ភ្ញៀវទេសចរអាល់ហ្សេរីកំពុងមើលស្នាដៃបោះពុម្ពផ្សាយទេសចរណ៍របស់វៀតណាមនៅក្នុងពិធីបុណ្យ។ (រូបថត៖ ម៉ាញហ៊ុង/VNA)
ពិធីបុណ្យទេសចរណ៍វាលខ្សាច់សាហារ៉ាអន្តរជាតិលើកទី ៧ បានបើកនាថ្ងៃទី ៤ ខែធ្នូ និងប្រព្រឹត្តទៅក្នុងរយៈពេល ៣ ថ្ងៃនៅខេត្ត Timimoun ប្រទេសអាល់ហ្សេរី។ ស្ថានទូតវៀតណាមប្រចាំនៅអាល់ហ្សេរីបានសហការជាមួយក្រុមហ៊ុនទេសចរណ៍ធំៗចំនួន ២ របស់វៀតណាមគឺ Saigontourist និង Vietravel ដើម្បីបើកស្តង់ឧទ្ទេសនាម ដំណើរកម្សាន្តនៅវៀតណាម ដែលទាក់ទាញចំណាប់អារម្មណ៍យ៉ាងខ្លាំងពីភ្ញៀវ ទេសចរអន្តរជាតិ។
ស្ថានទូតវៀតណាមប្រចាំនៅអាល់ហ្សេរីបាននិយាយថា ក្រៅពីស្នាដៃបោះពុម្ព ផ្សាយមួយចំនួនដែលឧទ្ទេសនាមអំពីផលិតផលទេសចរណ៍របស់ Saigontourist និង Vietravel ស្តង់របស់វៀតណាមនៅក្នុងពិធីបុណ្យនេះក៏មានរូបថតធំៗជាច្រើន នៃរមណីយដ្ឋានដ៏ល្បីល្បាញនៅក្នុងប្រទេសវៀតណាមផងដែរ។ លើសពីនេះ នៅពេលទស្សនាស្តង់របស់វៀតណាម ភ្ញៀវទេសចរអន្តរជាតិក៏មានឱកាសទទួល ទានកាហ្វេ ដំណាប់ខ្ញី និងទស្សនាផលិតផលសិប្បកម្មពិសេសៗមួយចំនួនផងដែរ៕