 ប្រធានាធិបតីស៊ីរី លោក Ahmed al-Sharaa ទទួលជួបគណៈប្រតិភូពីក្រុមប្រឹក្សាសន្តិសុខអង្គការសហប្រជាជាតិនៅទីក្រុង Damascus ប្រទេសស៊ីរី ថ្ងៃទី ៤ ខែធ្នូ ឆ្នាំ ២០២៥។ រូបថត៖ REUTERS/Khalil Ashawi |
គណៈប្រតិភូនេះ ត្រូវបានរំពឹងថា នឹងជួបជាមួយមន្ត្រីរដ្ឋាភិបាលថ្មី រួមទាំងប្រធានាធិបតីបណ្តោះអាសន្ន លោក Ahmed al-Sharaa និងតំណាងជនស៊ីវិល។ គណៈប្រតិភូក៏នឹងទៅទស្សនាតំបន់ជាយក្រុង Jobar នៃទីក្រុងដាម៉ាស ដែលរងការខូចខាតយ៉ាងធ្ងន់ធ្ងរក្នុងអំឡុងពេលប្រយុទ្ធ។
លោក Samuel Zbogar ឯកអគ្គរដ្ឋទូតស្លូវេនី ដែលកាន់តំណែងជាប្រធានប្តូរវេននៃក្រុមប្រឹក្សាសន្តិសុខបានឲ្យដឹងថា គោលបំណងនៃដំណើរទស្សនកិច្ចនេះគឺដើម្បីស្តារទំនុកចិត្តរវាងអង្គការសហប្រជាជាតិ និងរដ្ឋាភិបាលស៊ីរីថ្មី ហើយបង្ហាញពីការរំពឹងទុកសម្រាប់ការផ្លាស់ប្តូរយ៉ាងទូលំទូលាយ ការរីកចម្រើនប្រកបដោយបរិយាប័ន្ន និងការប្រយុទ្ធប្រឆាំងនឹងអំពើភេរវកម្ម។ លោក Zbogar បានវាយតម្លៃថា ដំណើរទស្សនកិច្ចនេះធ្វើឡើងនៅ "ពេលវេលាដ៏សំខាន់" សម្រាប់ប្រទេសស៊ីរី និងលីបង់។ គណៈប្រតិភូ UNSC ត្រូវបានគេរំពឹងថានឹងបន្តទស្សនកិច្ចប្រទេសលីបង់ក្នុងរយៈពេលពីរថ្ងៃខាងមុខ៕
