 ການຂົນສົ່ງເຄື່ອງຊ່ວຍເຫຼືອດ້ານສາທາລະນະສຸກ ຂອງ WHO ໄປຍັງ ໂຮງໝໍ Nasser (ພາບ: Xinhua) |
ຖະແຫລງການຮ່ວມສະແດງໃຫ້ເຫັນການສະຫນັບສະຫນູນສຳລັບບັນດາຄວາມມານະພະຍາຍາມປະຈຸບັນ ເພື່ອຫລຸດຜ່ອນຄວາມເຄັ່ງຕຶງ ແລະ ບັນລຸຂໍ້ຕົກລົງຢຸດຍິງ, ແລກປ່ຽນຕົວປະກັນ ຢູ່ ເຂດ ກາຊາ; ສະຫນັບສະຫນູນຄວາມມານະພະຍາຍາມຂອງປະທານາທິບໍດີ ອາເມລິກາ, ປະທານາທິບໍດີ ອີຢິບ ແລະ ກະສັດ ກາຕາ ທີ່ຮຽກຮ້ອງບັນດາຝ່າຍເຊື່ອມຕໍ່ການເຈລະຈາຄືນໃຫມ່ໃນສັບປະດານີ້ ເພື່ອສຳເລັດຂໍ້ຕົກລົງໂດຍໄວເທົ່າທີ່ຈະໄວໄດ້; ເນັ້ນຫນັກເຖິງຄວາມຈຳເປັນຂອງການເພີ່ມການຊ່ວຍເຫລືອມະນຸດສະທຳຢູ່ ເຂດ ກາຊາ.
ໃນວັນດຽວກັນ, ທ່ານເລຂາທິການໃຫຍ່ ສປຊ António Guterres ໄດ້ກ່າວປະນາມເຫດບຸກໂຈມຕີນອງເລືອດໃນທ້າຍອາທິດຜ່ານມາ ເພື່ອເລັ່ງໃສ່ໂຮງຮຽນແຫ່ງຫນຶ່ງຢູ່ ເຂດ ກາຊາ ເຮັດໃຫ້ມີຜູ້ເສຍຊີວິດຢ່າງຫນ້ອຍສຸດແມ່ນ 100 ຄົນ.
ວັນທີ 12 ສິງຫາ, ບໍລິສັດການບິນບາງແຫ່ງໄດ້ຕໍ່ກຳນົດເວລາຄຳສັ່ງຢຸດຕິບັນດາຖ້ຽວບິນໄປຍັງ ອິດສະຣາແອນ, ອີຣານ ແລະລີບັງ, ໃນສະພາບຄວາມເຄັ່ງຕຶງຢູ່ເຂດນີ້ ພວມເພີ່ມຂຶ້ນສູງ, ຂະນະທີ່ການບຸກໂຈມຕີຂອງ ອີຣານ ແລະ ແຮກໂບລາ ເລັ່ງໃສ່ ອິດສະຣາແອນ ອາດຈະເກີດຂຶ້ນໃນຊຸມມື້ຈະມາເຖິງ.
ນັກຂ່າວ VOV ປະຈຳ ອາເມລິກາ ແລະ ອີຢີບ
