ការអំពាវនាវនេះបានកើតឡើងបន្ទាប់ពីលោក ត្រាំ នៅថ្ងៃទី ១៦ ខែធ្នូ បានបញ្ជាឱ្យ "បិទផ្លូវទាំងស្រុង និងហ្មត់ចត់" ចំពោះនាវាដឹកប្រេងត្រូវបានហាមឃាត់ទាំងអស់ដែលកំពុងប្រតិបត្តិការនៅក្នុង និងក្រៅប្រទេស វេណេស៊ុយអេឡា។
សេចក្តីប្រកាសរបស់ក្រសួងការបរទេសរុស្ស៊ីក៏បានឲ្យដឹងថា ទីក្រុងម៉ូស្គូគាំទ្រការធ្វើឱ្យមានប្រក្រតីភាពនៃការសន្ទនារវាងទីក្រុងវ៉ាស៊ីនតោន និងទីក្រុងការ៉ាកាស; ដោយសង្ឃឹមថា សហរដ្ឋអាមេរិកនឹងមិនជ្រៀតជ្រែកក្នុងស្ថានភាពដែលអាចនាំឱ្យមាន "ផលវិបាកដែលមិនអាចទាយទុកជាមុនបានសម្រាប់អឌ្ឍគោលខាងលិចទាំងមូល"។ រុស្ស៊ីក៏បានបញ្ជាក់ពីការគាំទ្ររបស់ខ្លួនចំពោះ "គោលការណ៍របស់រដ្ឋាភិបាលរបស់ប្រធានាធិបតី នីកូឡាស ម៉ាឌូរ៉ូ"។
នៅថ្ងៃដដែលនោះ អ្នកនាំពាក្យវិមានក្រឹមឡាំង លោក Dmitry Peskov បាននិយាយថា ប្រធានាធិបតីលោក វ្ល៉ាឌីមៀ ពូទីន ថ្មីៗនេះបាន ជួបសន្ទនាតាមទូរស័ព្ទជាមួយប្រធានាធិបតីវេណេស៊ុយអេឡា លោក Maduro ហើយបានអំពាវនាវឱ្យប្រទេសទាំងអស់នៅក្នុងតំបន់អនុវត្តការអត់ធ្មត់ ដើម្បីជៀសវាងការវិវត្តដែលមិនអាចទាយទុកជាមុនបាន។
ក្នុងការវិវត្តពាក់ព័ន្ធ វេណេស៊ុយអេឡាបានផ្ញើលិខិតមួយទៅកាន់ក្រុមប្រឹក្សាសន្តិសុខអង្គការសហប្រជាជាតិនៅថ្ងៃទី ១៧ ខែធ្នូ ដោយស្នើឱ្យប្រទេសសមាជិកទាំង ១៥ បើកកិច្ចប្រជុំពិភាក្សាអំពីភាពតានតឹងរវាងប្រទេសនេះ និងសហរដ្ឋអាមេរិក៕
