(ພາບ: http://www.tienphong.vn)
ສະມາຄົມວັດຖຸບູຮານ ທັງລອງ ແມ່ນສະມາຄົມໄດ້ຮັບການສ້າງຕັ້ງຂຶ້ນດ້ວຍບັນດາສະມາຊິກທີ່ດຳລົງຊີວິດແບບວັດທະນະທຳ, ມີຄວາມສຸດອົກສຸດໃຈເພື່ອຮັກສາຄຸນຄ່າດ້ານວັດທະນະທຳທີ່ມີຮູບຮ່າງຂອງຊາດ. ງານວາງສະແດງວັດຖຸບູຮານຄັ້ງຕ່າງໆຂອງບັນດາສະມາຊິກໃນສະມາຄົມວັດຖຸບູຮານ ທັງລອງ ໄດ້ຊ່ວຍໃຫ້ຜູ້ຊົມມີຄວາມເຂົ້າໃຈຕື່ມອີກກ່ຽວກັບປະຫວັດສາດ, ສີ່ງທີ່ຍອດຍິງຊື່ງລຸ້ນພໍ່ລຸ້ນອ້າຍເຄີຍເຮັດ.
ທ່ານຟານດີ່ງເຍີນແມ່ນຜູ້ກໍ່ຕັ້ງສະມາຄົມ ວັດຖຸບູຮານທັງລອງ, ທັງແມ່ນນັກຄົ້ນຄ້ວາ, ຮຽບຮຽງວັດຖຸບູນຮານທີ່ມີຊື່ສຽງຢູ່ຮ່າໂນ້ຍ. ເຮືອນຂອງທ່ານຟານດີ່ງເຍີນຢູ່ຮ່າໂນ້ຍກໍ່ແມ່ນໜື່ງໃນບັນດາຫໍພິພິທະພັນເອະຊົນແຫ່ງທຳອິດ ທີ່ວາງສະແດງບັນດາວັດຖຸບູຮານທີ່ມີຄ່າຫາຍາກເຊິ່ງທ່ານໄດ້ຊອກຫາ, ເກັບໂຮມໃນຕະຫຼອດ 30 ປີມານີ້. ວັດຖຸບູນຮານຂອງທ່ານລວມມີນັບຮ້ອຍຊິ້ນ ຊື່ງມີມານັບແຕ່ສະໄໝລາຊະວົງຫລີໃນສັດຕະວັດທີ 10 - 11 ເຖິງສະໄໝລາຊະວົງຫງວຽນໃນສັດຕະວັດທີ 19, ໃນນັ້ນມີບັນດາວັດຖຸບູຮານຕິດພັນກັບຊີວິດດ້ານວັດທະນະທຳ ແລະ ຈິດໃຈຂອງຊາວຫວຽດນາມນັບແຕ່ກີ້ແຕ່ກ່ອນ. ໃນນັ້ນມີທັງວັດຖຸບູຮານອັນລ້ຳຄ່າລະດັບຊາດ. ຕາມທ່ານຟານດີ່ງເຍີນແລ້ວ, ເພື່ອມີຮ້ານວາງສະແດງເອກະຊົນຄືປະຈຸບັນນີ້, ແມ່ນມີວິວັດການຫັນປ່ຽນຈີນຕະນາການ, ຍ້ອນວ່າ ໃນໄລຍະກ່ອນ, ການແລກປ່ຽນວັດຖະບູຮານພຽງແຕ່ດຳເນີນໄປໃນບໍລິເວນອັນຄັບແຄບເທົ່ານັ້ນ. ແຕ່ກົດໝາຍວ່າດ້ວຍມູນມໍລະດົກວັດທະນະທຳປີ 2011 ໄດ້ເປີດປະຕູໃຫ້ແກ່ການອະນຸລັກຣັກສາ ແລະເສີມຂະຫຍາຍຄຸນຄ່າບັນດາວັດຖຸພັນ, ວັດຖຸບູຮານ. ລັດໄດ້ສົ່ງເສີມ ແລະ ໜູນຊ່ວຍບັນດານັກເສາະຫາຮຽບຮຽງວັດຖຸບູຮານ ຈັດຕັ້ງ ງານວາງສະແດງແນະນຳວັດຖຸບູຮານຕໍ່ໝູ່ມະຫາຊົນ, ດັ່ງນັ້ນການເຄືອ່ນໄຫວພົບປະແລກປ່ຽນ, ວາງສະແດງວັຖຸບູຮານຈຶ່ງຈະໄດ້ຮັບການແນະນຳຢ່າງກວ້າງຂວາງ:
“ຂ້າພະເຈົ້າຄິດວ່າ ຕ້ອງສ້າງຕັ້ງອົງການໜຶ່ງສຳຫຼັບບັນດາຜູ້ຫລີ້ນວັດຖຸບູຮານ ແລະ ຂ້າພະເຈົ້າໄດ້ຕັ້ງຊື່ວ່າ ສະມາຄົມວັດຖຸບູຮານ ທັງລອງ. ນີ້ແມ່ນສະມາຄົມວັດຖຸບູຮານທຳອິດຂອງຫວຽດນາມໄດ້ຮັບການສ້າງຕັ້ງຂຶ້ນ, ສິ່ງດັ່ງກ່າວໄດ້ສ້າງເປັນຂະບວນການເສາະຫາ, ຮຽບຮຽງ ແລະ ອະນຸລັກຮັກສາ ວັດທະນະທຳຂອງຊາດຢູ່ທຸກແຫ່ງຫົນໃນທົ່ວປະເທດ, ມາຮອດປະຈຸບັນ, ບັນດາແຂວງນະຄອນເກືອບທັງໝົດລ້ວນແຕ່ມີສະມາຄົມ ແລະສະໂມສອນວັດຖຸບູຮານແລ້ວ”
