ໂດຍເຫັນອົກເຫັນໃຈຕໍ່ຄວາມເຈັບປວດຂອງເດັກນ້ອຍຫວຽດນາມ, ຜູ້ທີ່ປະສົບເຄາະຮ້າຍຈາກທາດພິດສີສົ້ມດີໂອຊິນ, ນັກຮ້ອງຜູ້ໜຶ່ງທີ່ອາໄສຢູ່ Bordeaux, ແຫ່ງປະເທດຝລັ່ງໄດ້ສ້າງຕັ້ງສະມາຄົມດົນຕີທີ່ໃສ່ຊື່ວ່າ: Dioxine Country Mascaret, ເພື່ອສະແດງຄວາມຮັກ, ຄວາມຫວັງ, ນັບທັງປະກອບດ້ານວັດຖຸໃຫ້ເດັກນ້ອຍທີ່ປະສົບເຄາະຮ້ອຍຈາກທາດພິດສີສົ້ມ ໂດຍທະຫານອາເມລິການຳໃຊ້ໃນປາງສົງຄາມຢູ່ຫວຽດນາມ.
ນັກຮ້ອງ Christian Filhos
ເນື້ອໃນບົດເພງເຕັມໄປດ້ວຍອາລົມຈິດ, ພ້ອມກັບທຳນອງດົນຕີອອນຊອນ, ບົດເພງ ”ກີຕາຂອງ Jeremie” ປຽບເໝືອນສານສະບັບໃໝ່, ນີ້ແມ່ນໜຶ່ງໃນຈຳນວນ 4 ບົດເພງເຊິ່ງນັກຮ້ອງ Christian Filhos (ນັກຮ້ອງທີ່ມີຊື່ສຽງ Gignac) ຫາກໍ່ອັດສຽງ ເພື່ອສະຫງວນໃຫ້ແກ່ເດັກນ້ອຍທີ່ປະສົບເຄາະຮ້າຍຈາກທາດພິດສີສົ້ມຫວຽດນາມ. ລາວຄາດວ່າຈະຂັບຮ້ອງບັນດາບົດເພງນີ້ໃນໂອກາດພິເສດເພື່ອບໍລິຈາກເງິນສະໜັບສະໜູນໃຫ້ແກ່ເດັກນ້ອຍ.
ສະມາຄົມດົນຕີ Dioxine Country Mascaret ໄດ້ຮັບການສ້າງຕັ້ງຂຶ້ນຢ່າງເປັນທາງການເມື່ອຕົ້ນເດືອນ 1 ຜ່ານມາ. ເມື່ອອະທິບາຍກ່ຽວກັບຊື່ຂອງສະມາຄົມ Gignac ໃຫ້ຮູ້ ຢາກຝາກຄວາມຮັກ, ຄວາມມຸ້ງຫວັງຈາກປະເທດຝລັ່ງເຖິງຫວຽດນາມ, ເພື່ອເພີ່ມກຳລັງແຮງ ແລະ ຄວາມເຊື່ອໝັ້ນໃຫ້ແກ່ບັນດາເດັກອາພັບທີ່ພວມຖືກຜົນຮ້າຍຢ້ອນຫຼັງຈາກທາດພິດເຄມີ ໂດຍກອງທັບ ອາເມລິກາຫວ່ານລົງຫວຽດນາມ ໃນປາງສົງຄາມ.
