ប្រធានាធិបតីអ៊ុយក្រែន បញ្ជាក់ថានឹងពិភាក្សាជាមួយសមភាគីអាមេរិកអំពីផែនការ ២៨ ចំណុច

ប្រធានាធិបតីអ៊ុយក្រែន Volodymyr Zelensky ។ រូបថត៖ REUTERS

នៅក្នុងសេចក្តីថ្លែង មួយបានចុះផ្សាយតាមអ៊ីនធឺណិត លោកប្រធានាធិបតី Zelensky បានថ្លែងថា អ៊ុយក្រែនវាយតម្លៃខ្ពស់ចំពោះការគាំទ្រពីប្រទេសដទៃទៀត ក៏ដូចជាវិធីសាស្រ្តមានលក្ខណៈ "ស្ថាបនា" របស់សហរដ្ឋអាមេរិក។

នៅថ្ងៃដដែលនោះ អ្នកនាំពាក្យសេតវិមាន លោកស្រី Karoline Leavitt ក៏បាននិយាយផងដែរថា សហរដ្ឋអាមេរិក និងអ៊ុយក្រែនបានចរចាប្រកបដោយផ្លែផ្កាលើកិច្ចព្រមព្រៀងដែលអាចកើតមាន ដើម្បីបញ្ចប់ជម្លោះនៅក្នុងប្រទេសអឺរ៉ុបខាងកើតនេះ; ដោយបញ្ជាក់ថា ប្រធានាធិបតីអាមេរិក លោក Donald Trump មានសុទិដ្ឋិនិយមអំពីការអាចឈានដល់កិច្ចព្រមព្រៀងមួយ។

នៅក្នុងការវិវឌ្ឍពាក់ព័ន្ធមួយ នៅថ្ងៃទី ២៥ ខែវិច្ឆិកា ការវាយប្រហារដោយយន្តហោះគ្មានមនុស្សបើកបានបន្តនៅក្នុងប្រទេសអ៊ុយក្រែន និងរុស្ស៊ី ដែលបណ្តាលឱ្យមានអ្នកស្លាប់ និងរបួស និងការខូចខាតនៅក្នុងតំបន់ជាច្រើន។ ទន្ទឹមនឹងនេះ នៅភាគខាងត្បូងនៃប្រទេសរុស្ស៊ី ខេត្តនិងទីក្រុងជាច្រើនរួមមាន Rostov, Taganrog, Krasnodar, Novorossiysk, Kabardinka, Petrushino, Veselo-Voznesenka និង Myskhako បានរាយការណ៍លើការខូចខាតពីការវាយប្រហារដោយយន្តហោះគ្មានមនុស្សបើកទ្រង់ទ្រាយធំ៕