ថ្នាក់ដឹកនាំទាំងពីរបានបញ្ជាក់ជាថ្មីនូវការឯកភាពគ្នាជាយុទ្ធសាស្ត្រនៅក្នុងវិស័យសំខាន់ៗ ដែលជាសសរស្តម្ភ នៃទំនាក់ទំនងទ្វេភាគី ដូចជាការពារជាតិ សន្តិសុខ ពាណិជ្ជកម្ម ថាមពល និងបច្ចេកវិទ្យាខ្ពស់។ ភាគីទាំងពីរក៏បានបង្ហាញពីបំណងប្រាថ្នា ក្នុងការលើកកម្ពស់កិច្ចសហប្រតិបត្តិការក្នុងបច្ចេកវិទ្យាទំនើប និងការពារជាតិក្នុងក្របខ័ណ្ឌនៃភាពជាដៃគូគ្រប់ជ្រុងជ្រោយរវាងឥណ្ឌា និងសហរដ្ឋអាមេរិក (COMPACT)។
ទាក់ទងនឹងបញ្ហាក្នុងតំបន់និងសកលលោក ថ្នាក់ដឹកនាំទាំងពីរបានព្រមព្រៀងគ្នាពង្រឹងការសម្របសម្រួលនៅក្នុងវេទិកាអន្តរជាតិ ដើម្បីលើកកម្ពស់ផលប្រយោជន៍រួម និងឆ្លើយតបប្រកបដោយប្រសិទ្ធភាពចំពោះបញ្ហាប្រឈមសកល។
ការសន្ទនាតាមទូរស័ព្ទបានបញ្ចប់ដោយការប្តេជ្ញាចិត្តក្នុងការរក្សាទំនាក់ទំនងជាប្រចាំ និងបន្តលើកកម្ពស់កិច្ចសហប្រតិបត្តិការទ្វេភាគីក្នុងអំឡុងពេលយុទ្ធសាស្ត្រនេះ ខណៈដែលទាំងទីក្រុងញូវដេលី និងទីក្រុងវ៉ាស៊ីនតោន កំពុងកែសម្រួលទំនាក់ទំនងការបរទេសរបស់ពួកគេ នៅចំពោះមុខការផ្លាស់ប្តូរភូមិសាស្ត្រនយោបាយ និងភាពតានតឹងពាណិជ្ជកម្មអន្តរជាតិ៕
