ໃນລາຍການ “ໂອ້ລົມກັບເພື່ອນລາວ” ພາກນີ້, ພວກເຮົາຂໍແນະນຳສະຖານທີ່ທ່ອງທ່ຽວບາງແຫ່ງຂອງ ຫວຽດນາມ ເຊິ່ງທ່ານຜູ້ຟັງມີຄວາມສົນໃຈ. ເຊີນທ່ານຕິດຕາມຮັບຟັງ.
*******
ນາງ ໄພວອນ ວິລາວົງ ຢູ່ແຂວງ ອັດຕະປື, ໄດ້ຝາກ ອີແມວເຖິງລາຍການ ໂດຍມີຕອນຂຽນວ່າ: ລະດູຮ້ອນປີນີ້ແດດກ້າ, ຮ້ອນເອົ້າ, ຂ້າພະເຈົ້າພ້ອມກັບຄອບຄົວ ຢາກໄປທ່ອງທ່ຽວ, ອາບນ້ຳທະເລຢູ່ ຫວຽດນາມ ແຕ່ວ່າບໍ່ຮູ້ບ່ອນໃດທັງສະດວກ, ທັງມີຫາດຊາຍທະເລສວຍງາມ ແລະ ສະອາດ. ຂໍໃຫ້ທາງລາຍການແນະນຳໃຫ້ແດ່?
ນາງ ໄພວອນ ທີ່ເຄົາລົບ, ຖ້າຫາກເພື່ອນຢູ່ແຂວງ ອັດຕະປຶ ອາດຈະໄປທ່ອງທ່ຽວຢູ່ແຂວງ ກວາງຫງາຍ. ພາຍຫຼັງຂ້າມຊາຍແດນ ພູເກືອ, ຜ່ານແຂວງ ດັກລັກ ກໍ່ໄປຮອດແຂວງ ກວາງຫງາຍ. ແຂວງ ກວາງຫງາຍ ແມ່ນແຂວງແຄມທະເລທາງພາກກາງ ຫວຽດນາມ, ມີຫາດຊາຍທະເລຍາວກ່ວາ 130 ກມ. ເມື່ອໄປຮອດແຫ່ງນີ້, ເພື່ອນສາມາດຄົ້ນຫາສະຖານທີ່ທ່ອງທ່ຽວທຳມະຊາດທີ່ສວຍງາມ ຫຼາຍແຫ່ງຄື:
![ແນະນຳສະຖານທີ່ທ່ອງທ່ຽວບາງແຫ່ງຂອງ ຫວຽດນາມ - ảnh 1](https://image.vovworld.vn/w730/uploaded/vovworld/bcgmbuiq/2014_05_30/123.jpg)
ເກະາຫຼີເຊີນ
+ ເກາະຫຼີເຊີນ ບ່ອນທີ່ໄດ້ຮັບການຂະໜານນາມວ່າ “ພະລາດຊະວັງແຫ່ງ ຫົວຜັກທຽມ”, ຍ້ອນວ່າຢູ່ທີ່ນີ້ປະຊາຊົນປູກຜັກທຽມເປັນຈຳນວນຫຼາຍຫົວຜັກທຽມຢູ່ທີ່ນີ້ມີລົດຊາດພິເສດ, ທີ່ໄດ້ສົ່ງໄປຂາຍຢູ່ທົ່ວທຸກແຫ່ງໃນທົ່ວປະເທດ, ນອກນັ້ນຍັງສົ່ງໄປຂາຍຢູ່ຕ່າງປະເທດອີກດ້ວຍ. ການຫາປາ ແລະ ປຸງແຕ່ງສິນໃນນ້ຳກໍ່ແມ່ນທ່າແຮງຂອງເກາະ. ນອກຈາກມີຫາດຊາຍທະເລທີ່ຍາວຢຽດ, ດ້ວຍຊາຍທະເລຂາວ, ສະອາດ, ໃນເກາະຍັງມີປູຊານີຍະສະຖານທັດສະນີຍະພາບທີ່ມີຊື່ສຽງຫຼາຍແຫ່ງ. ເກາະກໍ່ແມ່ນບ່ອນຍັງຄົງຮັກສາບັນດາຮ່ອງຮອຍພື້ນຖານອະລິຍະທຳທີ່ມີມາແຕ່ສະໄໝດຶກດຳບັນ ແລະ ວັດທະນະທຳ ຊາຮິ່ງ, ວັດທະນະທຳ ຈຳປາ. ຄຽງຄູ່ກັນນັ້ນ, ເກາະ ຫຼີເຊີນ ກໍ່ແມ່ນບ່ອນດຳເນີນພິທີງານບຸນຕ່າງໆຄື ພິທີອາໄລຫາທະຫານຮ່ວາງຊາ, ພິທີຊ່ວງເຮືອ ຕື໋ລີງ...