”ຂ້າພະເຈົ້າມີເພື່ອນຫວຽດນາມຜູ້ໜຶ່ງແມ່ນນັກດົນຕີ ໂຮ່ຫາຍກວາງ, ລາວໄດ້ມີການເຄື່ອນໄຫວດົນຕີຫຼາຍຢ່າງ ເພື່ອຊ່ວຍເຫຼືອເດັກນ້ອຍທີ່ປະສົບເຄາະຮ້າຍຈາກທາດພິດສີສົ້ມຫວຽດນາມ. ດ້ວຍການປຸກລະດົມຂອງລາວ. ຂ້າພະເຈົ້າໄດ້ຄິດເຖິງເລື່ອງສ້າງຕັ້ງສະມາຄົມ, ແລະ ນຳໃຊ້ດົນຕີເພື່ອສະແດງອາລົມຈິດ, ຄວາມຮັກ, ຄວາມມຸ້ງຫວັງເຖິງພວກນ້ອງ, ແລະນີ້ກໍ່ແມ່ນວິທີເພື່ອຮຽກຮ້ອງການບໍລິຈາກຢ່າງແທດຈິງໃຫ້ແກ່ພວກນ້ອງ. ຜ່ານນັ້ນພວກຂ້າພະເຈົ້າຈະເຮັດໃຫ້ຊາວຝລັ່ງເຂົ້າໃຈໄດ້ວ່າ ທາດພິດສີສົ້ມແມ່ນຫຍັງ, ແລະຜົນຮ້າຍຢ້ອນຫຼັງຂອງມັນຢູ່ຫວຽດນາມໃນປະຈຸບັນ”
ສະມາຄົມດົນຕີ Dioxine Country Mascaret ໄດ້ແຮກສ່ຽວ ແລະຮ່ຳຮຽນແບບວິທີເຄື່ອນໄຫວຂອງສະມາຄົມດົນຕີບໍ່ຂື້ນກັບລັດຖະບານ Orange Dihoxyn ຂອງນັກດົນຕີ ໂຮ່ຫາຍກວາງ, ເຊິ່ງແມ່ນຊາວຫວຽດນາມອາໄສຢູ່ຝລັ່ງ. ຕາມນັ້ນແລ້ວ, ນອກຈາກວິທີມອບເງິນໂດຍກົງ, ເຂົາເຈົ້າສາມາດສະໜັບສະໜູນພວກນ້ອງດ້ວຍວິທີດາວໂລດບົດເພງໃນເວັບໄຊຂອງສະມາຄົມ, ຫຼືຜູ້ໃດທີ່ມີຄວາມສາມາດປະພັນດົນຕີ ແລະຂັບຮ້ອງ ສາມາດມອບບົດເພງຈຳນວນໜຶ່ງໃຫ້ສະມາຄົມເພື່ອອັບເດັດເຂົ້າເວັບໄຊ. ການຈົດຊື່ເຂົ້າເປັນສະມາຊິກຂອງສະມາຄົມກໍ່ແມ່ນວິທີງ່າຍດາຍທີ່ສຸດ ເພື່ອສະແດງໃຫ້ເຫັນການສະໜັບສະໜູນ ແລະເຫັນອົກເຫັນໃຈທີ່ມີຕໍ່ຜູ້ປະສົບເຄາະຮ້າຍຈາກທາດພິດສີສົ້ມຫວຽດນາມ.
ນັກຮ້ອງ Gignac ສະແດງຄວາມຫວັງວ່າ, ໃນບໍ່ຊ້ານີ້ລາວຈະມີໜ້າຢູ່ຫວຽດນາມ ແລະ ຈະຂັບຮ້ອງໃຫ້ພວກນ້ອງຟັງໂດຍກົງ
”ໃນເວັບໄຊຂອງສະມາຄົມ, ມີຮູບຂ້າພະເຈົ້າພ້ອມກັບພິນກີຕາ, ແລະ ຢູ່ໄກ້ໆນັ້ນແມ່ນເດັກນ້ອຍຫວຽດນາມຜູ້ໜຶ່ງທີ່ພວມສົ່ງສາຍຕາມາຍັງຂ້າພະເຈົ້າ. ດ້ວຍອາລົມຈິດ, ຄວາມຈິງໃຈຂອງຕົນ, ຜ່ານດົນຕີ, ພວກຂ້າພະເຈົ້າຢາກສົ່ງສານແຫ່ງຄວາມສາມັກຄີ, ຄວາມມຸ້ງຫວັງ ແລະຄວາມຮັກແພງເຖິງພວກນ້ອງຜູ້ປະສົບເຄາະຮ້າຍຈາກທາດພິດສີສົ້ມຫວຽດນາມ”
ເຖິງວ່າຫາກໍ່ໄດ້ຮັບການສ້າງຕັ້ງຂຶ້ນ, ແຕ່ດ້ວຍອາລົມຈິດອັນຈິງໃຈ ແລະຈຸດປະສົງທີ່ດີນັ້ນ ສະມາຄົມດົນຕີ Dioxine Country Mascaret ຈະມີການເຄື່ອນໄຫວທີ່ມີຄວາມໝາຍຫຼາຍຢ່າງ ເພື່ອຜູ້ປະສົບເຄາະຮ້າຍຈາກທາດພິດສີສົ້ມ ດີໂອຊິນ ຫວຽດນາມ.