ເປີດກາລະໂອກາດໃໝ່, ຊຸກຍູ້ການຮ່ວມມືຫວຽດ ນາມ - ສະຫະພັນລັດເຊຍ
(ເປີດກາລະໂອກາດໃໝ່, ຊຸກຍູ້ການຮ່ວມມືຫວຽດນາມ - ສະຫະພັນລັດເຊຍ)
(vovworld) - ຕອນຄຳ່ວັນທີ 30/6, ລາຍການສິລະປະທີ່ເຂັ້ມຂົ້ນໄປດ້ວຍສີສັນວັດທະນະທຳຫວຽດນາມ ໄດ້ດຳເນີນຢູ່ນະຄອນ Yaroslavl, ສະຫະພັນລັດເຊຍ. ນີ້ແມ່ນການເຄື່ອນໄຫວສຸດທ້າຍໃນບັນດາການເຄື່ອນໄຫວທີ່ເຕັມໄປດ້ວຍຄວາມໝາຍຂອງຊຸມວັນວັດທະນະທຳຫວຽດນາມຢູ່ສະຫະພັນລັດເຊຍ ໂດຍກະຊວງວັດທະນະທຳກິລາ ແລະ ທ່ອງທ່ຽວຫວຽດນາມ, ສົມທົບກັບກະຊວງວັດທະນະທຳສະຫະພັນລັດເຊຍ ຈັດຕັ້ງຂຶ້ນແຕ່ວັນທີ 24/6-2/7.
ກ່ອນໜ້ານັ້ນ, ຕອນເຊົ້າວັນທີ 30/6, ທີ່ການຕ້ອນຮັບລັດຖະມົນຕີກະຊວງ ວັດທະນະທຳກິລາ ແລະ ທ່ອງທ່ຽວຫວຽດນາມ ຮ່ວາງຕ໋ວນແອງ ພ້ອມກັບຄະນະຜູ້ແທນຫວຽດນາມ. ທ່ານ Alechxandr Netraev, ຮອງເຈົ້າຄອງນະຄອນ Yaroslavl ໄດ້ຕີລາຄາສູງຄວາມສາມາດບົ່ມຊ້ອນ ແລະ ຜົນງານຕ່າງໆໃນການພົວພັນແລກປ່ຽນດ້ານການຄ້າລະຫວ່າງນະຄອນ Yaroslavl ກັບຫວຽດນາມ ແລະ ສະແດງໃຫ້ເຫັນຄວາມປະເອີບໃຈຕໍ່ແງ່ຫວັງຮ່ວມມືໃນໄລຍະຈະມາເຖິງ.
ເມື່ອສະເໜີບັນດາຂົງເຂດທີ່ສາມາດເປີດກວ້າງການຮ່ວມມືໃນອະນາຄົດ, ທ່ານລັດຖະມົນຕີກະຊວງ ວັດທະນະທຳກິລາ ແລະ ທ່ອງທ່ຽວຫວຽດນາມ ຮ່ວາງຕ໋ວນແອງເນັ້ນໜັກວ່າ:
“ຫວັງວ່າ, ສາຍພົວພັນຂອງພວກເຮົານັບມື້ນັບລະອຽດຜ່ານການພົວພັນ ດ້ານກິລາ, ການເພີ່ມຈຳນວນນັກທ່ອງທ່ຽວຫວຽດນາມໄປຍັງ Yaroslavl ກໍ່ຄືເພີ່ມຈຳນວນນັກທ່ອງທ່ຽວ Yaroslavl ເວົ້າສະເພາະ ແລະ ລັດເຊຍ ເວົ້າລວມ ມາຫວຽດນາມເວົ້າລວມ ແລະ ນະຄອນດ່ານັ້ງ ເວົ້າສະເພາະ, ພວກເຮົາກໍ່ຈະພ້ອມກັນແລກປ່ຽນກ່ຽວກັບທຸກສິ່ງທີ່ພວກເຮົາໄດ້ຮັບຜົນງານ ແລະ ສິ່ງທີ່ພວກເພື່ອນມີຄວາມຕ້ອງການ ເພື່ອໃຫ້ພວກເຮົາສືບຕໍ່ເປີດກວ້າງການຮ່ວມມືນຳກັນ“