 ឧបនាយករដ្ឋមន្ត្រី លោក Tran Hong Ha ដឹកនាំកិច្ចប្រជុំដើម្បីស្តាប់របាយការណ៍ស្តីពីសេចក្តីព្រាងច្បាប់ស្តីពីផ្លូវដែក (វិសោធនកម្ម) (រូបថត៖ Van Diep/TTXVN) |
នៅក្នុងកិច្ចប្រជុំនេះ ឧបនាយករដ្ឋមន្ត្រីលោក Tran Hong Ha បានបញ្ជាក់ថា សេចក្តីព្រាងច្បាប់នេះ ចាំបាច់ត្រូវមានលក្ខណៈទូលំទូលាយ និងឆ្លើយតបនឹងតម្រូវការអភិវឌ្ឍន៍រយៈពេលវែងរបស់ប្រព័ន្ធផ្លូវដែក ព្រមទាំងគោលនយោបាយ យន្តការ និងយុទ្ធសាស្ត្រលើផ្លូវដែកដែលកំពុងត្រូវបានដាក់ពង្រាយអនុវត្ត សំដៅបម្រើឱ្យមានប្រសិទ្ធភាព និងសុវត្ថិភាពបំផុតក្នុងការអភិវឌ្ឍសេដ្ឋកិច្ចសង្គម និងធានាសន្តិសុខ ការពារជាតិ។
“ខ្ញុំឃើញថា បទប្បញ្ញត្តិអំពីសុវត្ថិភាពមានសារៈសំខាន់ខ្លាំងណាស់ ដូច្នេះយើងគួរតែរួមបញ្ចូលបទប្បញ្ញត្តិស្តីពីការទទួលខុសត្រូវ ការទទួលខុសត្រូវក្នុងការរៀបចំផែនការ ការអភិវឌ្ឍហេដ្ឋារចនាសម្ព័ន្ធ ការទទួលខុសត្រូវរបស់សហគ្រាស និងរបស់រដ្ឋ។ បន្ទាប់មក ត្រូវចេញផ្សាយស្តង់ដារបច្ចេកទេស ត្រូវតែមានអ្នកទទួលខុសត្រូវច្បាស់លាស់ ហើយត្រូវតែមានយន្តការ គោលនយោបាយ អង្គការ មនុស្ស និងបញ្ហាទាក់ទងនឹងការគ្រប់គ្រង យន្តការសម្រាប់ប្រតិបត្តិការនិងការត្រួតពិនិត្យ”។
ដោយសង្កត់ធ្ងន់លើសារៈសំខាន់នៃភាពស៊ីសង្វាក់គ្នា ក្នុងការគ្រប់គ្រង លោកឧបនាយករដ្ឋមន្ត្រីបានមានប្រសាសន៍ថា ច្បាប់ត្រូវកំណត់គោលការ ណ៍សម្រាប់ការអភិវឌ្ឍប្រព័ន្ធហេដ្ឋារចនាសម្ព័ន្ធផ្លូវដែក បន្ទាប់មកបញ្ជាក់ បង្ហាញលម្អិតនៅក្នុងឯកសារអនុច្បាប់។ ទន្ទឹមនឹងនោះ ក៏មានកងកម្លាំង យន្តការ និងគោលនយោបាយ ដើម្បីការពារការងារផ្លូវដែក៕
