ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ແລະ ບັນດາການນຳ ຫວຽດນາມ ສົນທະນາທາງໂທລະສັບກັບທ່ານ João Manuel Gonçalves Lourenço ປະທານາທິບໍດີ ສ.ອັງໂກລາ

ຕອນຄ່ຳວັນທີ 16 ມີນາ, ໃນການສົນທະນາທາງໂທລະສັບກັບທ່ານ João Manuel Gonçalves Lourenço ປະທານາທິບໍດີ ສ.ອັງໂກລາ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ໄດ້ສະແດງຄວາມວິຕົກກັງວົນຢ່າງເລິກເຊິ່ງຕໍ່ໜ້າການຜັນແປຂອງບັນດາການປະທະກັນຢູ່ ຕາເວັນອອກກາງ ແລະ ສະເໜີໃຫ້ ອັງໂກລາ ໜູນຊ່ວຍນ້ຳມັນດິບ ແລະ ເຊື້ອເພີງໃຫ້ແກ່ ຫວຽດນາມຕື່ມອີກ, ສົມທົບກັນຊຸກຍູ້ການຜັນຂະຫຍາຍ ບົດບັນທຶກຄວາມເຂົ້າໃຈໃນຂົງເຂດນ້ຳມັນອາຍແກັດລະຫວ່າງບໍລິສັດໃຫຍ່ ສຳຫຼວດ ແລະ ຂຸດຄົ້ນນ້ຳມັນອາຍແກັດ ຫວຽດນາມ ແລະ ບໍລິສັດສຳຫຼວດ, ຂຸດຄົ້ນນ້ຳມັນອາຍແກັດ ອັງໂກລາ (Sonangol E&P) ກໍຄືການເຄື່ອນໄຫວຂຸດຄົ້ນນ້ຳມັນອາຍແກັດຂອງກຸ່ມບໍລິສັດ ຊວັນທ້ຽນ ໂດຍໄວ.

ທ່ານ João Manuel Gonçalves Lourenço ປະທານາທິບໍດີ ສ.ອັງໂກລາ

ກ່ຽວກັບການພົວພັນສອງຝ່າຍ, ທ່ານນາຍົກລັດຖະມົນຕີ ສະເໜີໃຫ້ສອງປະເທດຕ້ອງສືບຕໍ່ສົມທົບກັນຢ່າງແໜ້ນແຟ້ນ ເພື່ອແນໃສ່ຜັນຂະຫຍາຍບັນດາຄຳໝັ້ນສັນຍາ, ຂໍ້ຕົກລົງຢ່າງມີປະສິດທິຜົນ, ພິເສດໃນບັນດາຂົງເຂດທີ່ມີທ່າແຮງ, ເຊັ່ນ: ການຄ້າ, ການລົງທຶນ, ກະສິກຳ, ການຂຸດຄົ້ນບໍ່ແຮ່ ແລະ ຄວາມໝັ້ນຄົງດ້ານພະລັງງານ, ນຳວົງເງິນການຄ້າສອງຝ່າຍຂຶ້ນລະດັບ 01 ຕື້ USD ໃນໄລຍະຈະມາເຖິງໂດຍໄວ. ທ່ານນາຍົກລັດຖະມົນຕີ ອັງໂກລາ ຕັ້ງໜ້າສະໜັບສະໜູນ ຫວຽດນາມ ເພີ່ມທະວີການພົວພັນກັບ ສະຫະພາບເອີຣົບ (AU), ພິເສດໃນບັນດາຂົງເຂດບຸລິມະສິດ: ຮັກສາສັນຕິພາບ, ກະສິກຳ, ສາທາລະນະສຸກ, ການສຶກສາ, ການຫັນເປັນດີຈີຕອນ.

ສ່ວນທ່ານ João Manuel Gonçalves Lourenço ປະທານາທິບໍດີ ສ.ອັງໂກລາ ຢັ້ງຢືນວ່າ ຍາມໃດກໍຕີລາຄາສູງສາຍພົວພັນມິດຕະພາບອັນດີງາມກັບ ຫວຽດນາມ, ພ້ອມແລ້ວທີ່ຈະຮັບຟັງ, ຊຸກຍູ້ໂອກາດຮ່ວມມືລະຫວ່າງສອງພື້ນຖານເສດຖະກິດ; ພ້ອມທັງປາດຖະໜາວ່າ ສອງປະເທດຈະສືບຕໍ່ຊຸກຍູ້ການຮ່ວມມືແລກປ່ຽນຄະນະຜູ້ແທນລະຫວ່າງ ລັດຖະບານ ແລະ ບັນດາວິສາຫະກິດຂອງສອງຝ່າຍ. ແບ່ງປັນກ່ຽວກັບສະພາບການປະທະກັນຢູ່ພາກພື້ນຕາເວັນອອກກາງ ໃນປັດຈຸບັນ, ທ່ານປະທານາທິບໍດີ ອັງໂກລາ ຖືວ່າ ບັນດາປະເທດຖືກຜົນສະທ້ອນນັ້ນ ຕ້ອງມີການແລກປ່ຽນ, ສົມທົບກັນເພື່ອຫຼຸດຜ່ອນຜົນກະທົບອັນຫຍໍ້ທໍ້ ຍ້ອນການປະທະກັນນຳມາໃຫ້.