ການຮ່ວມມືສາກົນຂັ້ນທ້ອງຖີ່ນປະກອບສ່ວນນຳຫວຽດນາມເຊື່ອມໂຍງເຂົ້າກັບສາກົນ
ທ່ານຮອງລັດຖະມົນຕີການຕ່າງປະເທດ ບູ່ຍແທງເຊີນ
(vovworld) – ການໂອ້ລົມສົນທະນາສາກົນດ້ວຍຫົວຂໍ້ວ່າ “ທ້ອງຖີ່ນ - ເປັນເຈົ້າພາບຂອງການຮ່ວມມືສາກົນ” ໂດຍກະຊວງການຕ່າງປະເທດ ຫວຽດນາມ ຈັດຕັ້ງໃນຕອນເຊົ້າວັນທີ 13/8 ຢູ່ ຮ່າໂນ້ຍ, ອັນໄດ້ດຶງດູດຜູ້ແທນ 150 ຄົນຂອງ 63 ອົງການສຳນັກງານພົວພັນກັບຕ່າງປະເທດຂັ້ນທ້ອງຖີ່ນ, ຜູ້ຕາງໜ້າບາງອົງການສູນກາງ, ຜູ້ຕາງໜ້າບັນດາອົງການການທູດ ແລະ ບາງອົງການສາກົນປະຈຳ ຮ່າໂນ້ຍ ເຂົ້າຮ່ວມ. ກ່າວຄຳເຫັນທີ່ການໂອ້ລົມສົນທະນາ, ທ່ານຮອງລັດຖະມົນຕີການຕ່າງປະເທດຫວຽດນາມ ບູ່ຍແທງເຊີນ ໃຫ້ຮູ້ວ່າ: ນີ້ແມ່ນກາລະໂອກາດເພື່ອໃຫ້ບັນດາຜູ້ແທນຊອກຮູ້ກາລະໂອກາດ, ການທ້າທາຍຈາກນັ້ນຍົກອອກຂໍ້ສະເໜີແນະບັນດາມາດຕະການ, ຮູບແບບການຮ່ວມມືທີ່ເໝາະສົມໃນການຮ່ວມມືສາກົນຂັ້ນທ້ອງຖີ່ນໃນປະຈຸບັນ. ທ່ານຮອງລັດຖະມົນຕີການຕ່າງປະເທດ ບູ່ຍແທງເຊີນ, ຢືນຢັນວ່າ:
“ເລື່ອງຍູ້ແຮງບັນດາການເຄື່ອນໄຫວພົວພັນຕ່າງປະເທດຂອງທ້ອງຖີ່ນເວົ້າລວມ, ເພີ່ມທະວີບັນດາການພົວພັນຮ່ວມມືສາກົນຂັ້ນທ້ອງຖີ່ນເວົ້າສະເພາະ, ບໍ່ພຽງແຕ່ແມ່ນຄວາມຮຽກຮ້ອງຕ້ອງການໃນປະຈຸບັນເພື່ອແນໃສ່ລະດົມ, ຂຸດຄົ້ນແຫຼ່ງກຳລັງພາຍນອກໃຫ້ແກ່ພາລະກິດພັດທະນາເສດຖະກິດ - ສັງຄົມຂອງບັນດາທ້ອງຖີ່ນຢ່າງສູງສຸດເທົ່ານັ້ນ, ຫາກຍັງປະກອບສ່ວນປະຕິບັດໜ້າທີ່ລວມຂອງປະເທດຊາດກ່ຽວກັບການເຊື່ອມໂຍງເຂົ້າກັບສາກົນອີກດ້ວຍ.”