 គណៈប្រតិភូបានធ្វើពិធីប្រកាស ក្រមច្បាប់វៀតណាម។ រូបថត៖ VOV |
នៅក្នុងកម្មវិធីនេះ ឧបនាយករដ្ឋមន្ត្រីលោក Le Thanh Long និងរដ្ឋមន្ត្រីក្រសួងយុត្តិធម៌ លោក Nguyen Hai Ninh បានដំណើការកម្មវិធីប្រកាសវចនានុក្រមច្បាប់វៀតណាម។ វចនានុក្រមច្បាប់ត្រូវបានតាក់តែងឡើងពីលិខិតបទដ្ឋានជិត ៩.០០០ ដែលមានសុពលភាពរបស់ថ្នាក់មជ្ឈឹម ហើយត្រូវបានរៀបចំទៅជាប្រធានបទចំនួន ៤៥ ហើយក្នុងប្រធានបទនីមួយៗ មានមាតិកាមួយឬច្រើន។ វចនានុក្រមច្បាប់វៀតណាម គឺជាវចនានុក្រមច្បាប់អេឡិចត្រូនិក ដែលត្រូវបានបង្ហោះនៅលើវិបផតថល phapdien.moj.gov.vn ដើម្បីបម្រើដល់ការស្វែងរក និងការប្រើប្រាស់ឯកសារច្បាប់ដោយឥតគិតថ្លៃរបស់ទីភ្នាក់ងារ អង្គការ និងបុគ្គល។
 រដ្ឋមន្ត្រីក្រសួងយុត្តិធម៌ លោក Nguyen Hai Ninh។ រូបថត៖ VOV |
រដ្ឋមន្ត្រីក្រសួងយុត្តិធម៌ លោក Nguyen Hai Ninh បានឲ្យដឹងថា៖ “វចនានុក្រមច្បាប់អេឡិចត្រូនិក ដែលជាផលិតផលផ្លូវការរបស់រដ្ឋ គឺជាឧបករណ៍ស្វែងរកផ្លូវច្បាប់ជាប្រព័ន្ធ ទូលំទូលាយ និងពេញលេញ ជាមួយនឹងអត្ថន័យ និងតម្លៃជាក់ស្តែងក្នុងការធានានូវភាពបើកចំហ និងតម្លាភាព ងាយស្រួលចូលប្រើ ងាយស្រួលក្នុងការរកមើលបទប្បញ្ញត្តិច្បាប់។ វចនានុក្រមច្បាប់រួមចំណែកកាត់បន្ថយការចំណាយលើការអនុលោមតាមច្បាប់ និងជាដំណោះស្រាយដ៏សំខាន់សម្រាប់ការទំនាក់ទំនងគោលនយោបាយ បើកប្រភពថ្មី និងបង្កើនប្រសិទ្ធភាពក្នុងការកសាង និងអនុវត្តន៍គោលនយោបាយច្បាប់”៕
