ການໂອ້ລົມສົນທະນາທາງອອນລາຍ “ເພື່ອນຳໃຊ້ແຫຼ່ງຊັບພະຍາກອນມະນຸດທີ່ມີຄຸນນະພາບສູງຢ່າງມີປະສິດທິຜົນ” (ພາບ: TTXVN)

ທີ່ການໂອ້ລົມສົນທະນາ, ເມື່ອແລກປ່ຽນກ່ຽວກັບແຫຼ່ງຊັບພະຍາກອນມະນຸດທີ່ມີຄຸນນະພາບສູງ, ທ່ານ ບຸ່ຍຊີ້ເລີ້ຍ ຮອງປະທານກຳມາທິການບັນດາບັນຫາສັງຄົມຂອງ ສະພາແຫ່ງຊາດ ຫວຽດນາມ ຖືວ່າ ແຫຼ່ງຊັບພະຍາກອນມະນຸດທີ່ມີຄຸນນະພາບສູງແມ່ນແຫຼ່ງຊັບພະຍາກອນມະນຸດທີ່ມີພູມປັນຍາ, ບຸກຄະລິກກະພາບ, ມີສີມື, ມີກຳລັງຄວາມສາມາດທີ່ໂດດເດັ່ນ ແລະ ສາມາດປະຕິບັດໜ້າທີ່ໃຫ້ສຳເລັດເປັນຢ່າງດີ. ເຮັດໄດ້ຄືແນວນັ້ນຈຶ່ງສາມາດຕອບສະໜອງຕາມຄວາມຮຽກຮ້ອງຕ້ອງການ, ວິວັດການຫັນປະເທດຊາດເປັນປະເທດອຸດສາຫະກຳ ແລະ ທັນສະໄໝ, ສາມາດສຳຜັດກັບການປະຕິວັດອຸດສາຫະກຳ ຄັ້ງທີ 4.

        ເມື່ອຫວນຄືນ, ຕີລາຄາກ່ຽວກັບຄຸນນະພາບແຫຼ່ງຊັບພະຍາກອນມະນຸດໃນປັດຈຸບັນຂອງ ຫວຽດນາມ, ທ່ານ ບຸ່ຍຊີ້ເລີ້ຍຖືວ່າ ໃນວິວັດການ ເຊື່ອມໂຍງພ້ອມກັບການເຂົ້າຮ່ວມບັນດາສັນຍາການຄ້າເສລີ, ຮຽກຮ້ອງໃຫ້ແຮງງານຫວຽດນາມຕ້ອງມີຄຸນນະພາບສູງເພື່ອຕອບສະໜອງຄວາມຕ້ອງການຂອງການຕະຫຼາດ. ເພື່ອປະຕິບັດໄດ້ສິ່ງນີ້, ທ່ານບຸ່ຍຊີ້ເລີ້ຍຖືວ່າຕ້ອງມີວິທີການຕີລາຄາ, ສັງເກດໃຫ້ເໝາະສົມກັບຄວາມຕ້ອງການຂອງຕະຫຼາດແຮງງານໃນແຕ່ລະໄລຍະ.