(vovworkd) - ປະເທດຫວຽດນາມ ແຕ່ເໜືອຮອດໃຕ້, ຢູ່ບ່ອນໃດກໍ່ມີທັດສະນີຍະພາບທີ່ສວຍງາມ. ນັບແຕ່ສະຖານທີ່ທ່ອງທ່ຽວທີ່ລືຊື່ຕະຫຼອດຮອດເຂດດິນທີ່ຫຼາຍຄົນບໍ່ຮູ້ຈັກເຖິງ, ແຕ່ລະແຫ່ງກໍ່ມີຈຸດພິເສດສະເພາະ. ດັ່ງນັ້ນ, ການໄປຄົ້ນຫາຄວາມງາມແບບເລິກລັບຂອງປະເທດຊາດ ໄດ້ກາຍເປັນຄວາມນິຍົມສຳລັບເພື່ອນໜຸ່ມ ຜູ້ມີຄວາມຂະຫຍັນຂັນເຄື່ອນແລະມັກຄົ້ນຫາ. ຍ້ອນເຫດນັ້ນເມື່ອມີເງື່ອນໄຂເຂົາເຈົ້າເຄີຍຈັດແຜນການທ່ອງທ່ຽວທີ່ຈັບອົກຈັບໃຈໃຫ້ແກ່ຕົນ.
ທ່ອງທ່ຽວຄົ້ນຫາຂົ້ວຕາເວັນອອກ
20 ໂມງວັນອາທິດ, ຢູ່ຮ້ານນ້ອຍໃນຖະໜົນຕ້າຫ້ຽນ, ຮ່າໂນ້ຍ, ບັນດາສະມາຊິກໃນກຸ່ມນິຍົມທ້ອງທ່ຽວຄົ້ນຫາ “ເຟືອດ“ ພວມປຶກສາຫາລືກ່ຽວກັບແຜນການທ່ອງທ່ຽວຈະມາເຖິງຢ່າງຟົດຟື້ນ. ສະມາຊິກແຕ່ລະຄົນຕ່າງກໍ່ມັກທ່ອງທ່ຽວ, ນິຍົມຖ່າຍຮູບ ແລະ ເຄີຍໄປຄົ້ນຫາຢູ່ຫຼາຍແຫ່ງແລ້ວ, ແຕ່ນີ້ແມ່ນເທື່ອທຳອິດທີ່ເຂົາເຈົ້າມີແຜນການໄປທ່ອງທ່ຽວໃນໂອກາດບຸນປີໃໝ່ປະຈຳຊາດເປັນເວລາ10 ວັນ. ເພື່ອນ ເລກວາງລືວ, ຖືວ່າ:
“ຫຼີເຊີນ ງາມຫຼາຍ! ຂ້າພະເຈົ້າໄດ້ໄປຫຼີເຊີນ ກ່ອນຍາມພາຍຸແລ້ວ, ເວລານັ້ນທະເລງາມທີ່ສຸດ. ຂ້າພະເຈົ້າກໍ່ເຄີຍໄປທ່ຽວເກາະບາງແຫ່ງ, ແຕ່ບໍ່ມີແຫ່ງໃດງາມກວ່າຫຼີເຊີນ. ທະເລຢູ່ທີ່ນີ້ງາມ, ຂຽວສະອາດ, ພູກໍ່ງາມ. ເກາະໄດ້ຮັບການອ້ອມຮອບດ້ວຍຄື້ນທະເລທີ່ຂາວກະຈະ. ໄປຄົ້ນຫາເກາະແມ່ນຈັບໃຈຫຼາຍ“.
