 ທີ່ກອງປະຊຸມສຳມະນາ(ພາບ: TTXVN)
|
ວັນທີ 12 ມິຖຸນາ, ກຳມາທິການການຕ່າງປະເທດ ແລະ ຮ່ວມມືສາກົນສະພາແຫ່ງຊາດ ອາກຊັງຕິນ ໄດ້ສົມທົບກັບຄະນະກຳມະການ ອາຊຽນ ປະຈຳ ອາກຊັງຕິນ (ACBA) ຈັດກອງປະຊຸມສຳມະນາວິທະຍາສາດ “ອາກຊັງຕິນ - ອາຊຽນ, ຄູ່ຮ່ວມມືຍຸດທະສາດໃນໂລກທີ່ພວມປ່ຽນແປງ”. ເຂົ້າຮ່ວມກອງປະຊຸມສຳມະນາມີຜູ້ຕາງໜ້າບັນດາສະຖານທູດ ຫວຽດນາມ, ມາເລເຊຍ, ຟີລິບປີນ ແລະ ໄທ; ພ້ອມກັບນັກຮຽນຮູ້ ແລະ ນັກຄົ້ນຄວ້າເປັນຈຳນວນຫຼາຍ.
ກ່າວຄຳເຫັນຢູ່ທີ່ນີ້, ທ່ານນາງ Luciana Termine, ຫົວໜ້າກຳມາທິການການຕ່າງປະເທດ ແລະ ຮ່ວມມືສາກົນສະພາແຫ່ງຊາດ ອາກຊັງຕິນ ເນັ້ນໜັກວ່າ, ອາຊຽນ ແມ່ນໜຶ່ງໃນບັນດາຄູ່ຄ້າສຳຄັນຂອງ ອາກຊັງຕິນ ໃນຊຸມປີມໍ່ໆມານີ້, ພິເສດແມ່ນໃນຂົງເຂດກະເສດ ແລະ ອາຫານປຸງແຕ່ງ; ພ້ອມກັນນັ້ນ, ທ່ານກໍ່ຢືນຢັນຄວາມສາມາດບົ່ມຊ້ອນຂອງການເຕີບໂຕ, ການຫັນເປັນຫຼາຍຮູບຫຼາຍແບບ ແລະ ປັບປຸງການພົວພັນດ້ານເສດຖະກິດ - ການຄ້າລະຫວ່າງ Buenos Aires ກັບພາກພື້ນອາຊີຕາເວັນອອກສ່ຽງໃຕ້.
ໃນຂະນະນັ້ນ, ທ່ານສະມາຊິກລັດຖະສະພາ Santiago Pauli, ປະທານກຸ່ມສະມາຊິກລັດຖະສະພາກັບ ຫວຽດນາມ, ເນັ້ນໜັກເຖິງຄວາມສຳຄັນໃນຍຸດທະສາດຂອງການພົວພັນລະຫວ່າງ ອາກຊັງຕິນ ແລະ ຫວຽດນາມ, ພ້ອມກັນນັ້ນ, ກໍ່ຮຽກຮ້ອງເປີດກວ້າງການຮ່ວມມືໃນຂົງເຂດການຄ້າ, ອຸດສາຫະກຳ, ການສຶກສາ ແລະ ວັດທະນະທຳ.
