ເດີນທາງໃນພັດຕະຄານ Royal Style( ພາບ: internet)
|
ໃນຊຸມປີມໍ່ໆມານີ້, ເມື່ອມີໂອກາດຍ່າງເລາະຢູ່ຕາມຖະໜົນສາຍຕ່າງໆໃນນະ ຄອນຫຼວງຮ່າໂນ້ຍ, ຜູ້ຄົນທັງຫຼາຍອາດຈະພົບເຫັນບັນດາພັດຕະຄານທີ່ມີເຄື່ອງ ໝາຍການຄ້າສາກົນ ແລະຕາມການເວລາ, ລະບົບພັດຕະຄານນີ້ພວມນັບມື້ນັບຂະຫຍາຍຕົວຢ່າງແຂງແຮງ. ພ້ອມກັບທ່າອຽງແນະນຳວັດທະນະທຳອາຫານການກິນທີ່ເປັນເອກະລັກສະເພາະຂອງຫວຽດນາມໃຫ້ແກ່ເພື່ອນມິດສາກົນນັ້ນ, ປະຈຸບັນ, ຊາວຫວຽດນາມຍັງມີກາລະໂອກາດໄດ້ຮັບປະທານອາຫານຂອງປະເທດຕ່າງໆບົນດິນແດນບ້ານເກີດເມືອງນອນຂອງຕົນ. ໃນລາຍການສາລະຄະດີວັນເສົາພາກນີ້, ພວກເຮົາຂໍແນະນຳກ່ຽວກັບອາຫານການກິນຂອງປະເທດຕ່າງໆຜ່ານການສັງເກດຂອງຊາວຮ່າໂນ້ຍສູ່ທ່ານຟັງ.
ຕາມກົມໃຫຍ່ທ່ອງທ່ຽວຫວຽດນາມແລ້ວ,ປະຈຸບັນຢູ່ຫວຽດນາມມີພັດຕະຄານ ສາກົນປະມານ 5000 ແຫ່ງ ດ້ວຍບັນດາເຍື່ອງອາຫານພິເສດຂອງຫຼາຍປະເທດໃນໂລກ. ຖ້າມີໂອກາດຍ່າງເລາະຕາມຖະໜົນທີ່ຮ່າໂນ້ຍ, ແຂກທ່ອງທ່ຽວຈະເຫັນບັນດາປ້າຍໂຄສະນາຂອງພັດຕະຄານຕາມແບບ ຈີນ, ລັດເຊຍ, ອຸກະແລນ, ໄທ, ສິກະໂປ, ຍີປຸ່ນ, ສ.ເກົາຫຼີ, ອາເມລິກາ ຕະຫຼອດຮອດຮ້ານຂາຍກາເຟ, ເຂົ້າໜົມຕາມແບບຝະລັ່ງ, ອີຕາລີ ແລະ ອື່ນໆ. ນາງ Hoang Phuong Linh ເຈົ້າຂອງພັດຕະຄານ Royal Style ຕັ້ງຢູ່ຮ່າໂນ້ຍເປີດເຜີຍວ່າ :
“ໃນຊຸມປີມໍ່ໆມານີ້, ວັດທະນະທຳຝ່າຍຕາເວັນຕົກ, ພິເສດແມ່ນ ວັດທະນະທຳອາຫານການກິນໄດ້ແຊກຊຶມເຂົ້າຕະຫຼາດຮ່າໂນ້ຍ ແລະ ນະຄອນໂຮ່ຈິມິນຢ່າງເຫັນໄດ້ຊັດ. ຕາມຂ້າພະເຈົ້າແລ້ວ, ມີການຂະຫຍາຍຕົວເຊັ່ນນັ້ນ ແມ່ນຍ້ອນຄວາມນິຍົມບໍລິໂພກຂອງຊາວຫວຽດນາມ ຢາກຊອກຮູ້ກ່ຽວກັບບັນດາ ເຍື່ອງອາຫານໃໝ່, ດັ່ງນັ້ນ ຂ້າພະເຈົ້າຄິດວ່າ ໃນໄລຍະທີ່ຈະມາເຖິງ ມີຫຼາຍຄົນ ຈະບໍລິໂພກເຍື່ອງອາຫານສາກົນ ”
ເພື່ອສ້າງຄວາມເປັນເອກະລັກສະເພາະນັ້ນ, ເຈົ້າຂອງພັດຕະຄານຕ່າງໆລ້ວນແຕ່ເອົາໃຈໃສ່ລົງທຶນຈາກປັດໄຈສະຖານທີຈົນຮອດການປະດັບປະດາຢູ່ພາຍໃນພັດຕະຄານ. ເຄື່ອງປະດັບເອ້ເຖິງວ່າຈະນ້ອຍໆກໍຕາມ, ກໍລ້ວນແຕ່ຖືກບັນດາເຈົ້າຂອງພັດຕະຄານເລືອກເຟັ້ນຢ່າງຄົບຊຸດ ດ້ວຍເຄື່ອງປະດັບ, ພາບແຕ້ມ, ດົນຕີ, ລະບົບດອກໄຟທີ່ເປັນເອກະລັກສະເພາະຂອງແຕ່ລະປະເທດ. ນາງ Hoang Thi Huyen ເຈົ້າຂອງຮ້ານອາຫານລັດເຊຍໃຫ້ຮູ້ວ່າ :
“ ຮ້ານອາຫານຂອງຂ້າພະເຈົ້າຮັບໃຊ້ຜູ້ບໍລິໂພກດ້ວຍອາຫານຖືກສັ່ງຊື້ຈາກ ລັດເຊຍ. ດ້ວຍຄວາມຕ້ອງການທາງດ້ານວັດທະນະທຳອາຫານການກິນຂອງ ຊາວຫວຽດນາມ, ເຂົາເຈົ້າຈະບໍ່ປະຢັດເງິນໃຊ້ຈາຍສຳລັບການຮັບປະທານອາຫານຄາບໜຶ່ງ ຫຼືການລ້ຽງອາຫານໝູ່ເພື່ອນ ”
ສ່ວນທ້າວ Vadim D’ omin ເຈົ້າຂອງຮ້ານອາຫານ Budmo ຮັບໃຊ້ອາຫານລັດເຊຍ ແລະ ອຸກະແລນ ໃຫ້ຮູ້ວ່າ :
“ ຂ້າພະເຈົ້າແມ່ນຊາວ ອຸກະແລນ ແລະ ຮ້ານອາຫານຂອງພວກຂ້າພະເຈົ້າແມ່ນຮ້ານອາຫານອຸກະແລນພຽງຮ້ານດຽວຢູ່ອາຊີຕາເວັນອອກສ່ຽງໃຕ້. ຮ້ານອາຫານຂອງຂ້າພະເຈົ້າແມ່ນມຸ່ງໄປສູ່ເປົ້າໝາຍຜູ້ບໍລິໂພກທີ່ມີຄວາມເຂົ້າໃຈ ແລະ ຮັກແພງປະເທດພວກຂ້າພະເຈົ້າ, ເປັນຕົ້ນແມ່ນບັນດາຜູ້ທີ່ໄດ້ເຄີຍຮ່ຳຮຽນ ແລະ ເຮັດວຽກຢູ່ອຸກະແລນ. ພວກເພື່ອນໄດ້ມານີ້ ແນ່ນອນວ່າຈະມັກບັນດາເຍື່ອງອາຫານພິເສດສະເພາະຢູ່ຮ້ານນີ້ ” .