ບັນ​ດາ​ປະ​ເທດ​ຊົມ​ເຊີຍ​ຄວາມ​ຄືບ​ໜ້າ​ພາຍຫຼັງ​ກອ​ງ​ປະ​ຊຸມກ່ຽວ​ກັບ​ບັນ​ຫາ​ຢູ​ແກຼນ ທີ່​ຈັດ​ຂຶ້ນ​ຢູ່ ເຊີ​ແນວ

ຄະນະຜູ້ແທນ ອາເມລິກາ ແລະ ຢູແກຼນ ໃນການເຈລະຈາຢູ່ເຊີແນວ, ປະເທດສະວິດ ໃນວັນທີ 23/11/2025 (ພາບ: REUTERS/Emma Farge)

ວັນທີ 24 ພະຈິກ, ໃນການໂອ້ລົມທາງໂທລະສັບກັບທ່ານປະທານາທິບໍດີ ຕວັກກີ Recep Tayyip Erdogan, ທ່ານປະທານາທິບໍດີ ລັດເຊຍ Vladimir Putin ຢັ້ງຢືນຄືນຄວາມເອົາໃຈໃສ່ຂອງ ມົດສະກູ ຕໍ່ມາດຕະການການເມືອງ ແລະ ການທູດໃຫ້ແກ່ວິກິດການ ຢູແກຼນ; ພ້ອມທັງເນັ້ນໜັກວ່າ ບັນດາຂໍ້ສະເໜີໃນປັດຈຸບັນຂອງ ອາເມລິກາ ກ່ຽວກັບ ຢູແກຼນ ອາດຈະສ້າງພື້ນຖານໃຫ້ແກ່ມາດຕະການໜຶ່ງ. ທ່ານປະທານາທິບໍດີ ຕວັກກີ ເນັ້ນໜັກວ່າ ທ່ານພ້ອມແລ້ວທີ່ສະໜອງການຊ່ວຍເຫຼືອກ່ຽວຂ້ອງເຖິງ ຢູແກຼນ ແລະ ສ້າງພື້ນຖານໃຫ້ແກ່ການເຈລະຈາຢູ່ Istanbul.

ຈາກ ເອີຣົບ, ຫຼາຍການນຳ ແລະ ເຈົ້າໜ້າທີ່ EU ຮັບຮູ້ຄວາມຄືບໜ້າຈາກກອງປະຊຸມ ອາເມລິກາ - ຢູແກຼນ ຢູ່ ເຊີແນວ ໃນທ້າຍອາທິດຜ່ານມາ. ທ່ານລັດຖະມົນຕີການຕ່າງປະເທດ ຝລັ່ງ Jean – Noel Barrot ພັນລະນາການປຶກສາຫາລືດັ່ງກ່າວວ່າ “ມີປະໂຫຍດ ແລະ ສ້າງສັນ”.

ໃນຂະນະນັ້ນ, ວັນທີ 24 ພະຈິກ, ສຳນັກຂ່າວ Bloomberg ໄດ້ໃຫ້ຂ່າວວ່າ ປັດຈຸບັນ ອາເມລິກາ ຄັດຄ້ານການຈັດການເຈລະຈາສາມຝ່າຍກັບຜູ້ຕາງໜ້າເອີຣົບ ແລະ ກີແອັບ ຄືເປັນສ່ວນໜຶ່ງໃນວິວັດທະນາການແກ້ໄຂບັນຫາ ຢູແກູນ.