ທ່ອງທ່ຽວຄົ້ນຫາຂົ້ວຕາເວັນຕົກ ໃນກຸ່ມ, ມີສະມາຊິກບາງຄົນບໍ່ຮູ້ຈັກພູມີປະເທດຢູ່ເຂດພູດອຍທາງພາກເໜືອ, ບາງຄົນຮູ້ຈັກສະຖານທີ່ທ່ອງທ່ຽວຫຼາຍແຫ່ງຢູ່ພາກກາງ, ບາງຄົນຖືວ່າພາກຕາເວັນຕົກຈັບອົກຈັບໃຈຫຼາຍ. ແຕ່ພາຍຫຼັງປຶກສາຫາລືນຳກັນ, ບັນດາສະມາຊິກໃນກຸ່ມໄດ້ຕົກລົງ ບໍ່ໄປທ່ອງທ່ຽວຢູ່ຫຼາຍແຫ່ງຍ້ອນຈະເສຍເວລາຫຼາຍ, ຫາກສຸມໃສ່ຄົ້ນຫາຂົ້ວ 4 ແຫ່ງໃນເຂດດິນຕໍ່ແຜ່ນຂອງປະເທດເຊັ່ນ: ລຸ້ງກູ໋, ແຂວງຮ່າຢາງ; ເສປາຈາຍ, ແຂວງດ້ຽນບຽນ; ວ້ານນິງ, ແຄ໋ງຮ່ວາ ແລະ ກ່າເມົາຕອນໃຕ້ສຸດຂອງຫວຽດນາມ. ແບ່ງປັນກ່ຽວກັບສາຍເຫດທີ່ພາໄປເຖິງການເລືອກເຟັ້ນລາຍການທ່ອງທ່ຽວນີ້, ອ້າຍ ຫງວຽນຟອງຟູ໋, ຫົວໜ້າໜ່ວຍ, ໃຫ້ຮູ້ວ່າ:
“ບັນດາສະມາຊິກສ່ວນຫຼາຍແມ່ນບໍ່ທັນພິຊິດຂົ້ວຂອງປະເທດຊາດ, ດັ່ງນັ້ນຈຶ່ງຢາກໄປທ່ອງທ່ຽວແຫ່ງນີ້. ເຂົາເຈົ້າໄດ້ຮັບຟັງກ່ຽວກັບເລື່ອງຂ້າມຫາດຊາຍ, ເຕັ້ນແກ້ງ ແລະ ຍ່າງຂ້າມປ່າເພື່ອໄປຍັງຂົ້ວຕາເວັນຕົກ. ຫຼືນັ່ງກາໂນຂ້າມຄື້ນທະເລໄປຍັງຂົ້ວໃຕ້. ດັ່ງນັ້ນຜູ້ໃດກໍ່ຢາກໄປເພື່ອຄົ້ນຫາ “.
ທ່ອງທ່ຽວຄົ້ນຫາຂົ້ວໃຕ້ຢູ່ກ່າເມົາ ເມື່ອໄປເຖິງຂົ້ວເໜືອ, ຂົ້ວໃຕ້, ຂົ້ສຕາເວັນອອກ, ຂົ້ວຕາເວັນຕົກໃນເຂດດິນຕໍ່ແຜ່ນຂອງປະເທດ, ທຸກຄົນໃນກຸ່ມຈະນຸ່ງເສື້ອສີແດງດາວເຫຼືອງ ແລະ ພ້ອມກັນຂັບຮ້ອງເພງຊາດນຳກັນ.
ເຂົ້າຮ່ວມຄະນະໃນຄັ້ງນີ້, ຫງວຽນໂຕ໋ຍື ຜູ້ທີ່ເຄີຍໄປຮຽນຢູ່ການາດານິຍົມລາຍການທ່ອງທ່ຽວຄັ້ງນີ້ຫຼາຍ. ຍ້ອນດຳລົງຊີວິດ ແລະ ຮຳ່ຮຽນຢູ່ຕ່າງປະເທດໄລຍະຍາວ ດັ່ງນັ້ນຈຶ່ງມີໂອກາດໄປທ່ອງທ່ຽວຢູ່ຫຼາຍປະເທດ, ແຕ່ ຍື ຍັງຢາກໄປທ່ອງທ່ຽວຢູ່ຫວຽດນາມທີ່ສຸດ ເພື່ອຄົ້ນຫາກ່ຽວກັບຄວາມງາມຂອງປະເທດຊາດກໍ່ຄືຊີວິດຂອງປະຊາຊົນ. ຫງວຽນໂຕຍື, ຖືວ່າ:
“ທັດສະນີຍະພາບຢູ່ຫວຽດນາມກໍ່ງາມເທົ່າກັບຕ່າງປະເທດ. ຖ້າຢາກຊົມຫິມະເພື່ອນສາມາດຂື້ນພູເມົາເຊີນ ຢູ່ແຂວງລາວກາຍ ໃນລະດູໜາວ, ຖ້າຢາກໄປທ່ຽວດອນຊາຍແມ່ນໄປນິງທ້ວນ, ຫຼືຢາກຢ້ຽມຢາມປາຣີ ຫຍໍ້ເຂົ້າຂອງຫວຽດນາມ ແມ່ນໄປດ່າລາດ. ແຕ່ສຳລັບຂ້າພະເຈົ້າ, ບໍ່ມີແຫ່ງໃດສັກກະລະບູຊາຄືຢູ່ຂົ້ວ 4 ແຫ່ງຂອງປະເທດຕົນ.“
ພາບປະກອບ ຢູ່ທ້ອງຖີ່ນແຕ່ລະແຫ່ງຂອງຫວຽດນາມ ກໍ່ມີຮີດຄອງປະເພນີສະເພາະ, ໃນລາຍການເດີນທາງໄປຄົ້ນຫາຂົ້ວ 4 ແຫ່ງຂອງປະເທດ, ພວກເພື່ອນໜຸ່ມໃນກຸ່ມຈະມີໂອກາດຊອກຮູ້ຮີດຄອງປະເພນີ, ວັດທະນະທຳຂອງຫຼາຍຊົນເຜົ່າຢູ່ເຂດພາກຕ່າງໆ, ຈາກນັ້ນມີຄວາມຮັກປະເທດຊາດຂອງຕົນກວ່າອີກ.