(ພາບ: http://www.tienphong.vn)
ສະມາຄົມວັດຖຸບູຮານທັງລອງໄດ້ເຕົ້າໂຮມບັນດາຜູ້ນິຍົມວັດຖຸບູຮານ, ຮຽບຮຽງວັດຖຸບູຮານ, ດຳເນີນທຸລະກິດວັດຖຸບູຮານ, ຄົ້ນຄ້ວາວັດຖຸບູຮານ…ເຂົ້າຮ່ວມດ້ວຍຄວາມສະໝັກໃຈ. ທາງສະມາຄົມໄດ້ຈັດການສຳມະນາ, ພົບປະແລກປ່ຽນ, ຈັດງານວາງສະແດງວັດຖຸບູຮານ ແລະ ນັບແຕ່ປີ 2003 ໄດ້ພິມຈຳໜ່າຍວາລະສານວັດຖຸຮູຮານຍອດຍິງ ເພື່ອແນໃສ່ແນະນຳວັດຖຸບູຮານຂອງຫວຽດນາມ ຕໍ່ປະຊາຊົນພາຍໃນປະເທດ ແລະ ເພື່ອນມິດສາກົນ. ໃນການ ເຄືອ່ນໄຫວມາເປັນເວລາ 10 ກ່ວາປີ, ສະມາຄົມວັດຖຸບູຮານທັງລອງ ໄດ້ປະກອບສ່ວນຈຳກັດການຂາຍວັດຖຸ ບູຮານທີ່ມີຄ່າອອກຕ່າງປະເທດຢ່າງປິດລັບ. ທ່ານດ່າວຟານລອງປະທານ ສະມາຄົມວັດຖຸບູຮານທັງລອງອາຍຸການ 2010 - 2015 ໃຫ້ຮູ້ວ່າ:
“ສະມາຊິກສະມາຄົມພວກຂ້າພະເຈົ້າເຫັນວ່າ ຕ້ອງຄັດເລືອກບັນດາວັດຖຸບູຮານທີ່ມີຄຸນຄ່າ ເພື່ອແນະນຳກັບປະຊາຊົນ. ເລື່ອງໂຄສະນາ ວັດຖຸບູຮານທີ່ມີຄຸນຄ່າແມ່ນຄືແນວໃດ, ວັດຖຸບູຮານທີ່ໄດ້ຣັກການປົກປ້ອງຈາກກົດໝາຍແມ່ນຄືແນວໃດ, ການສ້າງຕະຫຼາດວັດຖຸບູຮານແມ່ນຄືແນວໃດ ເພື່ອດຶງດູດນັກທ່ອງທ່ຽວມາຊົມ ແລະ ໂຄສະນາໃຫ້ເຂົາເຈົ້າໄດ້ຮັບຊາບກ່ຽວກັບວັດຖຸບູຮານທີ່ມີສີສັນສະເພາະຂອງຫວຽດນາມ, ນັ້ນຈຶ່ງແມ່ນບັນຫາໃຫ່ຍ”
ທີ່ງານວາງສະແດງຄັ້ງຕ່າງໆ, ບັນດາວັດຖຸບູຮານທີ່ມີຄ່າຄື: ຊຸດກອງທອງດົງເຊີນ, ທາບທອງມີຮູບເຮືອຂົນສົ່ງນັກຮົບ… ໄດ້ສ້າງຄວາມປະທັບໃຈໃຫ້ແກ່ຜູ້ຊົມ. ມີງານວາງສະແດງຫລາຍຄັ້ງຍັງໄດ້ແນະນຳວັດຖຸບູຮານທີ່ເຣັດດ້ວຍຫີນ, ດິນຈີ່, ເຄື່ອງປັ້ນດິນເຜົາ… ການໂຄສະນາບັນດາບັນດາວັດຖຸບູຮານທີ່ມີສີສັນພິເສດສະເພາະຂອງ ຫວຽດນາມ ແມ່ນຄວາມມຸ້ງຫວັງຂອງຜູ້ນິຍົມສີລະປະຫລາຍຄົນ ເພາະວ່າ ບັນດາວັດຖຸພັນທີ່ນຳມາວາງສະແດງບໍ່ພຽງແຕ່ມີຄຸນຄ່າອັນໃຫຍ່ຫຼວງເທົ່ານັ້ນ ຫາກມັນຍັງສະແດງໃຫ້ເຫັນນ້ຳໃຈຂອງບັນດາສະມາຊິກໃນສະມາຄົມວັດຖຸບູຮານທັງລອງອີກດ້ວຍ.
ໂຕຕວານ