+ ຫາດຊາຍທະເລ ຢູງກວດ: ນອນໃນທາງທິດຕາເວັນອອກສ່ຽງເໜືອ ຫ່າງຈາກເທດສະບານ ກວາງຫງາຍ ປະມານ 70 ກມ, ທະເລ ຢູງກວດ ມີຄວາມເລິກພໍສົມຄວນ, ເໝາະສົມໃຫ້ການອາບນ້ຳທະເລ, ດຳນ້ຳ. ແລະໃນຕໍ່ໜ້າ, ດ້ວຍເລື່ອງກໍ່ສ້າງນະຄອນ ວ້ານເຕື່ອງ ທີ່ທັນສະໄໝ, ແຂວງ ກວາງຫງາຍ ຈະມີຄວາມສາມາດບົ່ມຊ້ອນຫຼາຍຢ່າງ, ເປັນແຫ່ງດຶງດູດການລົງທຶນຈາກຕ່າງປະເທດຢູ່ພາກກາງ ແລະ ແມ່ນສະຖານທີ່ທ່ອງທ່ຽວ ດຶງດູດແຂກທ່ອງທ່ຽວທັງຢູ່ພາຍໃນ ແລະ ຕ່າງປະເທດ.
+ ຫາດຊາຍທະເລ ໝີເຄ: ຫາດຊາຍທະເລ ໝີເຄ ຂຶ້ນກັບເມືອງ ເຊີນຕິງ ຫ່າງຈາກເທດສະບານ ກວາງຫງາຍ ພຽງ 15 ກມ, ຫ່າງຈາກທ່າກຳ່ປັນ ຢູງກວດ 16 ກມ. ໝີເຄ ແມ່ນຫາດຊາຍທະເລທີ່ມີຄວາມຍາວ 7 ກມ ມີອາກາດປອດໂປ່ງ, ແລະ ຖືກປົກຄຸມດ້ວຍຕົ້ນສົນທີ່ຂຽວອຸ່ມທຸ່ມ, ຢູ່ຂ້າງແມ່ນແມ່ນ້ຳ ກິງ ດ້ວຍຈ້ຳຈຶດຈາກຍານເໜືອ ແລະ ລົດນ້ຳເຂັມຈາກທະເລ ອັນໄດ້ນຳມາເຊິ່ງອາຫານທະເລທີ່ອຸດົມສົມບູນ.
+ ຫາດຊາຍທະເລ ຊາຮິ່ງ: ຊາຮິ່ງ ແມ່ນຫາດຊາຍທະເລທີ່ສວຍ ແລະ ມີຊື່ສຽງແມ່ນອູ່ເກືອສຳຄັນຂອງພາກກາງ, ເຊິ່ງນອນໃນເຂດໃຕ້ສຸດຂອງແຂວງ ກວາງຫງາຍ, ຂຶ້ນກັບເມືອງ ດຶກໂຝ, ຫ່າງຈາກນະຄອນ ກວາງຫງາຍ 60 ກມ. ຫາດຊາຍທະເລຂອງ ຊາຮິ່ງ ມີສີເຫຼືອງງາມຕາ, ດັ່ງນັ້ນຈຶ່ງເອີ້ນວ່າ ຊາຮ່ວາງ (ຂີ້ຊາຍສີເຫຼືອງ). ດ້ວຍຄວາມຍາວເກືອບ 6 ກມ, ບໍ່ມີຫາດຫີນໃຕ້ນ້ຳ, ດັ່ງນັ້ນມັນຈຶ່ງເໝາະສົມກັບການເຄື່ອນໄຫວຕ່າງໆຄື: ລອຍນ້ຳ, ລະຫຼີ້ນບົນຫາດຊາຍ...
ນອກຈາກນັ້ນ, ຄອບຄົວຂອງເພື່ອນກໍ່ສາມາດໄປຢ້ຽມຢາມບາງທັດສະນີຍະພາບໂດ່ງດັງຢູ່ແຂວງນີ້ຄື: ວັດ ທຽນເອີນ, ປູຊະນີຍະສະຖານ ແທ່ງຫຼູຍ. ອາຫານການກິນຢູ່ທີ່ນີ້ ທັງສົດ, ແຊບນົວ, ເປັນເອກລັກສະເພາະແຕ່ລາຄາກໍ່ເໝາະສົມ, ຫວັງວ່າຈະສ້າງຄວາມປະທັບໃຈໃຫ້ຄອບຄົວຂອງເພື່ອນ. ພວກຂ້າພະເຈົ້າຫວັງວ່າ, ດ້ວຍແຫຼ່ງຂ່າວທີ່ກ່າວມາຂ້າງເທິງນັ້ນຈະຊ່ວຍໃຫ້ຄອບຄົວຂອງເພື່ອນເລືອກເຟັ້ນໄດ້ສະຖານທີ່ທ່ອງທ່ຽວທີ່ເໝາະສົມໃຫ້ແກ່ຕົນ ແລະ ມີການທ່ອງທ່ຽວເຕັມໄປດ້ວຍຄວາມປະທັບໃຈ.
