະຊາດ, ສັດສາວະສິ່ງ ແລະອື່ນືໆ....ຕະຫຼາດສະແຕມຮ່າໂນ້ຍຍັງແມ່ນບ່ອນແບ່ງປັນຄວາມມ່ວນຊື່ນຂອງນັກສະສົມສະແຕມ ເມື່ອມີສະແຕມງາມ. ທ່ານຟ້າມຮ່າວ ເຈົ້າຂອງບ້ານ ແລະ ກໍແມ່ນຜູ້ສ້າງຕັ້ງຕະຫຼາດສະແຕມນ້ອຍດັ່ງກ່າວຖືວ່າ: ຕະຫຼາດໄດ້ສ້າງຂຶ້ນຖືຖຖືວ່າ ແມ່ນບ່ອນດຳເນີນຊີວິດໃຫ້ແກ່ຜູ້ນິຍົມສະແຕມຢ່າງແທ້ຈິງ:
“ບັນດາຜູ້ຫຼີ້ນສະແຕມເວົ້າລວມ ແລະນັກສະສົມສະແຕມໜຸ່ມເວົ້າສະເພາະ ລ້ວນແຕ່ມາຕະຫຼາດສະແຕມແຫ່ງນີ້ ດ້ວຍຄວາມປາດຖະໜາ ຢາກມີສະແຕມງາມ ແລະໄດ້ຮັບຊົມຄວາມງາມ ແລະເຂົາເຈົ້າໄດ້ຮັບຄວາມຮູ້ຫຼາຍຢ່າງຈາກສະແຕມຕ່າງໆ”
ຕະຫຼາດສະ
ແຕມບໍ່ພຽງແຕ່ແມ່ນບ່ອນຕອບສະໜອງຄວາມຕ້ອງການໃຫ້ແກ່ບັນດາຜູ້ນິຍົມສະແຕມເທົ່ານັ້ນ, ຫາກຍັງເພື່ອແບ່ງປັນບັນດາຄວາມຮູ້ກ່ຽວກັບຊີວິດການເປັນຢູ່ອີກດ້ວຍ. ທ່ານຮ່າວ ແລະບັນດານັກຫຼີ້ນສະ
ແຕມຢູ່ຮ່າໂນ້ຍຫວັງວ່າ ຕະຫຼາດສະ
ແຕມຈະນັບມື້ນັບດຶງດູດຄວາມສົນໃຈຈາກທຸກຄົນ, ຍ້ອນວ່າ ການຫຼີ້ນສະ
ແຕມບໍ່ພຽງແຕ່ແມ່ນການລະຫຼີ້ນເທົ່ານັ້ນ ຫາກຍັງເປັນການປະກອບສ່ວນຮັກສາບັນດາຄຸນຄ່າດ້ານປະຫວັດ ສາດຂອງປະເທດຊາດອີກດ້ວຍ.