 អគ្គលេខាបក្ស ប្រធានរដ្ឋវៀតណាមលោក តូ ឡឹម អញ្ជើញចូលរួមកិច្ចសន្ទនាធុរកិច្ចជាមួយសហគ្រាសអាមេរិកឈានមុខគេ។ (រូបថត៖ VNA) |
ថ្លែងមតិក្នុងកិច្ចសន្ទនា លោកអគ្គលេខាបក្ស ប្រធានរដ្ឋ មានបំណងថា រដ្ឋាភិបាលអាមេរិកនឹងជំរុញ និងលើកទឹកចិត្តសហគ្រាស អាមេរិកបង្កើនការវិនិយោគនៅវៀតណាម ហើយ វិនិយោគិនអាមេរិកនឹងស្រាវជ្រាវ និងពង្រីកការវិនិយោគនៅក្នុងឧស្សាហកម្ម និងវិស័យនានា ដូចជាវិទ្យាសាស្ត្របច្ចេក វិទ្យា នវានុវត្តន៍ ការស្រាវជ្រាវ និងអភិវឌ្ឍន៍ សេដ្ឋកិច្ចបៃតង សេដ្ឋកិច្ចឌីជីថល សេដ្ឋ កិច្ចវិលជុំ សេដ្ឋកិច្ចចំណេះដឹង; អភិវឌ្ឍន៍ឧស្សាហកម្មបន្ទះឈីប semiconductor បញ្ញា សិប្បនិមិត្ត (AI) អ៊ីនធឺណេតនៃវត្ថុ (IOT); ថាមពលថ្មី ថាមពលកកើតឡើងវិញ; ហិរញ្ញ វត្ថុ មជ្ឈមណ្ឌលហិរញ្ញវត្ថុ; ជីវបច្ចេកវិទ្យា វេជ្ជសាស្ត្រ ជាដើម។ លោកអគ្គលេខាបក្ស ប្រធានរដ្ឋ តូ ឡឹម សង្ឃឹមថា វិនិយោគិនអាមេរិកនឹងបន្តគាំទ្រដើម្បីឲ្យរដ្ឋាភិបាល អាមេរិកទទួលស្គាល់វៀតណាមជាសេដ្ឋកិច្ចទីផ្សារក្នុងពេលឆាប់ៗនេះ តាមនោះបង្កើត លក្ខខណ្ឌអំណោយផលសម្រាប់សហគ្រាសនៃភាគីទាំងពីរសហប្រតិបត្តិការវិនិយោគ។
ក្នុងឱកាសនេះ លោកអគ្គលេខាបក្ស ប្រធានរដ្ឋ តូ ឡឹម បានអញ្ជើញធ្វើជាសាក្សី ក្នុងពិធីទទួល-ប្រគល់ឯកសារដែលបានចុះហត្ថលេខារវាងសហគ្រាសវៀតណាម និង អាមេរិកលើវិស័យដូចជា៖ ការផ្លាស់ប្ដូរថាមពល និងការស្រាវជ្រាវផ្ទេរបច្ចេកវិទ្យាក្នុង វិស័យថាមពល; ដំណោះស្រាយផ្នែកទន់នៅក្នុងឧស្សាហកម្មអគ្គិសនី និងប្រេងឧស្ម័ន; បញ្ញាសិប្បនិមិត្ត (Al) semiconductor និងការសាងសង់មជ្ឈមណ្ឌលទិន្នន័យនៅ ប្រទេសវៀតណាម; អាកាសចរណ៍ និងការផលិតឧស្ម័នធម្មជាតិ៕