![ແນະນຳສະຖານທີ່ທ່ອງທ່ຽວບາງແຫ່ງຂອງ ຫວຽດນາມ - ảnh 2](https://image.vovworld.vn/w730/uploaded/vovworld/bcgmbuiq/2014_05_30/vin.jpg)
ລະບົບກະເຊົ້າລອຍຟ້າ
ສ່ວນເພື່ອນ ວັນນິດາ, ຢູ່ແຂວງ ວຽງຈັນ ໄດ້ໂທລະສັບມາຍັງລາຍການ ໂດຍຖາມວ່າ: ຂ້າພະເຈົ້າໄດ້ຊົມລາຍການງານປະກວດ ນາງງາມໂລກ ປີ 2008 ທາງອິນເຕີເນັດ ເຊິ່ງຈັດຕັ້ງຢູ່ ເກາະ Vinpearl ຂອງ ຫວຽດນາມ, ຂ້າພະເຈົ້າ ເຫັນວ່າ ທິດທັດທຳມະຊາດໃນເກາະງາມຫຼາຍ. ຂໍໃຫ້ລາຍການແນະນຳຂໍ້ມູນຂ່າວບາງຢ່າງກ່ຽວກັບເກາະແຫ່ງນີ້?
ເຂດ ທ່ອງທ່ຽວ Vinpearl ໄດ້ຮັບການກໍ່ສ້າງໃນເກາະ ຮ່ອນແຈ, ອ່າວ ຍາຈາງ, ແຂວງ ແຄ໋ງຮ່ວາ (ແຂວງແຄມທະເລທາງທິດໃຕ້ພາກກາງ ຫວຽດນາມ), ໄດ້ຮັບການຈັດຕັ້ງເມື່ອປີ 2001. Vinpearl ແມ່ນເຂດທ່ອງທ່ຽວ, ພັກຜ່ອນບຳລຸງສຸຂະພາບ, ລະຫຼີ້ນບັນເທິງ ດ້ວຍທິວທັດທຳມະຊາດທີ່ສວຍງາມ ພ້ອມກັບບັນດາການບໍລິການທີ່ບັນລຸມາດຖານສາກົນ. ດັ່ງນັ້ນ, ແຂກທ່ອງທ່ຽວຈຶ່ງເອີ້ນ Vinpearl ວ່າ “ເກາະເພັດມະນີຂອງ ຫວຽດນາມ”. ຈາກ ຍາຈາງ, ເພື່ອນສາມາດໄປດ້ວຍກຳ່ປັ່ນຄວາມໄວສູງ ຫຼື ດ້ວຍກະເຊົ້າລອຍຟ້າໃນເວລາພຽງ 10 ນາທີເທົ່ານັ້ນກໍ່ໄປຮອດເກາະ Vinpearl, ເພື່ອຄົ້ນຫາຄວາມງາມຂອງທະເລ, ທ້ອງຟ້າທີ່ຂຽວສົດໃສ ແລະ ຫາດຊາຍທະເລທີ່ຂາວກ້ຽງສະເໝີ. ຄຽງຂ້າງນັ້ນ, ແມ່ນສວນສະໜຸມດ້ວຍລາຍການລະຫຼິ້ນປະຈົນໄພ, ລະບົບສະໜາມກອບ ຫຼື ການບໍລິການນວດບົນທະເລທັງໝົດເຫຼົ່ານັ້ນໄດ້ສ້າງເປັນເຄື່ອງໝາຍໃຫ້ Vinpearl. ຫວັງວ່າບັນດາແຫຼ່ງຂ່າວດັ່ງກ່າວຈະຊ່ວຍໃຫ້ເພື່ອນເຂົ້າໃຈຕື່ມອີກກ່ຽວກັບເກາະ Vinpearl. ຖ້າຫາກມີໂອກາດ ເຊີນເພື່ອນມາຢ້ຽມຢາມ Vinpearl ເພື່ອໄດ້ເຫັນປະຈັກຕາຄວາມງາມຢູ່ທີ່ນີ້.
ພວກເຮົາພາກພຸມໃນທີ່ສຸດ ເມື່ອໄດ້ຮັບຄຳຄິດຄຳເຫັນຈາກພວກເພື່ອນ: ໄພວອນ ວິລາວົງ, ວັນນິດາ, ຂໍຂອບອົກຂອບໃຈພວກເພື່ອນຫຼາຍໆ. ຖ້າຫາກທ່ານຜູ້ຟັງມີຄວາມສົນໃຈສາມາດອ່ານຄືນ, ທຸກໆລາຍການຂອງພາກພາສາລາວໃນເວັບໄຊ vovworld.vn. ຫຼືພວກເພື່ອນສາມາດຝາກຈົດໝາຍ ມາຍັງລາຍການໂດຍຈ່າໜ້າຊ່ອງວ່າ: ພາກພາສາລາວ, ວິທະຍຸກະຈາຍສຽງຫວຽດນາມ, ເຮືອນເລກທີ 45 ຖະໜົນ ບ່າຈ້ຽວ, ຮ່າໂນ້ຍ. ກໍຄືໂທລະສັບໂດຍກົງເຖິງລາຍການຕາມເບີໂທ 0084.43.8256631 ຫຼື ອີແມວ laovov@yahoo.com. ຂໍຂອບໃຈ.